完整藏文原文 · 德格版页 当前仅加载第 91 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པར་འགྱུར་བ་དང་། ཡི་གེ་དང་དོན་དང་ཚིག་ལ་འཇུག་པའི་སྤོབས་པ་ཐོགས་པ་མེད་པ་དང་ལྡན་པར་འགྱུར་བ་དང་། སེམས་ཅན་རྣམས་ཀྱི་རྒྱུའི་ལམ་མངོན་པར་ཤེས་ནས་སྔོན་གྱི་གནས་རྗེས་སུ་དྲན་པ་ལ་མཁས་པར་འགྱུར་བ་སྟེ། ཆོས་ལྔ་པོ་འདི་དག་ནི་སྔོན་གྱི་དེ་བཞིན་གཤེགས་
D654.091.0146b01.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བཞག་གོ། །ད་ལྟར་ང་ཡང་འཇོག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆོས་ཐམས་ཅད་ཀྱི་སྡོམས་ཀྱི་གཞི་བསྡུ་བ་ཁྱོད་ལ་བསྟན་པར་བྱ་སྟེ། དེས་ན་ཁྱོད་ཀྱིས་མ་
D654.091.0146b02.01ཐོས་པའི་ཆོས་རྣམས་ཐོས་པར་འགྱུར་རོ། །ཐོས་པའི་ཆོས་རྣམས་འཛིན་པར་འགྱུར་རོ། །གཟུང་བའི་ཆོས་རྣམས་ནི་ཉམས་སུ་ལེན་པར་འགྱུར་རོ། །ཉམས་སུ་བླངས་པའི་ཆོས་རྣམས་ནི་གཞན་དག་ལ་ཁོང་དུ་ཆུད་པར་བྱེད་དོ། །ཚིག་གི་རབ་ཏུ་དབྱེ་བ་ལྔ་ནི་འདི་ལྟ་སྟེ། འདུ་བྱེད་ཀྱི་ཚིག་གི་
D654.091.0146b03.01རབ་ཏུ་དབྱེ་བ་དང་། དེ་བཞིན་དུ་མ་ཐོས་པའི་ཆོས་ཀྱི་ཚིག་གི་རབ་ཏུ་དབྱེ་བ་དང་། བླ་ན་མེད་པའི་ཚིག་གི་རབ་ཏུ་དབྱེ་བ་དང་། ས་ནས་ས་བརྟགས་པའི་ཡི་གེའི་ཚིག་གི་རབ་ཏུ་དབྱེ་བ་དང་། ངེས་པའི་ཚིག་དང་བརྡ་སྣ་ཚོགས་ཀྱི་ཚིག་གི་རབ་ཏུ་དབྱེ་བའོ། །དེ་ལ་འདི་དག་ནི་གཟི་བྱིན་
D654.091.0146b04.01རྟེན་པར་བྱེད་པའི་ཚིག་རིག་སྔགས་དང་ལྡན་པ་སྟེ། གླིང་བཞི་པའི་འཇིག་རྟེན་གྱི་ཁམས་ཀྱི་གནོད་སྦྱིན་དང་། སྲིན་པོ་དང་། གྲུལ་བུམ་དང་། {ཡི་དགས་,ཡི་དྭགས་}དང་། ཤ་ཟ་འཛམ་བུའི་གླིང་དུ་ལྷགས་པ་ཐམས་ཅད་ཀྱིས་གང་ཟག་དེ་ལ་ཟས་ཀྱི་སྣ་གྲངས་རྣམས་དང་། སྨན་རྣམས་སྦྱིན་པར་
D654.091.0146b05.01འགྱུར་རོ། །དེ་ལ་གསང་སྔགས་ཀྱི་ཚིག་ཆོས་ལས་བྱུང་བ་གཞན་དག་ལ་མི་གནོད་པ། དེ་བཞིན་གཤེགས་པས་གསུངས་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཀྱིས་མནོས་པ། བསྟན་པ་ཡོངས་སུ་འཛིན་པ་ནི་འདི་དག་ཡིན་ཏེ། ཀུན་དགའ་བོ་གསང་
D654.091.0146b06.01སྔགས་ཀྱི་ཚིག་འདི་དག་ཉོན་ཅིག །ཁྱོད་ཕྱིས་འགྱོད་ཏ་རེ། སྱཱད་ཡ་ཐེ་ད་ན། ཀརྨ་ཀེ་ཏ་མ་ནུཙྪེ། ར་ཏེ་རུ་ཏ་གྲན་དྲ་མ། ཐུ་མ་ན། ནཻ་ལ་ཏ། ཨ་སཾ་ཀུ་ལ་སྠཱ། བུ་མི་ཨ་ནུ་སྨ་རི། ཨི་ཤཾ་ག་མ་ཨི་ཤ་སྠཱ། ཀླེ་ན་ཨ་ནུ་ག་ཏེ། ཡཱ་མུ་ལ་གུམ་བྷེ། པ་བྷེ་མ་གུར་བ་ཡ་བ།
D654.091.0146b07.01