完整藏文原文 · 德格版页 当前仅加载第 93 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཙོམ་མི་བྱའོ། །ཡུན་རིང་དུ་འཚོ་བར་འགྱུར། རྟག་ཏུ་སྨྲ་བ་ཉུང་ཞིང་མཁས་པ་དང་། ཐམས་ཅད་དུ་དངོས་གྲུབ་ཐོབ་པར་འགྱུར་རོ། །དཀྱིལ་འཁོར་མཐོང་བ་དང་། འཇུག་པ་ལ་དགའ་བར་འགྱུར། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་དགྱེས་པ་དང་བཅས་
D686.093.0010b01.01པས་བྱིན་གྱིས་རློབ་པར་འགྱུར་རོ། །སངས་རྒྱས་རྣམས་དང་། འཇིག་རྟེན་ལས་འདས་པ་དང་། དེ་བཞིན་གཤེགས་པས་དབུགས་འབྱིན་པར་འགྱུར། སངས་རྒྱས་ཐམས་ཅད་ཀྱི་ཐུགས་ལས་སྐྱེས་པའི་སྲས་ཇི་ལྟ་བ་བཞིན་ནོ། །འདི་ནི་དེ་རྣམས་ཀྱི་མངལ་གྱི་གནས་སུ་སྐྱེ་བའི་ཐ་
D686.093.0010b02.01མ་ཡིན་ནོ། །རྟག་ཏུ་སྐྱེ་བའི་སྐྱེ་བ་དྲན་པར་འགྱུར་ཏེ། འདི་ལ་ཐེ་ཙོམ་མི་བྱའོ། །སངས་རྒྱས་ཀྱི་བྱང་ཆུབ་ཏུ་འགྲོ་བ་དང་། རྟག་ཏུ་རྒྱལ་བ་རྣམས་ཀྱི་དེ་ཁོ་ན་ཉིད་མཐོང་བ་དང་། རྟག་ཏུ་སངས་རྒྱས་ཐམས་ཅད་ལ་མངོན་སུམ་དུ་ཆོས་ཉན་པར་ཐེ་ཙོམ་མེད་དོ། །འདི་ནི་སྐྱེ་བའི་ཐ་མ་ཡིན་
D686.093.0010b03.01ཏེ། ཇི་སྲིད་དུ་སངས་རྒྱས་ཀྱི་བྱང་ཆུབ་ཏུ་རྫོགས་པར་སངས་རྒྱས་པར་འགྱུར་རོ། །དགོས་པ་གཞན་རྣམ་པ་སྣ་ཚོགས་པ་དང་། ཁྲོ་བོ་ལྕགས་ཀྱུའི་ལས་བརྒྱ་ཕྲག་སྟོང་རྣམས་རང་གི་འདོད་པའི་བློས་བྱའོ། །ཐམས་ཅད་དུ་ལན་ཅིག་བཟླས་བརྗོད་བྱས་ལ། ཐམས་ཅད་དུ་ལས་
D686.093.0010b04.01ཐམས་ཅད་བྱའོ། །བཀླགས་པས་འགྲུབ་པའི་ཆོ་གའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ཀྱི་ཞལ་དུ་བལྟས་ཏེ། བཞིན་འཛུམ་པས་ཁྲོ་བོ་ཆེན་པོ་ལྕགས་ཀྱུའི་གཟུངས་ཀྱི་ཀུན་ཏུ་
D686.093.0010b05.01སྣང་བཞིན་པའི་འོད་ཟེར་སྣ་ཚོགས་འབར་བའི་སྙིང་པོ་ལུས་ལས་ཕྱུང་ངོ་། །གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཏུ་སྣང་བར་བྱས་སོ། །འོད་ཟེར་གྱི་སྣང་བ་གང་གིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་རིན་པོ་ཆེ་སྣ་བདུན་གྱི་ཆར་འབབ་
D686.093.0010b06.01པའི་སྙིང་པོ་རབ་ཏུ་འབེབས་པར་འདོད་པའི་དོན་དང་། ལྷའི་མེ་ཏོག་སྣ་ཚོགས་ཀྱི་ཆར་འབེབས་པའི་དོན་དང་། ལྷའི་དྲི་དང་མཐུན་པར་གསལ་བའི་དྲི་དང་རྗེས་སུ་མཐུན་པའི་དྲི་རྣམ་པར་བཀྲ་བའི་ཆར་རྣམས་ཀྱིས་བཅོམ་ལྡན་འདས་དང་། འཕགས་པ་སྤྱན་རས་གཟིགས་
D686.093.0010b07.01