完整藏文原文 · 德格版页 当前仅加载第 93 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པ་འབྱུང་བར་མི་འགྱུར་རོ། །ཕྱིར་ཞིང་ལུས་འཕོ་བར་ཡང་མི་ནུས་ཤིང་། ཡོངས་སུ་དག་ཅིང་དྲི་མ་མེད་པའི་ལུས་སུ་འགྱུར་རོ། །ལུས་པདྨ་དཀར་པོའི་ཁ་དོག་དང་མཚུངས་པར་ཡང་འགྱུར་རོ། །གདུག་པ་ཐམས་ཅད་དང་། ཕྱིར་རྒོལ་བ་དང་། དགྲ་ཐམས་ཅད་དང་།
D686.093.0042b01.01འབྱུང་པོ་དང་། གནོད་སྦྱིན་དང་། སྲིན་པོ་ཐམས་ཅད་དང་། བགེགས་དང་། ལོག་པར་འདྲེན་པ་རྣམས་དང་། ཀླུ་མ་རུངས་པ་མི་བཟད་པ་དང་། བདུད་ཀྱི་རིས་ཀྱི་ལྷ་ཐམས་ཅད་ཀྱིས་ལུས་དང་ཕུང་པོ་ལ་བཟའ་བར་མི་འགྱུར་རོ། །ལུས་པདྨ་དཀར་པོའི་ཁ་དོག་དང་མཚུངས་
D686.093.0042b02.01པར་འགྱུར་ཏེ། ལྷ་རྣམས་ལྷན་ཅིག་ཏུ་རྗེས་སུ་རྒྱུ་བར་བྱེད་དོ། །ཁ་ནས་ལྷ་རྫས་ཀྱི་ཨུཏྤ་ལ་སྔོན་པོའི་དྲི་འབྱུང་བར་འགྱུར་རོ། །ལུས་ལ་ལྷ་རྫས་ཀྱི་ཙནྡན་གྱི་དྲིས་བསྒོས་པར་འགྱུར་རོ། །རྐང་པ་དང་ལག་པ་གཞོན་ཤ་ཅན་དུ་འགྱུར་རོ། །མིག་གིས་ལེགས་པར་མཐོང་བར་འགྱུར་རོ། །
D686.093.0042b03.01བཞིན་གྱི་དཀྱིལ་འཁོར་ཡོངས་སུ་རྒྱས་པར་འགྱུར་རོ། །སྙན་པ་ཐོས་པར་ཡང་འགྱུར་ཞིང་ལྷ་རྫས་ཀྱི་དྲི་ཚོར་བར་ཡང་འགྱུར་རོ། །བཟང་པོ་ལ་རེག་པའི་ལུས་སུ་ཡང་འགྱུར་རོ། །སྐྲ་བུང་བ་དང་མཚུངས་པ་ལ་ཞིང་འཁྱིལ་བའི་སྐྲ་རུ་འགྱུར་རོ། །ནམ་ཡང་ཕྱིར་ཞིང་ལུས་ཀྱི་ནང་གི་རླུང་
D686.093.0042b04.01གི་ལས་དང་། དྲི་ངན་པས་བསྒོས་པར་མི་འགྱུར་རོ། །དྲི་མ་ཐམས་ཅད་བསལ་བར་འགྱུར་རོ། །འཇམ་པ་དང་། སྙན་པ་དང་། མཉེན་པའི་ངག་ཏུ་ཡང་འགྱུར་རོ། །ལྷའི་ང་རོ་དང་། ང་རོ་བཟང་བ་དང་། ང་རོ་ཟབ་སྙན་ཅིང་མཉེན་པ་དང་། མིའམ་ཅིའི་སྒྲ་ལྟ་བུ་དང་། ཀ་ལ་པིང་ཀའི་
D686.093.0042b05.01སྒྲ་དབྱངས་སུ་འགྱུར་རོ། །མཛེས་པར་འགྲོ་བ་དང་། ཟབ་པར་འགྲོ་བར་ཡང་འགྱུར་རོ། །ལག་མཐིལ་གཏན་དུ་འཇམ་པ་དང་། སོར་མོ་རིང་བ་དང་། ལག་པའི་རི་མོ་ཤིན་ཏུ་རྣམ་པར་བཀྲ་བར་ཡང་འགྱུར་རོ། །སེང་གེའི་འགྲོས་དང་རྩལ་གྱིས་འགྲོ་བར་འགྱུར་རོ། །ཐམས་ཅད་དུ་ཐོགས་
D686.093.0042b06.01པ་མེད་པའི་འགྲོས་སུ་འགྱུར་རོ། །སེམས་ཅན་ཐམས་ཅད་ཀྱི་གཙོ་བོ་གཅིག་པུར་མཆོད་པའི་འོས་སུ་ཡང་འགྱུར་རོ། །དཔལ་རྣམ་ཐོས་སྲས་རྗེས་སུ་མཐུན་པར་རྗེས་སུ་འབྲང་བར་འགྱུར་རོ། །ཚིག་མི་མཐུན་པ་ཡང་རྗེས་སུ་མཐུན་པར་འགྱུར་རོ། །ཐམས་ཅད་དུ་ངག་རྣམ་པར་དག་པར་ཡང་
D686.093.0042b07.01