完整藏文原文 · 德格版页 当前仅加载第 93 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
ཤད་མཁན་དུ་བྱེད་ཅིང་གཞན་གྱི་ངག་རེངས་པར་བྱེད་དོ། །རང་ཉིད་བསྲུང་བ་དང་། གཞན་ཡང་བསྲུང་བར་འགྱུར་རོ། །རང་སྐལ་བ་བཟང་ཞིང་གཞན་པོ་ཡང་སྐལ་བ་བཟང་པོའི་རང་དོན་དང་གཞན་དོན་བྱེད་དོ། །ཇི་ལྟར་འདིར་ནི་འཕགས་པ་སྤྱན་རས་གཟིགས་དབང་ཕྱུག་སེམས་
D700.093.0155b01.01ཅན་གྱི་དོན་ལ་སྤྲོ་ཞིང་བརྩོན་པ་དེ་བཞིན་དུ། འདིར་བཅོམ་ལྡན་འདས་མས་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་གི་སྐྱེ་གནས་སུ་གཏོགས་པའི་སེམས་ཅན་རྣམས་སྒྲོལ་བར་བྱེད་དོ། །བདེ་བར་གཤེགས་པའི་བསྟན་པ་ལ་དད་པ་རྣམས་ལ་མ་ཉིད་ཀྱིས་བསྲུང་ངོ་ཞེས་ཐུགས་
D700.093.0155b02.01ཀྱི་རྡོ་རྗེ་དེ་བཞིན་གཤེགས་པས་གསུངས་སོ། །དེ་ལྟར་རྟོགས་པའི་རྒྱལ་པོ་བསྡུས་པ་རབ་ཏུ་བསྟན་ཏོ། །སེམས་བརྟན་རྟོག་པ་མེད་པ་ཡི། །བློ་དང་ལྡན་པས་འགྲུབ་པར་འགྱུར། །གང་ཞིག་སྤྱོད་ལམ་བསྟན་པ་ཡི། །སངས་རྒྱས་ཀུན་རྒྱུ་ཇི་ལྟ་བར། །དེ་ལྟར་འདིར་ནི་
D700.093.0155b03.01རབ་སྦྱར་ནས། །དེ་ནས་རྟག་པའི་གོ་འཕང་འགྲུབ། །ཇི་ལྟར་འདོད་པར་གནས་བྱེད་ཅིང་། །ཀུན་ལ་ལོངས་སྤྱོད་ཀུན་བྱེད་ལྟར། །ཇི་ལྟར་འདོད་པའི་སྙིང་རྗེས་སྤྱོད། །ཇི་ལྟར་འདོད་པའི་སྤྱོད་པ་ཡིས། །འདུག་པའམ་ནི་ལངས་ཀྱང་རུང་། །འཆག་པའམ་ནི་གང་དང་དེ། །
D700.093.0155b04.01རྒོད་པའམ་ནི་བརྗོད་པའམ། །གང་དེ་ཇི་བཞིན་དོན་བཞིན་ནོ། །དཀྱིལ་འཁོར་དུ་ནི་མ་ཞུགས་པའམ། །སྒྲིབ་པ་ཀུན་དང་ལྡན་པ་ཡང་། །རང་མོས་ལྷ་ཡི་རྣལ་འབྱོར་བདག །བསོད་ནམས་ཆུང་བའམ་འགྲུབ་པར་འགྱུར། །འདི་ཡིས་སངས་རྒྱས་ཐམས་ཅད་ཉིད། །ཐམས་
D700.093.0155b05.01ཅད་མཁས་པ་ཉིད་དང་ནི། །ཐམས་ཅད་རྡོ་རྗེ་འཆང་ཉིད་ཀྱང་། །སྐྱེ་བ་འདི་ལ་འགྲུབ་པར་འགྱུར། །ཡང་གསུངས་པ། རྣལ་འབྱོར་དག་ནི་གཟུགས་བརྙན་གྱི། །བཅོས་མའི་སྐུ་ལས་འགྱུར་བ་མིན། །བྱང་ཆུབ་སེམས་ཆེན་ལ་བརྩོན་ན། །རྣལ་འབྱོར་དག་ནི་དེ་ལྟ་ཡིན། །ཁྲག་
D700.093.0155b06.01ཆེན་པོ་དང་ག་པུར་བཅས། །ཙནྡན་དམར་དང་བསྲེས་པ་ནི། །ཚོགས་ཀྱི་ནང་དུ་ཞུགས་པ་ན། །ཀུན་ལས་མཆོག་གྱུར་བཅུད་ལེན་ནོ། །སྦྱོར་བ་བཟང་པོ་འདི་ཡིས་ནི། །བཅུད་ཀྱིས་ལེན་ནི་སླ་བ་རུ། །དཔལ་རྡོ་རྗེ་སེམས་དཔའི་ཚེ་བཟང་དང་། །ནད་མེད་བདེ་བ་བཟང་པོ་འཐོབ། །
D700.093.0155b07.01