完整藏文原文 · 德格版页 当前仅加载第 93 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་པའི་མཚན་ཉིད་ཇི་ལྟར་གསུངས། །སངས་རྒྱས་ཕ་རོལ་ཕྱིན་པ་དང་། །གཟུངས་དང་ས་ཡང་དེ་བཞིན་འགྲུབ། །བདེ་སྟོན་ཐམས་ཅད་ཐོབ་འགྱུར་ཞིང་། །རང་ཉིད་སོ་སོ་རྗེས་སུ་འགྲུབ། །སངས་རྒྱས་ཐམས་ཅད་མཉམ་སྦྱོར་བས། །སངས་རྒྱས་ཐམས་ཅད་
D700.093.0156a01.01ཉིད་དུ་འགྱུར། །སངས་རྒྱས་ཀུན་གྱི་དངོས་ཉིད་ཀྱང་། །སངས་རྒྱས་ཀུན་ནི་རབ་གྲུབ་འགྱུར། །གཞན་ཡང་རྣལ་འབྱོར་གྱི་སྤྱོད་པ་བྱེད་པར་འདོད་ཅིང་སེམས་ཡོངས་སུ་དག་པ་མེད་ན་དེའི་ཚེ་ཐང་སྐུའི་སྒྲུབ་པ་བཤད་དེ། བསྙེན་གནས་དང་ལྡན་ཞིང་སྨྱུང་བར་གནས་པའི་ལྷ་བཟོས་
D700.093.0156a02.01ཚོན་སྣ་མ་འདྲེས་པར་རས་གསར་པ་དེ་ཡང་རང་རང་གི་ཀུན་ཏུ་ཁྲུ་རེའི་ཚད་ཀྱིས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། སྣ་ཚོགས་ཀྱི་པདྨ་འདབ་མ་བརྒྱད་པ། ཟེ་འབྲུའི་དཀྱིལ་དུ་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་མདོག་དམར་བ་
D700.093.0156a03.01མི་བསྐྱོད་པའི་དབུ་རྒྱན་ཅན། ཞལ་གསུམ་པ། ཞལ་གྱི་གཙོ་བོ་ནི་དམར་བ་སྟེ། འདོད་ཆགས་ཆེན་པོ་ཉིད་ཀྱི་ཕྱིར་རོ། །གཡས་པ་གནག་པ་སྟེ་ཞེ་སྡང་ཆེན་པོ་ཉིད་ཀྱི་ཕྱིར་རོ། །གཡོན་པ་དཀར་བ་སྟེ་གཏི་མུག་ཉིད་ཀྱི་ཕྱིར་རོ། །ཕྱག་དྲུག་པ་བྱའོ། །གཡོན་པའི་ཕྱག་གཅིག་
D700.093.0156a04.01གིས་གོས་དཀར་མོའི་མགྲིན་པ་ནས་འཁྱུད་པ་དང་། པདྨ་དམར་པོ་བསྣམས་པ་དང་གཡོན་པ་གཉིས་ཀྱིས་མེ་ཏོག་གི་གཞུ་བསྣམས་པའོ། །གཡས་པ་གསུམ་དུ་ཁབ་ཀྱི་ཕྱག་རྒྱས་པདྨ་ཁ་འབྱེད་པ་དང་། མེ་ཏོག་གི་མདའ་དང་། ལྕགས་ཀྱུ་བསྣམས་པའོ། །སེམས་དཔའི་སྐྱིལ་
D700.093.0156a05.01མོ་ཀྲུང་གིས་གནས་པ་བྱའོ། །ཤར་གྱི་འདབ་མ་ལ་རྣམ་པར་གཟིགས་མ་མདོག་དཀར་མོ། །པདྨ་དམར་པོ་དང་རྡོ་རྗེ་ཕྱག་ན་བསྣམས་པའོ། །ལྷོ་ཕྱོགས་ཀྱི་འདབ་མ་ལ་ལྷ་མོ་སྒྲོལ་མ་ལྗང་གུ་རྒྱ་སྐྱེགས་ཀྱི་ཤིང་གི་ལོ་མ་དང་རིན་པོ་ཆེ་ཕྱག་ན་བསྣམས་པའོ། །ནུབ་ཕྱོགས་ཀྱི་འདབ་
D700.093.0156a06.01མ་ལ་བྷུ་རི་ནི་སེར་མོ་ཨུཏྤ་ལ་སྔོན་པོ་དང་འཁོར་ལོ་བསྣམས་པའོ། །བྱང་ཕྱོགས་ཀྱི་འདབ་མ་ལ་ཁྲོ་གཉེར་ཅན་ནི་པདྨ་དཀར་སེར་ལྟ་བུ་པདྨ་སེར་པོ་དང་རལ་གྲི་ཕྱག་ན་བསྣམས་པའོ། །ཤར་གྱི་མཚམས་སུ་པདྨའི་གོས་ཅན་མ་གསེར་ལྟ་བུའི་མདོག་བཙོད་ལྟ་བུའི་པདྨ་བསྣམས་
D700.093.0156a07.01