完整藏文原文 · 德格版页 当前仅加载第 93 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །དངུལ་ལམ་དཀར་པོའི་ག་འུར་གཞུག །ཐམས་ཅད་ལས་ཀུན་ཞི་བར་འགྱུར། །ཡུང་བའི་ཆུ་ཡིས་བྲིས་པ་ཡི། །པུཥྚིཾ་ཀུ་རུ་མཚམས་སུའོ། །ཙནྡན་དཀར་པོ་དྲི་ཞིམ་ཞིང་། །ཁམ་ཕོར་སེར་པོར་ལེགས་པར་གཞུག །རྒྱས་པའི་ལས་རྣམས་གྲུབ་
D701.093.0161a01.01པར་འགྱུར། །པ་ལ་ཤ་ཡིས་ལེགས་པར་བྲིས། །བ་ཤཾ་ཀུ་རུ་མཚམས་སུ་དགོད། །ཁམ་ཕོར་དམར་པོར་ལེགས་པར་གཞུག །དབང་གི་ལས་རྣམས་འགྲུབ་པར་འགྱུར། །ནིམ་པའི་ཆུ་ཡིས་ལེགས་པར་བྲི། །མཱ་ར་ཡ་ནི་མཚམས་སུ་དགོད། །ལྕགས་སམ་ཐོད་པར་
D701.093.0161a02.01ཡང་དག་གཞུག །ཕྲིན་ལས་ཐམས་ཅད་གྲུབ་པར་འགྱུར། །ཙནྡན་དཀར་པོ་དྲི་ཞིམ་ཞིང་། །ཞི་བས་དེ་ནི་མེ་ལ་བསྲེག །འབྲས་བུ་མངར་དང་བཅས་པའི་ཤིང་། །རྒྱས་པས་དེ་ནི་མེ་ལ་བསྲེག །དབང་ནི་པ་ལ་ཤ་ཡི་ཤིང་། །དེ་ལ་བསྲེགས་ན་ཁུགས་པར་འགྱུར། །
D701.093.0161a03.01ནིམ་པའི་ཤིང་ལ་ཚར་གཅད་པའི། །བསྲེགས་པས་ཕྲིན་ལས་འགྲུབ་པར་འགྱུར། །འཁོར་ལོའི་ལེའུ་སྟེ་བཞི་པའོ།། །།དེ་ནས་ལས་ཀྱི་རིམ་པ་ནི། །དཱུར་བའི་རྩྭ་དང་འབྲས་ཀྱི་འདབ། །ཏིལ་དང་ཡུངས་ཀར་ཅི་ཙེ་ལ། །གསང་སྔགས་བཟླས་ནས་གྲུབ་པ་ནི། །ད་ལིའི་
D701.093.0161a04.01ཤིང་ལ་ལེགས་བསྲེགས་ནས། །ཐམས་ཅད་རབ་ཏུ་ཞི་བར་ནུས། །ཀུ་ཤ་སྟར་བུ་ཤུག་འབྲུམ་དང་། །སྟག་མའི་མེ་ཏོག་དམར་པོ་ལ། །གསང་སྔགས་བཟླས་པར་རབ་བྱ་སྟེ། །ཙནྡན་ཤིང་ལ་ལེགས་བསྲེགས་ནས། །རྒྱས་པར་བྱ་བའི་ལས་གྲུབ་ཅིང་། །ནུས་པ་མཆོག་
D701.093.0161a05.01ནི་ཐོབ་པར་འགྱུར། །པ་ལ་ཤ་ཡི་ཤིང་དག་དང་། །ཁྲེ་དང་ཅི་ཙེ་མོན་སྲན་ལ། །གསང་སྔགས་བཟླས་པ་རབ་བྱ་སྟེ། །པདྨ་ཀ་ཡི་ཤིང་ལ་བསྲེག །ནུས་པ་མཆོག་ནི་ཐོབ་པར་འགྱུར། །ཐམས་ཅད་དབང་དུ་འདུ་བར་འགྱུར། །གྲོ་དང་སོ་བ་འབྲས་དང་ནི། །བྲ་བོ་མོན་
D701.093.0161a06.01སྲན་ཏིལ་ནག་པོ། །གསང་སྔགས་རབ་ཏུ་བཟླས་བྱ་སྟེ། །ཁ་ཏི་ར་ཡི་ཤིང་ལ་བསྲེག །ནུས་དང་ལྡན་དེ་ལས་རྣམས་ནི། །མྱུར་བ་ཉིད་དུ་འགྲུབ་པར་འགྱུར། །པྲ་ཧ་ཁ་ཚའི་ཤིང་དག་ལ། །ལོ་མ་འབྲས་བུར་བཅས་པ་དང་། །རྡོ་རྗེའི་ཤིང་ལ་སྔགས་བཟླས་ནས། །མྱ་ངན་
D701.093.0161a07.01