完整藏文原文 · 德格版页 当前仅加载第 93 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ་བ་རེ། ཨི་ལི་མི་ལི། ཙི་ཏི་ཛྭ་ལ་མ་པ་ན་ཡེ་སྭཱ་ཧཱ། ཧཱུྃ་སྐྱེས་ཕྱག་ན་རྡོ་རྗེ་ཡིས། །བུམ་པའི་ཆུ་ཡིས་ཁྲུས་བྱས་ན། །ཞེ་སྡང་རབ་ཏུ་ཞི་བྱས་ནས། །བཟོད་པ་ཆེན་པོ་ཐོབ་པར་འགྱུར། །
D701.093.0163b01.01དུག་རྣམས་རབ་ཏུ་ཞི་བར་བྱེད་པའི་ལེའུ་སྟེ་བརྒྱད་པའོ།། །།རས་སམ་གྲོ་གའམ་ཤིང་ཤུན་ལ། །འཁོར་ལོ་རྩིབས་བཞི་མུ་ཁྱུད་བཅས། །དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཆེ་གེ་མོ་ལ་རཀྵ་རཀྵ་ཞེས་པའོ། །སྲུང་བ་ལུས་ལ་བཏགས་བྱས་ན། །ནད་དང་གདོན་དང་རིམས་དང་ནི། །
D701.093.0163b02.01འཇིགས་པའི་ནད་དང་གདོན་ལས་ཐར། །བདེ་བ་ཡོངས་སུ་རྫོགས་པར་འགྱུར། །སྐུད་པ་དག་ནི་དཀར་པོ་ལ། །མདུད་པ་དག་ནི་རབ་བྱས་ཏེ། །བདུན་ནམ་ཉི་ཤུ་རྩ་གཅིག་གམ། །བརྒྱ་རྩ་བརྒྱད་དུ་ལེགས་བཟླས་ནས། །བསྲུང་བའི་དམ་པ་འདི་བྱས་ན། །བསྲུང་བ་ཡི་
D701.093.0163b03.01ནི་དམ་པ་འདིས། །བསྲུང་བའི་མཆོག་ཏུ་འགྱུར་བའོ། །མུ་ཏིག་བྱི་རུ་རིན་ཆེན་གསེར། །ག་བུར་གུར་གུམ་གླ་རྩི་དང་། །ཨ་ག་རུ་དང་དུ་རུ་སྐ། །ཕུར་མ་སྙིང་གར་གདགས་པར་བྱ། །ཙནྡན་གླ་རྩི་གུར་གུམ་དང་། །གུ་གུལ་ནག་པོ་རུས་པའི་ཕྱེ། །བ་ཡི་འོ་མས་ལྡེ་གུ་
D701.093.0163b04.01བྱས། །གནས་གསུམ་དག་ཏུ་བྱུགས་པས་ནི། །གདོན་དང་ནད་ཀྱིས་འཇིགས་ཀུན་ལ། །བྱུགས་པས་དེ་ནི་བསྲུང་བར་འགྱུར། །བསྲུང་བ་འཁོར་ལོའི་ལེའུ་སྟེ་དགུ་པའོ།། །།སེར་བ་ཡོངས་སུ་བསྲུང་བ་ནི། །སེང་ལྡེང་ལྷང་ཏིའི་ཕུར་བུ་ལ། །གཟུངས་
D701.093.0163b05.01སྔགས་བཟླས་ནས་དབུས་སུ་ནི། །ཧཱུྃ་ལས་བྱུང་བའི་སྐུ་བསྐྱེད་དོ། །ཕྱོགས་བཞིར་ཁྲོ་བོ་ཆེན་པོ་ནི། །ཤར་དུ་ཁམས་གསུམ་རྣམ་རྒྱལ་ནི། །སྐུ་མདོག་དཀར་པོ་མེ་དཔུང་འབར། །རྡོ་རྗེ་འཁོར་ལོ་སྡིགས་མཛུབ་མཛད། །ཨོྃ་པྲཛྙཱནྟ་ཀྲྀ་ཏ་ཧ་ན་ཧ་ན་ཧཱུྃ་ཕཊ། ལྷོ་རུ་གཤིན་
D701.093.0163b06.01རྗེ་གཤེད་པོ་ནི། །དམར་ནག་རིན་ཆེན་བེ་ཅོན་འཛིན། །ཨོྃ་ཡ་མཱནྟ་ཀྲྀཏ་ཏིཥྛ་ཏིཥྛ་ཧཱུྃ་ཕཊ། ནུབ་ཏུ་རྟ་མགྲིན་དམར་པོ་ནི། །མེ་དཔུང་རྡོ་རྗེ་དབྱུག་པ་འཛིན། །ཨོྃ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ། བྱང་ཕྱོགས་ཁྲོ་གཉེར་ཅན་གྱི་སྐུ། །ལྗང་སྔོན་རལ་གྲི་འཛིན་པ་སྟེ། །
D701.093.0163b07.01