完整藏文原文 · 德格版页 当前仅加载第 96 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
བ། བཅོམ་ལྡན་འདས་བདག་ཅག་གི་དབང་དུ་བགྱིས་ཏེ། གནོད་པ་དང་དྲང་བས་བཀུག་ཅིང་དྲངས་ཏེ་ཐོ་བཙམས་ན། བཅོམ་ལྡན་འདས་བསྐྱབ་ཏུ་གསོལ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཐམས་ཅད་ཀྱི་སྟེང་གི་དཀྱིལ་འཁོར་ཡངས་པ་སྟོན་པའི་མཆོག་གི་བློ་གྲོས་
D752.096.0002b01.01དང་། བློ་དང་། ལས་དང་། ལས་ཀྱི་མཐའ་དང་ལྡན་པ། ས་ཆེན་པོ་ལས་ས་གཞན་ཐོབ་པ་རྒྱལ་ཚབ་ཏུ་ཉེ་སྟེ། ཆོས་ཀྱི་རྒྱལ་སྲིད་ལ་དབང་བསྐུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྗེས་སུ་དགོངས་པར་མཛད་པ་ཙམ་གྱིས་འོངས་ཏེ། རྡོ་རྗེའི་ཟོ་མ་ལྟར་དཔུང་མགོ་ཡངས་པ། རྡོ་
D752.096.0002b02.01རྗེ་ལྟར་མཁྲེགས་པའི་ཅོད་པན་འོད་ཟེར་འཚེར་བ་ཅན། རྡོ་རྗེའི་དཔུང་རྒྱན་དང་ལྡན་པ། ལུས་མཁྲེགས་ཤིང་སྲ་བ་དང་། ལག་ན་རྡོ་རྗེ་དང་། ཞགས་པ་དང་། ལག་ན་བརྟན་པོ་འབར་བ་ཐོགས་པ། རྡོ་རྗེ་ཕུར་བུ་སྲ་བས་རབ་ཏུ་འཇོམས་པར་བྱེད་པ། མཐུ་ཆེན་པོ་གཡོག་བཞི་འབུམ་ལྔ་ཁྲི་
D752.096.0002b03.01དང་ལྡན་པ། འཇིག་རྟེན་གྱི་ཁམས་འདི་ཀུན་དུ་སྣང་བར་བྱེད་ཅིང་རྡོ་རྗེའི་རིགས་ཀྱི་གཞོན་ནུ་དང་། རྡོ་རྗེའི་སྡེ་དང་། རྡོ་རྗེའི་བེ་ཅོན་དང་། རྡོ་རྗེའི་སྙིང་པོ་དང་། རྡོ་རྗེའི་ཏོག་དང་། རྡོ་རྗེའི་སྣང་བ་དང་། རྡོ་རྗེ་སྔོན་པོ་དང་། རིན་པོ་ཆེའི་རྡོ་རྗེ་དང་། གསང་བའི་རྡོ་རྗེ་དང་། འཁོར་ལོ་རྡོ་རྗེ་ལ་སོགས་པ་དང་། རྡོ་
D752.096.0002b04.01རྗེའི་དམག་དཔོན་ཆེན་པོ་རྣམས་དང་། དམག་སྐྱོང་རྣམས་དང་། ས་སྐྱོང་རྣམས་དང་། རྡོ་རྗེ་རིག་པའི་རྒྱལ་པོ་ཡང་དག་པ་དང་། ཡང་དག་པ་མ་ཡིན་པ་ཡང་དག་པར་རྟོགས་པ་རྣམས་དང་། རྡོ་རྗེའི་ཡུལ་རྣམས་དང་། རྡོ་རྗེ་རྣམ་པར་འདྲེན་རྣམས་དང་ལྷན་ཅིག་ཏུ་རྡོ་རྗེ་གཞོན་ནུའི་གདོན་རྣམས་
D752.096.0002b05.01དང་། རྡོ་རྗེ་གནོན་པོ་རྣམས་དང་། རྡོ་རྗེ་རྨི་ལམ་ངན་བྱེད་རྣམས་ཡང་དག་པར་སྐུལ། རྣམ་པར་སྐུལ་ཞིང་འཁོར་གྱི་ཁྱམས་ཆེན་པོར་འདུས་པ་ཐམས་ཅད་ལ་ཀུན་དུ་སྣང་བར་བྱེད། རྣམ་པར་སྣང་བར་བྱེད། གསལ་བར་བྱེད། རྣམ་པར་གསལ་བར་བྱེད། རབ་ཏུ་དགའ་བར་བྱེད། ཡང་དག་པར་
D752.096.0002b06.01སྐུལ། སོ་སོར་སྐུལ་ཞིང་བཅོམ་ལྡན་འདས་ག་ལ་བ་དེར་སོང་སྟེ། བླ་གོས་ཕུད་ནས་ཞབས་ལ་ཅོད་པན་གྱིས་གཏུགས་ཏེ། ལན་གསུམ་དུ་བསྐོར་བ་བྱས་ནས་ཐལ་མོ་སྦྱར་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་རྗེས་སུ་ཡི་རང་བ་མཛད་དེ། རྡོ་རྗེ་འཆང་ཁྱོད་སོང་ལ་ལྷ་རྣམས་
D752.096.0002b07.01