完整藏文原文 · 德格版页 当前仅加载第 96 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྷའི་བུ་རྣམས་དང་། ལྷ་མ་ཡིན་རྣམས་དང་། ལྷ་མ་ཡིན་གྱི་བུ་རྣམས་དང་། རླུང་ལྷ་རྣམས་དང་། རླུང་ལྷའི་བུ་རྣམས་དང་། ནམ་མཁའི་ལྡིང་རྣམས་དང་། ནམ་མཁའི་ལྡིང་གི་བུ་རྣམས་དང་། འདུས་པ་ཆེན་པོའི་བར་དག་སྒྲ་འབྱིན་ཅིང་ཉམ་ཐག་པ་མྱོང་བ་རྣམས་
D752.096.0003a01.01ཀྱི་བསམ་པ་རྫོགས་པར་གྱིས་ཤིག །དེ་ནས་རྡོ་རྗེ་འཆང་སྟན་ལས་ལངས་ཏེ། ལྷ་དང་། ལྷ་མ་ཡིན་དང་། རླུང་ལྷ་དང་། ནམ་མཁའི་ལྡིང་དང་། འབྱུང་བོའི་ཚོགས་ཀྱི་ནང་དུ་སོང་ནས་རྗེས་སུ་སྟོན་ཅིང་རྡོ་རྗེའི་མཚོན་ཆའི་མེ་སྒྲོན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྫུ་འཕྲུལ་
D752.096.0003a02.01གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་མེ་ལྕེ་འབར་བའི་འོད་འཕྲོ་བ་དང་། མེ་སྟག་རྣམ་པར་འཕྲོ་བ་དང་། ལྕེ་འབེབས་པའི་གློག་རྣམས་ཀྱིས་འཇིག་རྟེན་གྱི་ཁམས་རྣམས་གཟིར་ཏེ། དེ་ནས་བསྐལ་བ་ཆེན་པོ་ལྔར་རྨི་ལམ་དང་། ཆུ་དང་། གང་གཱའི་ཀླུང་གི་བྱེ་མའི་
D752.096.0003a03.01གྲངས་ཀྱི་ཚད་ཙམ་དག་གིས་མདངས་དང་། གཟི་བརྗིད་དང་། ཚངས་པར་སྤྱོད་པ་དང་། གཙང་མ་དང་། བཟོད་པ་དང་། ཚུལ་ཁྲིམས་དང་། བརྟུལ་ཞུགས་དང་། དཀའ་ཐུབ་དང་། རང་གི་ལོངས་སྤྱོད་ཐམས་ཅད་ལས་བྱུང་བའི་ལས་གྲུབ་པའི་རྡོ་རྗེ་དེ་བྱང་ཆུབ་སེམས་དཔའ་ལག་ན་རྡོ་རྗེ་
D752.096.0003a04.01དེའི་ལག་ཏུ་བྱིན་ཏོ། །དེ་ནི་སངས་རྒྱས་བཅོམ་ལྡན་འདས་རྣམས་ཀྱི་གསུང་རབ་ཀྱི་ཆོས་སྟོན་པར་གྱུར་པ་དགྲ་བཅོམ་པ་རྣམས་ཀྱི་ཆོས་དང་། ཚུལ་ཁྲིམས་དང་། ཏིང་ངེ་འཛིན་བྱེད་པ། བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་དང་། ཚུལ་ཁྲིམས་དང་། བཟོད་པ་དང་། སྙིང་རྗེ་བྱེད་
D752.096.0003a05.01པ། རང་གི་རྡོ་རྗེ་དང་། རིགས་ཀྱི་རིག་པ་དང་། དཀྱིལ་འཁོར་དང་། བཀླགས་པའི་ཚུལ་དུ་གྱུར་པ་དྲག་པོ་དང་། དབང་པོ་དང་། གཤིན་རྗེ་དང་། ཆུ་ལྷ་དང་། ལུས་ངན་དང་། རླུང་ལྷ་དང་། ནམ་མཁའི་ལྡིང་གདུལ་དཀའ་རྣམས་འདུལ་བ་སྟེ། དེ་ལྟར་དེ་ལས་བྱུང་བའི་བཅོམ་ལྡན་
D752.096.0003a06.01འདས་ཁྲོ་བོ་དྲག་པོ་རྣམས་རྨོངས་པར་བྱེད་པ། སྒྱུ་དང་ལྡན་པ་རྣམས་རྨུགས་པར་བྱེད་པ་དང་། སྡང་བ་རྣམས་སྐྱོད་པ། རྨོངས་པ་རྣམས་འཇིག་པ། དམ་པོ་རྣམས་རྩད་ནས་འདོན་པ། རྒྱས་པ་རྣམས་སྦུར་མར་རློག་པ། ཡོན་པོ་རྣམས་སྲོང་བ། གཅོད་པ་རྣམས་སྙིང་རྗེས་བྱེད་པ། འབྱུང་
D752.096.0003a07.01