完整藏文原文 · 德格版页 当前仅加载第 96 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
ཧེ་ཤྭ་རཾ། མ་ཧྭེ་ཤྭ་ར་བུ་བ་ནཾ་བན་དྷ། མ་ཧེ་དེ་བཾ་བན་དྷ། མ་ཧཱ་དེ་བ་ཛ་ཏ་བ་མཱ་པཱ་དེ་ན་བི་ཀྲ་མི་བན་དྷ། ཨོཾ་ན་མོ་བྷ་ག་ཝ་ཏྱཻ་བཛྲ་ཤྲྀཾ་ཁ་ལེ་ད་ཤ་དི་ཤཾ་བཛྲ་བྲཱ་ཀ་རེ་ཎ་བན་དྷ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ་ཕཊ་སྭཱ་ཧཱ། རིག་སྔགས་འདི་ཉིད་གསུངས་ཙམ་གྱིས། །
D758.096.0020b01.01རྒྱ་ཆེན་འཇིག་རྟེན་ཁམས་འདི་རྣམས། །རྣམ་པ་དྲུག་ཏུ་གཡོས་གྱུར་ནས། །ལྷ་དང་ལྷ་མིན་སྲིན་བཅས་དང་། །གནོད་སྦྱིན་དྲི་ཟ་གྲུལ་བུམ་དང་། །མཁའ་ལྡིང་ལྟོ་འཕྱེ་ལུས་སྲུལ་པོ། །ཀླུ་དང་མི་འམ་ཅི་ལ་སོགས། །ཚོགས་རྣམས་ཐམས་ཅད་རྨྱོས་བརྒྱལ་ཏེ། །ས་
D758.096.0020b02.01སྟེང་ཁ་སྦུབ་ཏུ་འགྱེལ་ནས། །དབང་པོ་ཤིན་ཏུ་སྟོར་བ་ལ། །བདེ་བ་ཆེན་པོའི་འོད་ཟེར་གྱིས། །ཕོག་པའི་སྐད་ཅིག་དེ་མ་ཐག །དྲན་པ་སླར་རྙེད་གཟི་མདངས་སྐྱེས། །དེ་ནས་བསྟོད་པའི་རྒྱལ་པོས་བསྟོད། །ཨེ་མའོ་བདེ་བ་ཆེ་མཆོག་དཔལ་ཉིད་ལས། །རྒྱས་པ་སྟོབས་སྐྱེས་
D758.096.0020b03.01བཀྲ་ཤིས་ཀྱིས། །ལྷ་མོས་ཧཱུྃ་བརྗོད་ཙམ་ཉིད་ལས། །ནམ་མཁའི་ཁམས་སུ་གྲགས་པར་འགྱུར། །བདེ་ཆེན་ཡེ་ཤེས་མངའ་བདག་ཉིད། །རྡོ་རྗེ་ཞེས་པའི་མཚན་ལྡན་པའི། །ལྷ་མོ་ལུ་གུ་རྒྱུད་མ་ལ། །བདག་ཅག་རྣམས་ཀྱིས་གུས་པར་འདུད། །སྐུ་ཡི་འོད་ཟེར་སྣ་ཚོགས་
D758.096.0020b04.01ཀྱིས། །འགྲོ་བའི་ཉོན་མོངས་སེལ་བྱེད་པའི། །འོད་ཀྱིས་བདག་ལ་བདེ་བ་སྐྱེས། །ལྷ་མོ་བདེ་བ་ཁྱོད་ཕྱག་འཚལ། །སྟོང་ཉིད་སྨོན་བྱེད་མཚན་མ་བྲལ། །རྒྱལ་བ་ཀུན་གྱི་རིག་པ་ལས། །ཡ་མཚན་ལྷ་མོའི་རང་བཞིན་ཐུགས། །མི་རྟོག་རང་བཞིན་ཕྱག་འཚལ་ལོ། །
D758.096.0020b05.01དེ་རྗེས་རྒྱལ་བ་ཀུན་འདུས་པའི། །གཟུགས་སོགས་རིག་པའི་ལྷ་མོ་ཡིས། །འཁོར་ལོ་འདི་ལ་ལེགས་མཆོད་ནས། །མགྲིན་གཅིག་ཏུ་ནི་འདུས་ནས་སུ། །སངས་རྒྱས་རྣམས་ཀྱིས་གསུངས་པ་ཡིས། །རྡོ་རྗེའི་ཚིག་གིས་སྟོད་པར་བྱེད། །རྡོ་རྗེ་ནམ་མཁའ་ལས་
D758.096.0020b06.01བྱུང་བའི། །སངས་རྒྱས་ཐམས་ཅད་སྐྱེད་པའི་ཡུམ། །སྤྲོས་བྲལ་ནམ་མཁའི་རང་བཞིན་གསལ། །རྡོ་རྗེ་ཐུགས་ལ་ཕྱག་འཚལ་ལོ། །རྡོ་རྗེ་གཟུགས་ཀྱི་སྒྲ་ཡིས་ནི། །ལྷ་ཚོགས་མ་ལུས་རྣམས་འཆིང་མཛད། །བདུད་རྣམས་ཚར་གཅོད་རྡོ་རྗེ་སྒྲ། །ནམ་མཁའི་
D758.096.0020b07.01