完整藏文原文 · 德格版页 当前仅加载第 96 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་ལ་ཕྱག་འཚལ་ལོ། །འགྲོ་དྲུག་བདུད་འཇོམས་ཞལ་དྲུག་མ། །ཕྱི་ནང་རྟེན་འབྲེལ་དག་ཕྱིར་ཕྱག །སྒེག་ཅིང་ཅུང་ཟད་འཇིགས་པར་བྱེད། །རྡོ་རྗེའི་སྐུ་ལ་ཕྱག་འཚལ་ལོ། །དེ་སྐད་རྡོ་རྗེ་ལྷ་མོ་ལ། །ལྷ་ལ་སོགས་པ་ཐམས་ཅད་ཀྱིས། །རྨད་
D758.096.0021a01.01བྱུང་བསྟོད་པའི་རྒྱལ་པོ་དེས། །བསྟོད་པའི་དེ་མ་ཐག་ཏུ་ནི། །ལྷ་མོ་གཟི་མདངས་ཆེར་སྐྱེས་ནས། །རང་གི་སྙིང་པོ་འདི་གསུངས་སོ། །ཨོཾ་བཛྲ་ཤྲྀཾ་ཁཱ་ལེ་ཧཱུྃ་ཧཱུྃ་ཕཊ་སྭཱ་ཧཱ། རིག་པ་གཟུངས་ཀྱི་ཕྲེང་བའམ། །གསང་སྔགས་འདི་ཉིད་བཤད་ཙམ་གྱིས། །རིམས་དང་ཤུ་བ་
D758.096.0021a02.01གཡན་པ་དང་། །ལྷོག་པ་ཤ་བཀྲ་མཛེ་ནད་འབྲས། །ཀླད་ནད་མིག་ནད་རྣ་ནད་དང་། །ལྐོག་ནད་གློ་མཆིན་ནད་རྣམས་དང་། །རྒྱུ་གཟེར་སྙིང་ནད་མཁལ་ནད་དང་། །རྐང་ལག་ནད་དང་ཁྱབ་པར་ན། །ཆུ་སེར་ནད་དང་ཁྲག་ནད་དང་། །བད་ཀན་རླུང་དང་མཁྲིས་པ་དང་། །ཤིན་
D758.096.0021a03.01ཏུ་འཁྲུགས་པའི་ནད་ལ་སོགས། །ཡམས་ནད་ཐམས་ཅད་ཞི་བར་བྱེད། །གཞན་ཡང་འབྱུང་པོ་བརྗེད་བྱེད་གདོན། །ཤ་ཟ་མཁའ་འགྲོ་མ་མོ་དང་། །གཟའ་དང་རྒྱུ་སྐར་ལོག་འདྲེན་དང་། །བྱད་སྟེམས་དྲག་པོ་ཕྱི་རོལ་གྱི། །རིག་སྔགས་གཏུམ་པོ་ལ་སོགས་པ། །འཇིགས་
D758.096.0021a04.01པའི་གནོད་པ་ཐམས་ཅད་ཀུན། །རླུང་གིས་སྤྲིན་བཞིན་གཏོར་བར་བྱེད། །གཞན་ཡང་སྟག་གཟིག་དོམ་དྲེད་དང་། །འཕར་བ་སྤྱང་ཀི་གུང་པོ་ཆེ། །སྲེ་མོང་བྱི་བ་སྦྲུལ་བྱི་ལ། །སྦྲང་བུ་མཆུ་རིངས་པ་ཏྲེ་ཀ། །ཁྭ་དང་སེའུ་བྱུའུ་རྟ་ལ་སོགས། །འཇིགས་པ་རྣམ་མང་ཇི་སྙེད་པ། །
D758.096.0021a05.01གསང་སྔགས་འདི་བརྗོད་ཐོས་ཙམ་གྱིས། །ཐག་{རིངས་སུ་,རིང་དུ་}ནི་སྐྲོད་པར་བྱེད། །གནོད་པ་རྣམ་མང་ཐམས་ཅད་ཀྱང་། །སྔགས་ཀྱི་སྦྱོར་བས་སེལ་བར་བྱེད། །གནོད་བྱེད་རྣམས་ནི་གནོད་མེད་བྱེད། །གནོད་མེད་གནོད་དང་ལྡན་བྱེད་ཅིང་། །སྦྱོར་བ་ཡང་ནི་སྦྱོར་བ་འགས། །
D758.096.0021a06.01གཞན་གྱི་སྦྱོར་བ་འཆིང་བར་བྱེད། །རྡོ་རྗེ་ལུ་གུ་རྒྱུད་ཀྱི་རྟོག་པ་ལས་གསང་སྔགས་བསྟན་པའི་ལེའུ་སྟེ་དང་པོའོ།། །།དེ་ནས་འདིར་ནི་བཤད་བྱ་བ། །མཛེས་མ་རྡོ་རྗེ་ཁྲོ་མོ་ཡིས། །ལྷ་ཡི་ཏིང་འཛིན་སྦྱོར་བ་རྣམས། །ཐིག་ལེ་ཆེན་མོས་མཉན་པར་གྱིས། །ཨོཾ་བཛྲ་ཤྲིཾ་ཁཱ་
D758.096.0021a07.01