完整藏文原文 · 德格版页 当前仅加载第 96 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
དགོས་པ་ཐམས་ཅད་སྒྲུབ་ཅིང་། སྤྱད་ཐམས་ཅད་ཀྱི་དངོས་གྲུབ་ཐམས་ཅད་སྦྱིན་པར་བྱེད་དོ། །མིའི་ཐོད་པ་ལ་ལན་བདུན་ཡོངས་སུ་བཟླས་པའི་ཡུངས་ཀར་ཐོད་པའི་ནང་དུ་བཅུག་སྟེ་དྲག་པོའི་སྒོར་བཅིངས་ན། ཇི་སྲིད་དྲག་པོའི་སྒོ་དེར་ཐོད་པ་གནས་ཀྱི་བར་དེ་སྲིད་
D766.096.0074a01.01དུ་དགོས་པ་ཐམས་ཅད་སྒྲུབ་ཅིང་མཆོག་ཐམས་ཅད་སྟེར་བ་ནས་བཀའ་བཞིན་བྱེད་པར་འགྱུར། གུ་གུལ་གྱིས་བདུགས་ཏེ་སྔགས་རྗེས་སུ་དྲན་པར་བྱས་ན་ཚིག་སྨྲ་ཞིང་བྱ་བ་ཐམས་ཅད་བྱེད་ཅིང་མཆོག་ཐམས་ཅད་སྟེར་བར་འགྱུར་རོ། །ཚངས་པ་རྐང་པས་མནན་ཏེ་གུ་གུལ་གྱིས་
D766.096.0074a02.01བདུགས་ནས་སྔགས་བརྗོད་དེ། འོ་མ་དང་ཞོས་བཀྲུས་ན། ཚངས་པ་རང་གི་གཟུགས་ཀྱིས་མདུན་དུ་བཀུག་སྟེ། གསང་སྔགས་ཀྱི་སྤྱད་དང་དངོས་གྲུབ་ཐམས་ཅད་རྗེས་སུ་སྟེར་བར་འགྱུར་རོ། །ཁྲུས་བྱས་པའི་འོ་མ་དེ་འབྲས་མཁར་མའི་ཟན་དང་བསྲེས་ཏེ་ཟོས་ན་ཐོས་པའི་རྒྱུད་
D766.096.0074a03.01ཐམས་ཅད་ཁ་ཏོན་ནུས་ཤིང་། སྤྱད་ཐམས་ཅད་ཀྱི་སྔགས་ཀྱི་རྗེས་འཇུག་པར་འགྱུར་རོ། །ཐོས་པ་ཐམས་ཅད་ཆུད་མ་ཟོས་པར་གྱུར་ནས་མིའམ་ཅི་དང་ཚངས་པའི་དབྱངས་ཀྱི་ང་རོ་དང་ལྡན་པར་གྱུར་ནས་ལུས་ཐམས་ཅད་དག་པར་རྙེད་ནས་ཚེ་ལོ་སྟོང་དུ་འགྱུར་ཞིང་། བསྐྱིལ་ཅིང་
D766.096.0074a04.01འཁྱིལ་བའི་སྐྲ་དང་ལྡན་པར་གྱུར་ནས་རྐང་པ་གཉིས་ལ་བཟུང་སྟེ་ཕྱག་བཙལ་ནས་ལས་ཐམས་ཅད་བྱེད་པར་འགྱུར་རོ། །གཟུགས་བརྙན་དུར་ཁྲོད་ཀྱི་དབུས་སུ་ས་བརྐོས་ཏེ་བཅུག་ན། འབྱུང་པོ་ཐམས་ཅད་ཀྱི་རྣམ་པར་གཙེས་པར་འགྱུར་ཞིང་ལུས་དུམ་བུར་ཞིག་པར་འགྱུར་རོ། །
D766.096.0074a05.01མིག་གི་འབྲས་བུ་རྡོལ་ཏེ་ཟླ་བ་གསུམ་ན་འཆི་བར་འགྱུར་རོ། །ཀླུའི་གཟུགས་བརྙན་བྱས་ཏེ། དཀྱིལ་འཁོར་གྱི་དབུས་སུ་བཞག་ནས་མེ་ཏོག་དང་བདུག་པ་ཐམས་ཅད་ཕུལ་ནས་ཀ་ར་པཱི་རའི་ལྕུག་མ་ལ་ཡོངས་སུ་བཟླས་ཏེ། སྔགས་རྗེས་སུ་དྲན་པར་བྱས་ཏེ་བཞུས་ན་ཀླུ་ཐམས་ཅད་
D766.096.0074a06.01འོང་སྟེ་ཆར་གྱི་རྒྱུན་ཆེན་པོ་འབེབས་པར་བྱེད་དོ། །ཀླུ་ཐམས་ཅད་ལས་བྱེད་པར་འགྱུར་རོ། །ཐམས་ཅད་ཀྱིས་བཀའ་བཞིན་བྱེད་པར་འགྱུར་རོ། །ཀླུའི་གཟུགས་བརྙན་བྱས་ཏེ། བལ་པོ་སེའུའི་ལྕུག་མས་བཞུས་ན་སེར་བ་ཐམས་ཅད་གཅོད་པར་འགྱུར་རོ། །རླུང་ཐམས་ཅད་
D766.096.0074a07.01