完整藏文原文 · 德格版页 当前仅加载第 96 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བྱའོ། །ཀུན་དུ་ཐིག་བྲི་བ་ནི་ཤིན་ཏུ་མཉམ་པར་གཅལ་ཏེ་གྲུ་བཞི་པ་ལ་སྒོ་བཞི་པ། ཆ་མཉམ་པར་གཅལ་བར་བྱའོ། །དབུས་ཀྱི་ཁྲུ་བརྒྱད་པའི་ཚད་ལ་ཙནྡན་དཀར་པོས་ལེགས་པར་བྲི་པར་བྱའོ། །ནང་གི་ཁྲུ་བཞིའི་ཚད་ལ། གླ་རྩི་དང་། གུར་གུམ་དང་།
D766.096.0076a01.01ག་བུར་དང་བསྲེས་པས་བྲི་བར་བྱའོ། །དེའི་དབུས་སུ་གར་མཁན་མཆོག་རྒྱན་ཐམས་ཅད་ཀྱིས་བརྒྱན་པ། ལག་པ་བཅུ་དྲུག་པ། མཚན་དང་ལྡན་པ་བྲི་བར་བྱའོ། །ཕྱི་རོལ་གྱི་དཀྱིལ་འཁོར་དུ་ཚངས་པ་དང་། གཏོགས་འདོད་དང་། དབང་པོ་ཆེན་པོ་དང་། མཐུ་ཆེན་པོ་བྲི་བར་
D766.096.0076a02.01བྱའོ། །གྲྭ་བཞིར་རྒྱལ་པོ་ཆེན་པོ་བྲི་བར་བྱའོ། །ཕྱི་རོལ་གྱི་དཀྱིལ་འཁོར་གྱི་གནས་སུ་གནོད་སྦྱིན་མང་པོ་སྣ་ཚོགས་བྲི་བར་བྱའོ། །སྒོ་བཞིར་གང་བ་བཟང་པོ་དང་། ནོར་བུ་བཟང་པོ་དང་། སྟོབས་ཀྱི་ལྷ་དང་། དགའ་བའི་དབང་པོ་བྲི་བར་བྱའོ། །དབུས་ཀྱི་དཀྱིལ་
D766.096.0076a03.01འཁོར་གྱི་གནས་སུ་སངས་རྒྱས་གཅིག་པུ་དཔའ་བ་ཤཱཀྱ་མིའི་སེང་གེའི་གཟུགས་གཞུག་པར་བྱ་སྟེ། ལག་ན་རྡོ་རྗེ་དང་། བརྒྱ་བྱིན་རྔ་ཡབ་ཐོགས་ཤིང་གཡབ་པ་ལྟར་གཡས་གཡོན་དུ་གཞག་པར་བྱའོ། །བྱང་ཕྱོགས་ཀྱི་གྲྭ་ར་གང་བའི་བུམ་པ་ཉི་ཤུ་རྩ་ལྔ་དང་། དངུལ་གྱི་
D766.096.0076a04.01སྣོད་བརྒྱད་གཞག་པར་བྱའོ། །ནུབ་ཕྱོགས་སུ་པོག་ཕོར་ཉི་ཤུ་རྩ་ལྔ་དང་། དེ་བཞིན་དུ་ཤར་དང་། ལྷོ་ཕྱོགས་སུ་ཡང་གཞག་པར་བྱའོ། །གཏོར་མ་གང་བ་བརྒྱ་རྩ་བརྒྱད་དང་། གཏོར་མའི་བུམ་པ་སུམ་ཅུ་རྩ་གཉིས་དང་། འབྲུ་དང་། འབྲས་བུ་དང་། མེ་ཏོག་གི་
D766.096.0076a05.01ཕྲེང་བ་བརྒྱ་རྩ་བརྒྱད་དང་། ཁམ་ཕོར་བརྒྱ་རྩ་བརྒྱད་དང་། བར་བར་དུ་མཚོན་ཆ་སྣ་ཚོགས་པ་ཡང་གཞག་པར་བྱའོ། །ཁ་ཟས་དྲུག་ཅུ་རྩ་བཞི་དང་། བཅོ་བ་སུམ་ཅུ་དང་། བ་དན་བརྒྱ་རྩ་བརྒྱད་དང་། གསེར་གྱི་སྣོད་བཞི་དཀྱིལ་འཁོར་གྱི་དབུས་སུ་གཞག་པར་
D766.096.0076a06.01བྱའོ། །ཐོ་བ་བཞི་དང་། འཁོར་ལོ་སུམ་ཅུ་དང་། མུས་ལ་བཞི་དང་། མདའ་བཞི་དང་། བུམ་པ་བཞི་གཞག་པར་བྱའོ། །དྲི་སྣ་ཚོགས་དང་། བདུག་པ་སྣ་ཚོགས་རིམ་པ་བཞིན་དུ་དབུལ་ལོ། ཀུན་དུ་དར་གྱི་བླ་རེ་དང་། སིལ་སྙན་སྣ་ཚོགས་དང་ལྡན་པ་
D766.096.0076a07.01