完整藏文原文 · 德格版页 当前仅加载第 96 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་ལུས་དག་བགྱི་ཕྱིར་ཡང་། །ཅི་སླད་སྨྱུང་བ་མི་བཟད་བགྱི་བར་གསུངས། །སྲིད་པའི་མཐར་ཕྱིན་བདེ་བར་གཤེགས་པ་ཡིས། །ཤིང་རྟའི་མིག་བསྐུ་བཟའ་བའང་ཅི་ཕྱིར་གསུངས། །རྡོ་རྗེ་ཅན་གྱིས་དཔུང་བཟང་ཚིག་གསན་ནས། །འབྲུག་སྒྲ་ཟབ་འདྲའི་
D805.096.0128a01.01གསུང་གིས་བཀའ་སྩལ་བ། །བུ་གཅིག་ལུས་དག་བྱ་ཕྱིར་སྨྱུང་བྱ་བར། །བདེ་གཤེགས་འདི་ན་ནམ་ཡང་མི་གསུང་ཡང་། ལུས་འདི་མི་གཙང་བགས་པ་ཤ་ཁྲག་རྐང་། ཀླད་རྒྱ་རྒྱུ་མ་མཆེར་མཆིན་མཁའ་མ་ཞག །མཁྲིས་པ་བད་ཀན་ཁུ་བ་ཕྱིས་དང་། གཅིན་སྣབས་བ་སྤུ་སྐྲ་
D805.096.0128a02.01དང་རུས་པ་དང་། །མིག་དང་རྣ་བ་སྣ་དང་ཁ་དང་ནི། །བཤང་སྒོ་མཚན་དང་བུ་ག་དགུ་པོ་ཡི། །རྨ་ནས་དྲི་མ་སྣ་ཚོགས་མི་གཙང་བ། །འཛག་བའི་རྒྱུན་ནི་རྟག་ཏུ་འབྱུང་བ་ཡིན། །དེ་ལྟར་ཡན་ལག་ཐམས་ཅད་འདུས་པ་དང་། ས་ཆུ་མེ་རླུང་ནམ་མཁའ་རྣམས་དང་ལྡན། །ཅི་བཞིན་
D805.096.0128a03.01ལས་ཀྱི་རྗེས་འབྲང་མི་ཡི་ལུས། །ཐམས་ཅད་ལྡན་པའི་གཟུགས་ལ་གནས་པ་ཡི། བཤང་གཅི་སྣབས་དང་མཆིལ་མ་བད་ཀན་དང་། །འདི་དག་ཟད་པར་བྱ་ཕྱིར་སྨྱུང་བར་གསུངས། །དྲི་མ་ཟད་ནས་མི་ཡི་ལུས་དག་ན། །རང་གི་འབྱོར་ཕྱིར་བསྒྲུབ་ལ་བདེ་བར་འཇུག །འདོད་ཆགས་
D805.096.0128a04.01ཀྱིས་ནི་གདུངས་པར་གྱུར་ན་ཡང་། །ལུས་ཀྱི་ཕན་ལག་འདི་དག་ཐམས་ཅད་ལ། །དྲན་བ་རྩེ་གཅིག་མངོན་དུ་བྱས་ནས་ནི། །ཡེ་ཤེས་མིག་གིས་སོ་སོར་རྣམ་པར་བརྟག །དེ་ལྟར་རག་གིས་ངེས་པར་བརྟགས་པ་ན། །ལུས་དང་སྲོག་ལ་རྗེས་སུ་ཆགས་པ་ཡི། །འདོད་ཆགས་རྩ་ནས་
D805.096.0128a05.01ཡོང་ཡེ་ཞི་འགྱུར་ཏེ། །ཉི་མས་མུན་ནག་གཏན་ནས་བསལ་བ་བཞིན། །ཕན་ཡོན་དེ་ཡིས་གསང་སྔགས་ཉེ་བསྙེན་ནས། །རང་གི་ལུས་ལ་ཉེ་བར་རིགས་པ་དང་། ཡར་གྱི་ཚེས་བརྒྱད་དམ་ནི་བཅུ་བཞི་ལ། །ཡང་ན་བཅོ་ལྔ་ལ་ནི་བཟླས་བརྗོད་བྱ། །ལྷ་ཡི་གནས་ཀྱིས་ངག་བསྟར་བའི་
D805.096.0128a06.01ཕྱིར། །ས་དང་ལྕི་བར་བསྲེས་ལ་སོགས་པས་བྱུག །དད་པས་བདེ་གཤེགས་ཀུན་ལ་ཕྲེང་བ་དང་། ལྷ་བཤོས་མེ་ཏོག་དྲི་དང་རམ་མེས་མཆོད། །དེ་ནས་རྡོ་རྗེ་འཛིན་པ་དང་འཁོར་མཛོད། །དེ་ནས་གསང་སྔགས་ལྷ་ལ་དབུལ་བར་བྱ། །བསྟོད་འོས་སངས་རྒྱས་རྣམས་ལ་བསྟོད་ནས་
D805.096.0128a07.01