完整藏文原文 · 德格版页 当前仅加载第 96 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
སུ། ཕྱིར་ཞིང་བྱང་ཆུབ་སེམས་ཀྱང་དྲན་བྱས་ཏེ། །སེམས་ཅན་སྐྱེ་རྒ་ན་བས་གཟིར་བ་ལ། །ཅི་ལྟར་རིགས་པར་སྙིང་རྗེའང་བསྒོམ་པར་བྱ། །འདུས་ཆེན་མདོ་སྡེ་བཀླག་པའམ་བཀྲ་ཤིས་ཀྱི། །ཚིགས་སུ་བཅད་པའམ་ཆོས་ཀྱི་འཁོར་ལོ་མཆོག །དེ་བཞིན་གཤེགས་
D805.096.0128b01.01པའི་གསག་པའམ་སྒྲོན་མཆེ། །ངང་ཡང་རུང་བ་གཅིག་ནི་རིམ་བཞིན་བཀླག །དེ་ནས་བླ་འོག་ཕྱོགས་རྣམས་བཅིངས་ནས་སུ། །ལུས་ལ་གོ་ཆ་བགོ་བར་བྱས་ནས་ནི། །གོང་དུ་སྨོས་པའི་དཀྱིལ་འཁོར་དེ་རྣམས་ལས། །གཅིག་ཅིག་ཚོན་རྩི་རྣམས་ཀྱིས་བྲི་བར་བྱ། །རྡོ་རྗེ་
D805.096.0128b02.01མེ་ཆུ་རླུང་དང་མདུང་ཐུང་དག །རིམ་བཞིན་དཀྱིལ་འཁོར་འདིར་ནི་བྲི་བར་བྱ། །ར་བར་བྲིས་བས་ལྷ་དང་ལྷ་མིན་དང་། སྡང་བའི་བདག་ཉིད་སེམས་ནི་མྱོས་པར་འགྱུར། །སེང་གེའི་གདན་གྱིས་མངོན་པར་བསྔགས་པའི་སྟན། །དེ་ནི་དཀྱིལ་འཁོར་དབུས་སུ་གཞག་པར་བྱ། །བདག་
D805.096.0128b03.01ཉིད་བསྲུང་བ་བྱས་ཏེ་དེར་འདུག་ནས། །རྫས་བླངས་མྱུར་དུ་བཟླས་བརྗོད་བྱས་ནས་ནི། །བདུག་པའི་སྦྱིན་སྲེག་སྟོང་ཡང་སྦྱིན་སྲེག་བྱ། །དེ་ནས་དེ་ནི་དྲི་ཆུས་བཀྲུས་ནས་སུ། །བགེགས་མང་རྣམས་ཀྱང་རབ་ཏུ་བསལ་བྱས་ནས། །བྱང་ཆུབ་ཤིང་ལོ་གསུམ་གྱི་སྟེང་དུ་བཞག །བཞི་
D805.096.0128b04.01ཡིས་བཀབ་ནས་ཅི་སྲིད་གྲུབ་པ་ནི། །རྣམ་གསུམ་མཐོང་གི་བར་དུ་གསང་སྔགས་བཟླས། །དྲོ་དང་དུད་འཐུལ་མེ་བཞིན་འབར་བའམ། །རིམ་བཞིན་བཟློག་ནས་འབྱུང་ནའང་འགྲུབ་པར་གསུངས། །དྲོ་བས་འགྲོ་བ་ཐམས་ཅད་དབང་འགྱུར་ཏེ། །དུ་བ་འཐུལ་བས་ལུས་ནི་མི་སྣང་འགྱུར། །
D805.096.0128b05.01འབར་བས་མཁའ་ལ་ཤིན་ཏུ་འགྲོ་འགྱུར་ཏེ། །མི་ཡི་ལུས་ནི་ལྷ་ལྟར་གསལ་བར་འགྱུར། །ཅི་ལྟར་ལུས་ལ་གྲང་བ་འཇུག་པ་དང་། ཅི་ལྟར་མངལ་དུ་དྲི་ཟ་འཇུག་པ་དང་། ཉི་ཟེར་མེ་ཤེལ་ཞུགས་ནས་མེ་འབྱུང་ལྟར། །དེ་བཞིན་དངོས་གྲུབ་ལུས་ལ་འཇུག་པར་འགྱུར། །མར་མེ་མཆེད་
D805.096.0128b06.01ཅིང་ཤིན་ཏུ་འབར་བ་དག །སྣུམ་ཞིང་དཀྱུས་རིག་གསེར་གྱི་མདོག་ལྟར་དང་། འབྲུ་མར་ཟད་ཀྱང་འབར་བར་གྱུར་ན་ནི། །དེ་ཚེ་སྔགས་པ་དངོས་གྲུབ་ཐོབ་འགྱུར་ཏེ། །དེ་དག་རྫས་ལས་བྱུང་བའི་དངོས་གྲུབ་བོ། །མིས་ནི་རི་མོའི་སྐུ་གཟུགས་འགུལ་བའམ། །ཕྲེང་བ་སྨིན་མ་མིག་དང་རྔ་ཡབ་
D805.096.0128b07.01