完整藏文原文 · 德格版页 当前仅加载第 98 函德格 299b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་ན་ཚེ་འདིས་སངས་རྒྱས་ཆེ་བ་ཡང་། །བླང་དོར་མེད་པའི་སྐུ་གསུམ་རྡོ་རྗེས་འཐོབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་བདེན་པ་གཉིས་བསྟན་པའི་ལེའུ་སྟེ་དང་པོའོ།། །།སེམས་དཔའ་ཆེན་པོ་དམ་ཚིག་འདི་དག་ནི་བདག་དང་གཞན་ལ་ཕན་
D835.098.0299b01.01པའི་ཕྱིར་ངས་བཤད་དོ། །གཏི་མུག་ཞེ་སྡང་ང་རྒྱལ་དང་། །འདོད་ཆགས་ཕྲག་དོག་ཆེན་པོ་ནི། །བསྲུང་བ་མེད་པའི་སྡོམ་པ་ཅན། །དེ་ནི་དམ་ཚིག་རྡོ་རྗེ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དམ་ཚིག་བསྟན་པའི་ལེའུ་སྟེ་གཉིས་པའོ།། །།སེམས་
D835.098.0299b02.01དཔའ་ཆེན་པོ་དབང་འདི་དག་ནི། །རང་རིག་པའི་རྩལ་གྱིས་འཐོབ་བོ། །ཐབས་དང་ཤེས་རབ་དབང་ཆེན་ཏེ། །རྡོ་རྗེ་དྲིལ་བུ་རིག་པས་འཛིན། །མྱ་ངན་འདས་དང་འཁོར་བ་ཡི། །ཆོས་ལ་འདོད་བཞིན་དབང་བྱེད་དོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་དབང་
D835.098.0299b03.01གི་ལེའུ་སྟེ་གསུམ་པའོ།། །།སེམས་དཔའ་ཆེན་པོ་མཆོད་པའི་མཆོག་ནི་འདི་ལྟར་རིག་པར་བྱའོ། །བདག་མཆོད་ཀུན་མཉེས་ཐམས་ཅད་འདྲོངས། །ཀུན་ལ་ཕན་པའི་སྨན་ཡིན་ཏེ། །རྣལ་འབྱོར་བདག་ཉིད་ཆེན་པོ་ཡིས། །ཐམས་ཅད་བཟའ་ཞིང་བརྒྱན་པར་བྱ། །འཕགས་
D835.098.0299b04.01པ་ཐབས་ཀྱི་ཞགས་པ་པདྨོ་ཕྲེང་ལས་མཆོད་པའི་ལེའུ་སྟེ་བཞི་པའོ།། །།ཀུན་དུ་འོད་ཀྱི་ས་ལས་འདས། །པདྨའི་སྤྱན་དུ་གྱུར་པ་ན། །རིག་པའི་བྱིན་བརླབས་ཆེན་པོ་ལས། །རང་འབྱུང་དཀྱིལ་འདུ་འཕྲོ་ཡི་ཚུལ། །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་
D835.098.0299b05.01བྱད་ཀུན་ལས་གྲོལ། །རྔམ་ཞིང་གཏུམ་པའི་གཟུགས་ཅན་དང་། །མགྱོགས་མ་མགྱོགས་མའི་ཕོ་ཉར་ལྡན། །དེ་ནི་ཐིག་ལེ་རྡོ་རྗེ་ཡིན། །འདི་ཞེས་གང་ཟག་བདག་མེད་པར། །རྟོགས་པར་བྱ་ཕྱིར་ངས་བཤད་དེ། །མཁས་པས་དེ་ལ་འབྱོར་པར་གྱིས། །འཕགས་
D835.098.0299b06.01པ་ཐབས་ཀྱི་ཞགས་པ་པདྨོ་ཕྲེང་ལས་ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་ལྔ་པའོ།། །།དེ་ན་སེམས་དཔའ་ཆེན་པོ་སྤྱོད་ཡུལ་ཐམས་ཅད་ནི་འདི་ལྟར་རིག་པར་བྱའོ། །ཆེན་པོ་ལྔ་ཡང་དེ་བཞིན་གཤེགས། །གཅིག་ལའང་ལྔ་ལྔར་རིག་པར་གྱིས། །
D835.098.0299b07.01