完整藏文原文 · 德格版页 当前仅加载第 98 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་བསྡུས་པའི་ལེའུ་སྟེ་སུམ་ཅུ་དགུ་པའོ།། །།དྲག་པོས་ཐམས་ཅད་འདུལ་བར་འགྱུར། །དབང་གིས་འབྱོར་བ་མཆོག་ཀྱང་འགྲུབ། །རྒྱས་པས་གཟི་བརྗིད་རྣམ་པར་འཕེལ། །ཞི་བས་བདེ་བའི་མཆོག་ཀྱང་
D835.098.0309b01.01འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ལས་སྒྲུབ་པའི་ཕན་ཡོན་གྱི་ལེའུ་སྟེ་བཞི་བཅུ་པའོ།། །།དཀྱིལ་འཁོར་འདིའི་མཚན་ནི་དབང་ཆེན་བསྡུས་པའི་དཀྱིལ་འཁོར་ཏེ། དེ་ལ་དཀྱིལ་འཁོར་གྱི་གཞི་ཟླུམ་པོར་བྱ་བ་ནི་ཆོས་ཀྱི་དབྱིངས་སྤྲོས་པ་མེད་
D835.098.0309b02.01པའི་དོན་ནོ། །འཁོར་ལོ་རྩིབས་ཟུར་ཅན་དུ་བྱ་བ་གཞི་ཟླུམ་པོའི་ནང་ན་གནས་པ་ནི་ཆོས་ཀྱི་དབྱིངས་སྤྲོས་པ་མེད་བཞིན་དུ་བྱིན་གྱིས་བརླབས་ཀྱི་ལྷ་དང་། ལྷ་མོ་དང་། ཁྲོ་བོ་དང་། ཁྲོ་མོ་དང་། ཕོ་ཉ་ལ་སོགས་པ་དང་ཉིད་ཀྱིས་འཕྲོ་བའི་དོན་ནོ། །རྣམ་པ་གཅིག་ཏུ་ཆོས་ཀྱི་དབྱིངས་རྣམ་པར་
D835.098.0309b03.01རྟོག་པ་མེད་བཞིན་དུ་ཐམས་ཅད་མཁྱེན་པའི་ཡེ་ཤེས་ཅི་ཡང་མཁྱེན་པ་ལྷུན་གྱིས་གྲུབ་པའི་དོན་ནོ། །མཐའ་གྲུ་བཞི་བྱ་བ་ནི། ཕྱོགས་བཅུའི་སྣོད་དང་བཅུད་ཀྱི་འཇིག་རྟེན་ཐམས་ཅད་ལ་དབང་བསྒྱུར་བས་བདེ་བ་ཆེན་པོ་རྒྱས་པའི་དོན། དཀྱིལ་ནས་ལྷ་མོ་ལྔ་ཕྱིར་ལྟ་བ། ལྷ་མོ་ནི་དབྱིངས་
D835.098.0309b04.01ཉིད་ཉེ་བའི་བྱིན་བརླབས་ཏེ། སེམས་དཔས་དབྱིངས་ཉིད་དང་ཉེ་བ་མཐོང་བའི་དོན་ནོ། །སེམས་དཔའ་ལྔ་ནང་དུ་ལྟ་བ་ནི་དབྱིངས་ཉིད་ཉེ་བ་ལ་ལྟ་བའི་དོན་ནོ། །སེམས་དཔའ་གཞན་ཕྱིར་ལྟ་བ་ནི། དབྱིངས་ཉིད་ཐམས་ཅད་དུས་རྡོ་ལྟ་བུ་བེམས་པོ་མ་ཡིན་གྱི་མཁྱེན་པའི་ཡེ་ཤེས་དང་
D835.098.0309b05.01ལྡན་ཞིང་སེམས་དཔའ་ཉིད་དབྱིངས་ལས་མི་གཞན་པའི་ཐ་ཚིག་གོ། །སེམས་མ་གཞན་ནང་དུ་ལྟ་བ་ནི་མཁྱེན་པའི་ཡེ་ཤེས་དངོས་པོ་ལ་སོགས་པ་ཐམས་ཅད་དུ་རྣམ་པར་རྟོག་པ་མ་ཡིན་གྱི་དབྱིངས་ཉིད་དང་ལྡན་ཞིང་དབྱིངས་ཉིད་ཀྱང་མཁྱེན་པའི་ཡེ་ཤེས་ལས་མི་
D835.098.0309b06.01གཞན་པའི་ཐ་ཚིག་གོ། །རྣམ་གཅིག་ཏུ་སེམས་དཔའ་ཕྱིར་ལྟ་བ་ནི་སྣོད་དང་བཅུད་ཀྱི་འཇིག་རྟེན་ཐམས་ཅད་དབང་བསྒྱུར་བའི་དོན། སེམས་མ་ནང་དུ་ལྟ་བ་ནི་སྣོད་དང་བཅུད་ཀྱི་འཇིག་རྟེན་ཐམས་ཅད་དབང་དུ་འདུས་པའི་དོན། སེམས་དཔའ་དང་སེམས་མ་ཕྱི་ནང་
D835.098.0309b07.01