完整藏文原文 · 德格版页 当前仅加载第 100 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ། རྒྱལ་པོ་འམ། བློན་པོ་ཆེན་པོའམ། ཆོམ་རྐུན་ནམ། སྦྲུལ་ལམ། སྲིན་བུའམ། སྲིན་བུ་ལུ་ཏའམ། སྦྲང་བུ་ལྕགས་ཕྱེའམ། ཉེ་བའི་ཉོན་མོངས་པ་གང་ཡང་རུང་བ་དག་འཚེ་བར་བགྱིད་པ་འགའ་ཡང་མ་མཆིས་སམ་ཞེས་གསུང་ངོ་། །སེམས་
D858.100.0080b01.01ཅན་རྣམས་ཀྱི་དོན་དང་། སྨན་པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་
D858.100.0080b02.01དང་ལྡན་པར་བགྱི་བ་དང་། བསྲུང་བ་དང་། སྦ་བ་དང་། བསྐྱབ་པའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་གཟུངས་ཀྱི་གསང་སྔགས་གཞི་འདི་དག་ཀྱང་བསྐུར་ཏེ། འདི་ལྟ་སྟེ། ཛྭ་
D858.100.0080b03.01ལེ་ཛྭ་ལེ། ཛྭ་ལེ་ག་ཏེ། ཧུཀྐུ། མུཀྐུ། སཾ་མ་ཏེ། མ་ཧཱ་སཾ་མ་ཏེ། མ་ཧཱ་ཛྭ་ལེ། ཛྭ་བ་ལ་མེ། ས་ཧེ་ས་ཧེ། མ་ཧཱ་ཛྭ་ལེ། ཨུཀྐེ་མུཀྐེ། ཤ་མེ། སཾ་མ་ཏེ། མ་ཧཱ་སཾ་མ་ཏེ། མ་ཧཱ་ཤ་མེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་བ་ཀུན་དགའ་བོ་ལ་
D858.100.0080b04.01བཀའ་སྩལ་པ། ཀུན་དགའ་བོ་ཁྱོད་ཀྱིས་གསང་སྔགས་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །
D858.100.0080b05.01གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་གཞི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་
D858.100.0080b06.01དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བདུན་དུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་
D858.100.0080b07.01