完整藏文原文 · 德格版页 当前仅加载第 100 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྦྲང་བུ་ལྕགས་ཕྱེ་ཐམས་ཅད་ཀྱིས་མི་ཚུགས་སོ། །རིམས་རླུང་དང་། མཁྲིས་པ་དང་། བད་ཀན་དང་། འདུས་པ་དང་། དུས་ཚིགས་འགྱུར་བ་ལས་བྱུང་བ་ཐམས་ཅད་ཀྱིས་མི་ཚུགས་སོ། །ཞག་གཅིག་པའམ། ཞག་གཉིས་པའམ། ཞག་
D858.100.0083b01.01གསུམ་པའམ། ཞག་བཞི་པའམ། ཞག་བདུན་པའམ། ཟླ་བ་ཕྱེད་པའམ། ཟླ་བ་གཅིག་པའམ། ལོ་གཅིག་པའམ། ནད་རྒྱུན་{རིངས་སམ,རིང་ངམ}། སྐད་ཅིག་པ་རྣམས་ཀྱིས་མི་ཚུགས་སོ། །འབྲས་སམ། ཕོལ་མིག་གམ། རྐང་ཤུའམ། ལྷོག་པའམ།
D858.100.0083b02.01མེ་དཔལ་ལམ། ཤུ་བའམ། ཁྱི་རྔོའམ། གཡན་པའམ། མཛེ་ཐམས་ཅད་དམ། ལྷོག་པ་ཐམས་ཅད་དམ། གཤེད་བྱེད་ཐམས་ཅད་དམ། སྒྱུར་བའི་ལས་ཐམས་ཅད་དམ། བྱད་ཐམས་ཅད་དང་། རོ་ལངས་ཐམས་ཅད་ཀྱིས་ཀྱང་མི་ཚུགས་སོ། །ཀུན་
D858.100.0083b03.01དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་
D858.100.0083b04.01དག་ནི་རྒྱལ་པོའི་ཕོ་བྲང་ན་འདུག་ན་ཡང་ཡིད་ལ་བྱའོ། །ཆོམ་རྐུན་གྱི་ནང་ན་འདུག་ན་ཡང་ཡིད་ལ་བྱའོ། །སྲིན་པོའི་ནང་ན་འདུག་ན་ཡང་ཡིད་ལ་བྱའོ། །གཅན་གཟན་ཁྲོ་བོའི་ནང་ན་འདུག་ན་ཡང་ཡིད་ལ་བྱའོ། །འབྲོག་དགོན་པའི་ནང་ན་འདུག་ན་ཡང་ཡིད་ལ་བྱའོ། །
D858.100.0083b05.01ཀླུང་དང་བགྲོད་དཀའ་བ་ན་འདུག་ན་ཡང་ཡིད་ལ་བྱའོ། །མེའི་ནང་ན་འདུག་ན་ཡང་ཡིད་ལ་བྱའོ། །ཆུའི་ནང་ན་འདུག་ན་ཡང་ཡིད་ལ་བྱའོ། །དེ་ཡིད་ལ་བྱས་པ་དེ་རྣམས་ལས་འཇིགས་པ་དེ་དག་ཐམས་ཅད་མི་འབྱུང་ངོ་། །དེས་དུག་ཟོས་པ་ཐམས་ཅད་ཀྱང་ཁ་ཟས་ཉིད་
D858.100.0083b06.01དུ་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ནི་འབྱུང་པོ་ཐམས་ཅད་ཀྱིས་མི་ཚུགས་སོ། །{ཡི་དགས་,ཡི་དྭགས་}ཐམས་ཅད་དང་། སྲུལ་པོ་ཐམས་ཅད་དང་། གཤེད་བྱེད་ཐམས་ཅད་དང་། སྒྱུར་བའི་ལས་ཐམས་ཅད་དང་། བྱད་
D858.100.0083b07.01