完整藏文原文 · 德格版页 当前仅加载第 100 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ན་སེམས་ཅན་ཐམས་ཅད་དབང་དུ་འགྱུར་རོ། །ནགས་ཚལ་ཆེན་པོའི་ནང་དུ་སྐྱིལ་མོ་ཀྲུང་བཅས་ཏེ་འདུག་ལ་ལན་བདུན་བརྗོད་ན་བསམ་གཏན་ཆེན་པོ་འཐོབ་པར་འགྱུར་ལ། ཉོན་མོངས་པ་དང་ཡང་བྲལ་བར་འགྱུར་རོ། །འཕགས་པ་ཀུན་དུ་བཟང་
D877.100.0109a01.01པོའི་སྐུ་གཟུགས་ཀྱི་དྲུང་དུ་སྐྱིལ་མོ་ཀྲུང་བཅས་ཏེ་འདུག་ལ་མེ་ཏོག་ལ་སོགས་པ་ཇི་སྙེད་པས་མཆོད་ནས། ལུས་ངལ་བར་གྱུར་གྱི་བར་དུ་གཟུངས་ཆེན་མོ་འདི་བརྗོད་ལ། དལ་བར་གྱུར་ནས་དེ་ཉིད་དུ་ཉལ་ན་རྨི་ལམ་དུ་བྱང་ཆུབ་སེམས་དཔའ་ཀུན་དུ་བཟང་པོ་མཐོང་བར་འགྱུར་ཏེ།
D877.100.0109a02.01ཕྱག་གཡས་པས་དེ་ལ་བྱུགས་ནས་ཡང་དག་པར་དབུགས་འབྱིན་པར་མཛད་དེ། ཆོས་ཀྱི་སྣང་བ་ཆེན་པོ་ཡང་གསོལ་བར་མཛད་དོ། །འདི་སྐད་དུ་རྒྱལ་བའི་སྲས་ལེགས་སོ་ལེགས་སོ། །ཁྱོད་ནི་དེ་བཞིན་གཤེགས་པའི་དཀྱིལ་འཁོར་ཆེན་པོར་ཞུགས་པ་ཡིན་ཏེ། ཁྱོད་ཚེ་
D877.100.0109a03.01བརྗེས་ནས་ས་ཆེན་པོ་འཐོབ་པར་འགྱུར་རོ་ཞེས་ཀྱང་གསུངས་སོ། །དེ་ནས་ལུས་བདེ་བ་དང་། སེམས་བདེ་བ་དང་། དགའ་བ་ཆེན་པོ་དང་། དང་བ་དང་། མཆོག་ཏུ་དགའ་བ་ཆེན་པོ་དང་ལྡན་བཞིན་དུ་སད་པར་འགྱུར་རོ། །མཐུ་ཆེ་བ་དང་། དབང་ཆེ་བར་གྲགས་པར་ཡང་
D877.100.0109a04.01འགྱུར་རོ། །ལྷ་རྣམས་ཀྱང་དེ་ལ་བལྟ་བའི་ཕྱིར་འོང་ངོ་། །ནང་པར་ལངས་ནས་བྱང་ཆུབ་སེམས་དཔའ་རྣམས་ཀྱིས་ཡང་དག་པར་བསྡུས་པའི་མདོ་སྡེ་རྣམས་བཀླག་པར་བྱའོ། །སེམས་ཅན་ཐམས་ཅད་ལ་ཡང་ཕན་པ་དང་། བདེ་བའི་སེམས་བསྐྱེད་པར་བྱའོ། །དེ་ནས་ཕ་
D877.100.0109a05.01རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་ཤིང་སྡིག་པ་ཐམས་ཅད་དང་བྲལ་ཏེ། ཉོན་མོངས་པའི་ཕྱོགས་རྣམས་བཅོམ་ལ། དེ་བཞིན་གཤེགས་པ་རྣམས་ཀྱིས་ཀྱང་བསྔགས་པར་འགྱུར་རོ། །ལྷ་ལ་སོགས་པ་ཡང་དེ་ལ་བསྲུང་བ་དང་། བསྐྱབ་པ་དང་། སྦ་བའི་ཕྱིར་
D877.100.0109a06.01བརྩོན་པར་འགྱུར་རོ། །དེ་ལྟར་ཇི་སྐད་བསྟན་པ་བཞིན་དུ་བྱེད་པའི་རྒྱལ་བའི་སྲས་དེ་ནི་རིང་པོ་མི་ཐོགས་པར་ཀུན་དུ་བཟང་པོའི་ས་ཆེན་པོ་ལ་འཇུག་པར་འགྱུར་རོ། །དེ་ནས་རྡོ་རྗེ་གཙུག་ཕུད་ལ་སོགས་པ་སྟོང་གསུམ་གྱི་བདག་པོ་རིག་སྔགས་འཆང་ཆེན་མོ་རྣམས་དང་། སྤྱན་ཆེན་མོ་
D877.100.0109a07.01