完整藏文原文 · 德格版页 当前仅加载第 100 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོགས་པ་རིག་སྔགས་འཆང་ཆེན་མོ་རྣམས་དང་། རྡོ་རྗེ་སྙིང་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྡོ་རྗེ་ཞགས་པ་ལ་སོགས་པ་རིག་སྔགས་ཀྱི་ལྷ་ཆེན་པོ་རྣམས་དང་། རིན་ཆེན་དྲ་བ་ཅན་ལ་སོགས་པ་རིག་སྔགས་ཀྱི་ལྷ་མོ་ཆེན་མོ་རྣམས་དང་།
D877.100.0109b01.01ལྷ་མོ་སྒྲོལ་མ་ལ་སོགས་པ་བྱང་ཆུབ་སེམས་དཔའ་ཆེན་པོའི་དཀྱིལ་འཁོར་གྱི་ལྷ་རྣམས་དང་། དར་ཆེན་དང་། གཟུགས་བཟང་དང་། ཤིན་ཏུ་བལྟ་ན་སྡུག་པ་ལ་སོགས་པ་གཞོན་ནུ་རྣམས་དང་། གཞོན་ནུ་མ་རྣམས་དང་། བྲན་རྣམས་དང་། བྲམ་མོ་རྣམས་དང་། མི་
D877.100.0109b02.01འཁྲུགས་པ་ལ་སོགས་པ་ལོག་འདྲེན་ཆེན་པོ་རྣམས་དང་། ལུས་མཆོག་ལ་སོགས་པ་སྲིན་པོའི་དབང་པོ་རྣམས་དང་། མ་མོ་ལ་སོགས་པ་སྲིན་མོ་རྣམས་དང་། དབང་ཕྱུག་ཆེན་པོ་ལ་སོགས་པ་ལྷའི་དབང་ཕྱུག་རྣམས་དང་། རྡོ་རྗེ་མེ་ཏོག་ཐོད་ལ་སོགས་པ་དཀྱིལ་འཁོར་
D877.100.0109b03.01ཆེན་པོར་འདུས་པའི་བྱང་ཆུབ་སེམས་དཔའ་ལ་སོགས་པ་ཐམས་ཅད་ལངས་ནས། བྱང་ཆུབ་སེམས་དཔའ་ཆེན་པོའི་མཆོག་འཕགས་པ་ཀུན་ཏུ་བཟང་པོ་ལ་མཚན་བརྒྱ་རྩ་བརྒྱད་བླ་ན་མེད་པའི་ཡོན་ཏན་གྱི་སྣང་བ་ཞེས་བྱ་བས་བསྟོད་པ། ཀུན་དུ་བཟང་པོ་ཀུན་གྱི་མཆོག །སྣ་ཚོགས་
D877.100.0109b04.01ཀུན་གྱི་འབྱོར་པ་ཆེ། །དཀྱིལ་འཁོར་ཆེན་པོ་རྡོ་རྗེ་མཆོག །སྣ་ཚོགས་གཟུགས་ཅན་ཕྱོགས་ཀྱི་བདག །རྡོ་རྗེ་ཆེན་པོ་དགྱེས་པ་ཆེ། །གཟི་བརྗིད་ཆེན་པོ་སྟོབས་པོ་ཆེ། །གནོན་དང་རབ་གནོན་དཔལ་གྱི་རབ། །ཁྱབ་བདག་རྒྱལ་བའི་བློ་གྲོས་རྒྱལ། །རྡོ་རྗེ་
D877.100.0109b05.01ཆེན་པོ་རབ་ཏུ་བཞད། །བསྒྲུབ་དཀའ་ཆེན་པོ་སྒྲུབ་མཛད་པ། །རོལ་མོ་ཆེན་པོས་རྣམ་པར་རོལ། །རབ་དགའ་ཆེན་པོ་འདུལ་བ་པོ། །ལྷ་ཆེན་དབང་ཕྱུག་ཆེན་པོ་སྟེ། །བཙན་པོ་ཁྱབ་འཇུག་སྐྱེ་དགུའི་བདག །ས་སྟེང་ས་འོག་ས་ལ་དགྱེས། །དེ་བཞིན་ས་འཛིན་
D877.100.0109b06.01ས་གསུམ་པ། །དུལ་དང་སྦྱིན་པའི་{གོ་རིམས་,གོ་རིམ་}ཐབས། །རབ་མཁྱེན་སྟོང་གི་མངའ་བདག་ལགས། །ཤེས་ཉེན་ཅན་ཏེ་བཟོད་ལ་དགྱེས། །བརྩོན་འགྲུས་འབྱུང་བ་འབྱོར་པ་ཆེ། །བརྩོན་འགྲུས་བཅུ་དང་ཐབས་བཅུ་པ། །སྟོབས་བཅུའི་སྲས་ཆེན་ཐུ་བོ་སྟེ། །མཐུ་
D877.100.0109b07.01