完整藏文原文 · 德格版页 当前仅加载第 101 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེའི་སྙིང་པོ་དེ་བཞིན་གཤེགས་པས་བྱིན་གྱིས་བརླབས་པ་དྲན་པར་གྱིས་ཤིག །ཙི་ལི་ཙི་ལི་ཙི་ལི། ཕུ་ལུ་ཕུ་ལུ་ཕུ་ལུ། ཕུ་ཕུ་ཕུ། བཅོམ་ལྡན་འདས་གལ་ཏེ་བདག་སྙིང་པོ་འདི་དང་འགལ་བར་བགྱིས་ན་དེ་བཞིན་གཤེགས་པས་རབ་ཏུ་གསུངས་པའི་
D947.101.0033a01.01མཚམས་མེད་པ་ལྔ་དང་ལྡན་པར་གྱུར་ཅིག །དར་ཕུ། ཙར་ཕུ། ནར་ཕུ། རྡོ་རྗེ་འཛིན་འཁོར་དང་བཅས་པ་ལ་ཕྱག་འཚལ་ལོ། །བདག་ལ་གསང་སྔགས་ཀྱི་གཞི་འདི་རྣམས་གྲུབ་པར་གྱུར་ཅིག་སྭཱ་ཧཱ། རྡོ་རྗེ་འཛིན་གཟི་བརྗིད་ཆེན་པོ་ལ་ཕྱག་འཚལ་ལོ་སྭཱ་ཧཱ། ཨོྃ། ཧཱུྃ་ཧཱུྃ། ཕཊ་
D947.101.0033a02.01ཕཊ་སྭཱ་ཧཱ། དེ་ནས་དེའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་འོད་ཟེར་ཀུན་དུ་འབར་བའི་སྣང་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལས་འདས་ནས་བདུད་ཀྱི་ཁྱིམ་ཐམས་ཅད་ཀུན་དུ་འབར། རབ་ཏུ་འབར།
D947.101.0033a03.01ཀུན་དུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པར་ཀུན་དུ་སྣང་ངོ་། །དེ་ལྟར་གྱུར་པ་དང་། བདུད་སྡིག་ཅན་རལ་གྲི་དང་། འཁོར་ལོ་དང་། གཞུ་དང་། མདའ་ལ་སོགས་པ་དང་། མཚོན་ཆ་རྣམས་ལག་ན་ཐོགས་ཏེ་བགེགས་ཀྱི་རྣམ་པར་འཕྲུལ་པ་དུ་མ་བྱེད་དོ། །
D947.101.0033a04.01དེ་ནས་སྐད་ཅིག་དེ་ཉིད་ལ་བདུད་སྡིག་ཅན་བདུད་ཀྱི་རིས་ཀྱི་ལྷའི་བུ་ཐམས་ཅད་དང་ལྷན་ཅིག་ཏུ་བདུད་ཀྱི་རྣམ་པར་འཕྲུལ་པ་ཆེན་པོས་བཅོམ་ལྡན་འདས་ག་ལ་བ་དེར་སོང་ངོ་། །དེ་ནས་དེ་ལྟར་གྱུར་པ་དང་། ཁྲོ་བོ་ཆོལ་བ། མདོག་དམར་བ། སྦྲང་རྩི་ལྟར་མིག་དམར་སེར་པོ།
D947.101.0033a05.01མཆེ་བ་གཙིགས་པ། མི་བཟད་པ། སྐྲ་ཁམ་པ་གྱེན་དུ་བརྫེས་པ། ལག་པ་གཡས་པ་ན་བེ་ཅོན་ཐོགས་པ། ལག་པ་གཡོན་པ་ན་རྡོ་རྗེ་ཐོགས་པ་སྦྲུལ་གྱིས་བརྒྱན་པ། སྟག་ལྤགས་ཀྱི་ཤམ་ཐབས་བགོས་པ། ཤར་ཕྱོགས་སུ་འཇིག་རྟེན་གྱི་ཁམས་གང་གཱའི་ཀླུང་ཉི་
D947.101.0033a06.01ཤུ་རྩ་གཅིག་གི་བྱེ་མ་སྙེད་འདས་ཤིང་། དེ་བཞིན་དུ་ལྷོ་དང་། ནུབ་དང་། བྱང་གི་ཕྱོགས་སུ་ཡང་ཀུན་དུ་སྣང་ངོ་། །དེ་ནས་བདུད་སྡིག་ཅན་དང་། བགེགས་བྱེ་བ་ཁྲག་ཁྲིག་སྟོང་ཕྲག་བརྒྱ་ཁྲོ་བོ་ཆོལ་པས་འདར་བར་གྱུར་ཏོ། །བདུད་སྡིག་ཅན་ནི་མྱོས་ཤིང་
D947.101.0033a07.01