完整藏文原文 · 德格版页 当前仅加载第 101 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
གཟིར་ཏེ་འཕངས་ནས་སྲོག་ལ་མི་ལྟ་བ་དང་། གསང་བ་པའི་བདག་པོ་ལག་ན་རྡོ་རྗེས་ཞགས་པའི་བཅིང་བ་ལྔས་བཅིངས་སོ། །དེ་ལྟར་གྱུར་པ་དང་། དེའི་ཚེ་འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་སྤོས་དང་།
D947.101.0033b01.01མེ་ཏོག་དང་། རྒྱལ་མཚན་དང་། བ་དན་སྣ་ཚོགས་ལ་སོགས་པས་བཅོམ་ལྡན་འདས་ལ་ཅི་ནུས་ཀྱིས་མཆོད་ནས་ཕྱོགས་གཅིག་ཏུ་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གསང་བ་པའི་བདག་པོ་ལག་ན་རྡོ་རྗེ་སངས་རྒྱས་ཐམས་ཅད་ཀྱིས་བསྟོད་
D947.101.0033b02.01ཅིང་བསྔགས་ཏེ་མངོན་པར་དགའ་བར་བྱས་ནས་བཅོམ་ལྡན་འདས་ཀྱིས་རྗེས་སུ་ཐུགས་རངས་པ་མཛད་པས་སེམས་ཅན་ཐམས་ཅད་ཀྱི་དོན་དང་། ལྷ་དང་། མི་རྣམས་ལ་ཕན་པ་དང་། བདེ་བའི་ཕྱིར་རིག་སྔགས་མཆོག་གི་རྒྱུད་ཆེན་པོའི་ནང་ནས་དོན་འདོད་པ་ཐམས་ཅད་སྦྱིན་པ་
D947.101.0033b03.01ཞེས་བྱ་བ་སྟོབས་དཔག་ཏུ་མེད་པས་ཕ་རོལ་གནོན་པ་སྟོབས་པོ་ཆེའི་སྟོབས་ཆེན་པོའི་རིག་སྔགས་ཀྱི་རྒྱལ་པོ་ཞེས་བྱ་བའི་གསང་སྔགས་ཀྱི་གཞི་འདི་དག་སྨྲས་སོ། །གང་ལ་ལ་ཞིག་འཛིན་ཏམ། འཆང་ངམ། ཀློག་གམ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་
D947.101.0033b04.01ཏམ། བསྟི་སྟང་དུ་བྱེད་དམ། བླ་མར་བྱེད་དམ། རིམ་གྲོར་བྱེད་དམ། མཆོད་པ་བྱེད་ན་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །ཕ་རོལ་གྱིས་བྱས་པའི་གསང་སྔགས་ཐམས་ཅད་བཤིག་པ་དང་། བཅོམ་པ་དང་། བསྒྱེལ་བར་ཡང་འགྱུར་རོ། །དེ་ལྟར་
D947.101.0033b05.01བཅོམ་ལྡན་འདས་རྡོ་རྗེ་འཛིན་གྱིས་རིག་སྔགས་མཆོག་གི་རྒྱུད་ཆེན་པོའི་ནང་ནས་འབྱུང་བ་སྨྲས་སོ། །དེ་ནས་གསང་བ་པའི་བདག་པོ་ལག་ན་རྡོ་རྗེ་བཅོམ་ལྡན་འདས་ཀྱིས་རྗེས་སུ་ཐུགས་རངས་པ་མཛད་པས་དོན་འདོད་པ་ཐམས་ཅད་སྦྱིན་པ་ཞེས་བྱ་བ་སྟོབས་དཔག་ཏུ་མེད་པས་ཕ་རོལ་
D947.101.0033b06.01གནོན་པ་སྟོབས་པོ་ཆེའི་གསང་སྔགས་ཀྱི་གཞི་འདི་སྨྲས་པ། ཨོྃ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭནྶཡ། ཛཊི་ལམ་པོ་བྷ་ར། ཨུ་ཙྪུཥྨ་ཀྲོ་དྷ་ཧཱུྃ་ཕཊ་སྭཱ་ཧཱ། དེ་ནས་བཅོམ་ལྡན་འདས་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་
D947.101.0033b07.01