完整藏文原文 · 德格版页 当前仅加载第 101 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་བྱིན་ཏེ་ལག་ན་རྡོ་རྗེ་ལེགས་སོ་ལེགས་སོ། །སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བར་བྱ་བ་དང་། སྙིང་བརྩེ་བའི་ཕྱིར་ཞུགས་ཏེ། རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སྨྲས་པ་ནི་
D1003.101.0164a01.01སེམས་ཅན་ཆེན་པོ་ལག་ན་རྡོ་རྗེ་ཁྱོད་ཡང་ལེགས་སོ། །ལག་ན་རྡོ་རྗེ་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སུའི་ལག་ན་ཡོད་པ་དང་། ལུས་ལ་ཡོད་པ་དང་། གླེགས་བམ་ལ་ཡོད་པ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ།
D1003.101.0164a02.01ལྗོངས་སམ། རྒྱལ་པོའི་ཕོ་བྲང་ངམ། གཙུག་ལག་ཁང་ངམ། གནས་ཁང་ངམ། འཆག་སའམ། དགོན་པའི་གནས་ན་ཡོད་པ་དེར་རྒྱལ་པོ་ཆེན་པོ་རྣམ་ཐོས་ཀྱི་བུ་ཚོགས་ཀྱི་གཡོག་འཁོར་དང་བཅས་ཏེ། གྲོང་དང་། གྲོང་ཁྱེར་དང་། ཡུལ་
D1003.101.0164a03.01དེ་ལ་སྲུང་བ་བྱེད་པར་འགྱུར་རོ། །ཡུལ་དེར་ཕ་རོལ་གྱི་དམག་ཚོགས་མི་འོང་ངོ་། །མི་ངས་མི་འོང་ངོ་། །དགྲ་མི་འབྱུང་ངོ་། །ས་ཕྱོགས་དེར་རྒྱལ་པོ་ཆེན་པོ་རྣམ་ཐོས་ཀྱི་བུ་ཚོགས་ཀྱི་གཡོག་དང་བཅས་ཏེ། གྲོང་དང་། གྲོང་ཁྱེར་དང་། ཡུལ་དེ་
D1003.101.0164a04.01ལ་སྲུང་བ་བྱེད་པར་འགྱུར་རོ། །ཡུལ་དེར་ཕ་རོལ་གྱི་དམག་ཚོགས་མི་འོང་ངོ་། །དགྲ་མི་འབྱུང་ངོ་། །ས་ཕྱོགས་དེར་རྒྱལ་པོ་ཆེན་པོ་རྣམ་ཐོས་ཀྱི་བུ་གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་རྒྱུ་ཞིང་དེར་སྲུང་བ་དང་། ཡོངས་སུ་
D1003.101.0164a05.01སྐྱོབ་པ་དང་། ཡོངས་སུ་འཛིན་པ་དང་། ཡོངས་སུ་སྐྱོང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤོང་བ་དང་། མཚོན་ཆ་སྤོང་བ་དང་། དུག་གཞིལ་བ་དང་། དུག་གསད་པ་དང་། དུག་གཞིག་པ་དང་། མི་མཛའ་
D1003.101.0164a06.01བ་བཟློག་པ་དང་། མཚམས་གཅད་པ་དང་། ས་བཅིང་བ་བྱེད་པར་འགྱུར་རོ། །ཏདྱ་ཐཱ། ཏ་པ་ནེ། ཏ་པ་ནེ། ཏ་པ་ནེ། པྲ་ཏ་པ་ནེ། པྲ་ཏ་པ་ནེ། པྲ་ཏ་པ་ནེ། དྷུ་རུ་མེ། དྷུ་རུ་མེ། དྷུ་རུ་མེ། མ་ཧཱ་དྷུ་རུ་མེ། བུདྡྷ་ཨ་དྡྷིཥྛི་ཏེ།
D1003.101.0164a07.01