完整藏文原文 · 德格版页 当前仅加载第 101 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་ན། དེའི་མགོ་སིད་དྷ་ཀ་བཞིན་དུ་ཚལ་བ་བདུན་དུ་འགས་པར་འགྱུར་རོ། །སུ་ཞིག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བགྱི་བ་འདི་འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། མཆོད་པ་དང་།
D1003.101.0166a01.01ཡི་གེར་འདྲི་བ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཕོ་བྲང་ངམ། གཙུག་ལག་ཁང་དུ་གླེགས་བམ་གནས་པར་བགྱིད་ན། དེར་ཚོགས་ཀྱི་གཡོག་འཁོར་དང་བཅས་པ་དང་། གནོད་སྦྱིན་བྱེ་བ་
D1003.101.0166a02.01ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་རིག་སྔགས་འཆང་དེའི་སླད་བཞིན་འབྲང་ཞིང་དཔག་ཚད་བརྒྱད་སྟོང་ཚུན་ཆད་དུ་སླར་རྒོལ་བ་དང་། དགྲ་རྣམས་ལས་ཐམས་ཅད་དུ་བསྲུང་བ་དང་། མཚམས་གཅད་པར་བགྱིའོ། །གཡུལ་འགྱེད་པ་དང་།
D1003.101.0166a03.01ཁྲག་ཁྲུག་དང་། འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་དང་། གནོད་པ་ཐམས་ཅད་བསལ་བར་བགྱིའོ། །སླར་བཟློག་པར་བགྱིའོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་
D1003.101.0166a04.01ལ་ལེགས་སོ་ཞེས་བྱ་བ་བྱིན་ཏེ་རྒྱལ་པོ་ཆེན་པོ་ལེགས་སོ་ལེགས་སོ། །སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བ་དང་། བསྟན་པ་བསྲུང་བའི་ཕྱིར་ཞུགས་པ་ནི་སེམས་ཅན་ཆེན་པོ་སེམས་ཅན་ཐམས་ཅད་ལ་ཕན་པ་
D1003.101.0166a05.01བྱེད་པ་ཁྱོད་ཡང་ལེགས་སོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདིས་སུ་ལ་བསྲུང་བ་བྱས་པ་དང་། ཡོངས་སུ་བསྐྱབ་པ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བ་བྱས་པ་དེའི་ལུས་ལ་མཚོན་གྱིས་མི་ཚུགས་
D1003.101.0166a06.01སོ། །དུག་དང་། དབྱིག་དུག་དང་། བྱད་དང་། གཤེད་བྱེད་དང་། རིམས་ནད་ནས་གདོན་ཐམས་ཅད་ཀྱི་བར་གྱིས་དེ་ལ་མི་ཚུགས་སོ། །ཕ་རོལ་གྱི་གནོད་པས་འཆི་བའི་དུས་བྱེད་པར་མི་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་
D1003.101.0166a07.01