完整巴利原文 · 稳定分页 当前仅加载第 5 阅读页；保留 Bilara 原生段落标识，每页最多 120 段。
“Tena hi bhavaṁ govindo cha māsāni āgametu …pe…
dn19:54.6pañca māsāni āgametu …
dn19:54.7cattāri māsāni āgametu …
dn19:54.8tīṇi māsāni āgametu …
dn19:54.9dve māsāni āgametu …
dn19:54.10ekaṁ māsaṁ āgametu …
dn19:54.11addhamāsaṁ āgametu, addhamāsassa accayena mayampi agārasmā anagāriyaṁ pabbajissāma, atha yā te gati, sā no gati bhavissatī”ti.
dn19:54.12“Aticiraṁ kho, bho, addhamāso, nāhaṁ sakkomi bhavante addhamāsaṁ āgametuṁ.
dn19:55.1Ko nu kho pana, bho, jānāti jīvitānaṁ.
dn19:55.2Gamanīyo samparāyo, mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇaṁ.
dn19:55.3Yathā kho pana me sutaṁ brahmuno āmagandhe bhāsamānassa, te na sunimmadayā agāraṁ ajjhāvasatā,
dn19:55.4pabbajissāmahaṁ, bho, agārasmā anagāriyan”ti.
dn19:55.5“Tena hi bhavaṁ govindo sattāhaṁ āgametu, yāva mayaṁ sake puttabhātaro rajjena anusāsissāma, sattāhassa accayena mayampi agārasmā anagāriyaṁ pabbajissāma, atha yā te gati, sā no gati bhavissatī”ti.
dn19:55.6“Na ciraṁ kho, bho, sattāhaṁ, āgamessāmahaṁ bhavante sattāhan”ti.
dn19:55.76.6. Brāhmaṇamahāsālādīnaṁāmantanā
dn19:56.0Atha kho, bho, mahāgovindo brāhmaṇo yena te satta ca brāhmaṇamahāsālā satta ca nhātakasatāni tenupasaṅkami; upasaṅkamitvā te satta ca brāhmaṇamahāsāle satta ca nhātakasatāni etadavoca:
dn19:56.1“aññaṁ dāni bhavanto ācariyaṁ pariyesantu, yo bhavantānaṁ mante vācessati.
dn19:56.2Icchāmahaṁ, bho, agārasmā anagāriyaṁ pabbajituṁ.
dn19:56.3Yathā kho pana me sutaṁ brahmuno āmagandhe bhāsamānassa. Te na sunimmadayā agāraṁ ajjhāvasatā,
dn19:56.4pabbajissāmahaṁ, bho, agārasmā anagāriyan”ti.
dn19:56.5“Mā bhavaṁ govindo agārasmā anagāriyaṁ pabbaji.
dn19:56.6Pabbajjā, bho, appesakkhā ca appalābhā ca;
dn19:56.7brahmaññaṁ mahesakkhañca mahālābhañcā”ti.
dn19:56.8“Mā bhavanto evaṁ avacuttha: ‘pabbajjā appesakkhā ca appalābhā ca, brahmaññaṁ mahesakkhañca mahālābhañcā’ti.
dn19:56.9Ko nu kho, bho, aññatra mayā mahesakkhataro vā mahālābhataro vā.
dn19:56.10Ahañhi, bho, etarahi rājāva raññaṁ brahmāva brāhmaṇānaṁ devatāva gahapatikānaṁ.
dn19:56.11Tamahaṁ sabbaṁ pahāya agārasmā anagāriyaṁ pabbajissāmi.
dn19:56.12Yathā kho pana me sutaṁ brahmuno āmagandhe bhāsamānassa, te na sunimmadayā agāraṁ ajjhāvasatā.
dn19:56.13Pabbajissāmahaṁ, bho, agārasmā anagāriyan”ti.
dn19:56.14“Sace bhavaṁ govindo agārasmā anagāriyaṁ pabbajissati, mayampi agārasmā anagāriyaṁ pabbajissāma, atha yā te gati, sā no gati bhavissatī”ti.
dn19:56.156.7. Bhariyānaṁāmantanā
dn19:57.0Atha kho, bho, mahāgovindo brāhmaṇo yena cattārīsā bhariyā sādisiyo tenupasaṅkami; upasaṅkamitvā cattārīsā bhariyā sādisiyo etadavoca:
dn19:57.1“yā bhotīnaṁ icchati, sakāni vā ñātikulāni gacchatu aññaṁ vā bhattāraṁ pariyesatu.
dn19:57.2Icchāmahaṁ, bhotī, agārasmā anagāriyaṁ pabbajituṁ.
dn19:57.3Yathā kho pana me sutaṁ brahmuno āmagandhe bhāsamānassa, te na sunimmadayā agāraṁ ajjhāvasatā.
dn19:57.4Pabbajissāmahaṁ, bhotī, agārasmā anagāriyan”ti.
dn19:57.5“Tvaññeva no ñāti ñātikāmānaṁ, tvaṁ pana bhattā bhattukāmānaṁ.
dn19:57.6Sace bhavaṁ govindo agārasmā anagāriyaṁ pabbajissati, mayampi agārasmā anagāriyaṁ pabbajissāma, atha yā te gati, sā no gati bhavissatī”ti.
dn19:57.76.8. Mahāgovindapabbajjā
dn19:58.0Atha kho, bho, mahāgovindo brāhmaṇo tassa sattāhassa accayena kesamassuṁ ohāretvā kāsāyāni vatthāni acchādetvā agārasmā anagāriyaṁ pabbaji.
dn19:58.1Pabbajitaṁ pana mahāgovindaṁ brāhmaṇaṁ satta ca rājāno khattiyā muddhāvasittā satta ca brāhmaṇamahāsālā satta ca nhātakasatāni cattārīsā ca bhariyā sādisiyo anekāni ca khattiyasahassāni anekāni ca brāhmaṇasahassāni anekāni ca gahapatisahassāni anekehi ca itthāgārehi itthiyo kesamassuṁ ohāretvā kāsāyāni vatthāni acchādetvā mahāgovindaṁ brāhmaṇaṁ agārasmā anagāriyaṁ pabbajitaṁ anupabbajiṁsu.
dn19:58.2Tāya sudaṁ, bho, parisāya parivuto mahāgovindo brāhmaṇo gāmanigamarājadhānīsu cārikaṁ carati.
dn19:58.3Yaṁ kho pana, bho, tena samayena mahāgovindo brāhmaṇo gāmaṁ vā nigamaṁ vā upasaṅkamati, tattha rājāva hoti raññaṁ, brahmāva brāhmaṇānaṁ, devatāva gahapatikānaṁ.
dn19:58.4Tena kho pana samayena manussā khipanti vā upakkhalanti vā.
dn19:58.5Te evamāhaṁsu:
dn19:58.6“namatthu mahāgovindassa brāhmaṇassa, namatthu satta purohitassā”ti.
dn19:58.7Mahāgovindo, bho, brāhmaṇo mettāsahagatena cetasā ekaṁ disaṁ pharitvā vihāsi, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā vihāsi.
dn19:59.1Karuṇāsahagatena cetasā …pe…
dn19:59.2muditāsahagatena cetasā …pe…
dn19:59.3upekkhāsahagatena cetasā …pe… abyāpajjena pharitvā vihāsi.
dn19:59.4Sāvakānañca brahmalokasahabyatāya maggaṁ desesi.
dn19:59.5Ye kho pana, bho, tena samayena mahāgovindassa brāhmaṇassa sāvakā sabbenasabbaṁ sāsanaṁ ājāniṁsu.
dn19:60.1Te kāyassa bhedā paraṁ maraṇā sugatiṁ brahmalokaṁ upapajjiṁsu.
dn19:60.2Ye na sabbenasabbaṁ sāsanaṁ ājāniṁsu, te kāyassa bhedā paraṁ maraṇā appekacce paranimmitavasavattīnaṁ devānaṁ sahabyataṁ upapajjiṁsu;
dn19:60.3appekacce nimmānaratīnaṁ devānaṁ sahabyataṁ upapajjiṁsu;
dn19:60.4appekacce tusitānaṁ devānaṁ sahabyataṁ upapajjiṁsu;
dn19:60.5appekacce yāmānaṁ devānaṁ sahabyataṁ upapajjiṁsu;
dn19:60.6appekacce tāvatiṁsānaṁ devānaṁ sahabyataṁ upapajjiṁsu;
dn19:60.7appekacce cātumahārājikānaṁ devānaṁ sahabyataṁ upapajjiṁsu;
dn19:60.8ye sabbanihīnaṁ kāyaṁ paripūresuṁ te gandhabbakāyaṁ paripūresuṁ.
dn19:60.9Iti kho, bho, sabbesaṁyeva tesaṁ kulaputtānaṁ amoghā pabbajjā ahosi avañjhā saphalā saudrayā’ti.
dn19:60.10Sarati taṁ bhagavā”ti?
dn19:60.11“Sarāmahaṁ, pañcasikha.
dn19:61.1Ahaṁ tena samayena mahāgovindo brāhmaṇo ahosiṁ.
dn19:61.2Ahaṁ tesaṁ sāvakānaṁ brahmalokasahabyatāya maggaṁ desesiṁ.
dn19:61.3Taṁ kho pana me, pañcasikha, brahmacariyaṁ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati, yāvadeva brahmalokūpapattiyā.
dn19:61.4Idaṁ kho pana me, pañcasikha, brahmacariyaṁ ekantanibbidāya virāgāya nirodhāya upasamāya abhiññāya sambodhāya nibbānāya saṁvattati.
dn19:61.5Katamañca taṁ, pañcasikha, brahmacariyaṁ ekantanibbidāya virāgāya nirodhāya upasamāya abhiññāya sambodhāya nibbānāya saṁvattati?
dn19:61.6Ayameva ariyo aṭṭhaṅgiko maggo.
dn19:61.7Seyyathidaṁ—sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.
dn19:61.8Idaṁ kho taṁ, pañcasikha, brahmacariyaṁ ekantanibbidāya virāgāya nirodhāya upasamāya abhiññāya sambodhāya nibbānāya saṁvattati.
dn19:61.9Ye kho pana me, pañcasikha, sāvakā sabbenasabbaṁ sāsanaṁ ājānanti, te āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharanti;
dn19:62.1ye na sabbenasabbaṁ sāsanaṁ ājānanti, te pañcannaṁ orambhāgiyānaṁ saṁyojanānaṁ parikkhayā opapātikā honti tattha parinibbāyino anāvattidhammā tasmā lokā.
dn19:62.2Ye na sabbenasabbaṁ sāsanaṁ ājānanti, appekacce tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmino honti sakideva imaṁ lokaṁ āgantvā dukkhassantaṁ karissanti.
dn19:62.3Ye na sabbenasabbaṁ sāsanaṁ ājānanti, appekacce tiṇṇaṁ saṁyojanānaṁ parikkhayā sotāpannā honti avinipātadhammā niyatā sambodhiparāyaṇā.
dn19:62.4Iti kho, pañcasikha, sabbesaṁyeva imesaṁ kulaputtānaṁ amoghā pabbajjā avañjhā saphalā saudrayā”ti.
dn19:62.5Idamavoca bhagavā.
dn19:62.6Attamano pañcasikho gandhabbaputto bhagavato bhāsitaṁ abhinanditvā anumoditvā bhagavantaṁ abhivādetvā padakkhiṇaṁ katvā tatthevantaradhāyīti.
dn19:62.7Mahāgovindasuttaṁ niṭṭhitaṁ chaṭṭhaṁ.
dn19:62.8