Mahāsatipaṭṭhānasutta · Mahāsatipaṭṭhānasutta

“Ekāyano ayaṁ, bhikkhave, maggo sattānaṁ visuddhiyā, sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ cattāro satipaṭṭhānā.

dn22:1.7

1.8

Katame cattāro?

dn22:1.8

1.9

Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ,

dn22:1.9

1.10

vedanāsu vedanānupassī viharati ātāpī sampajāno satimā vineyya loke abhijjhādomanassaṁ,

dn22:1.10

1.11

citte cittānupassī viharati ātāpī sampajāno satimā vineyya loke abhijjhādomanassaṁ,

dn22:1.11

1.12

dhammesu dhammānupassī viharati ātāpī sampajāno satimā vineyya loke abhijjhādomanassaṁ.

dn22:1.12

1.13

Uddeso niṭṭhito.

dn22:1.13

2.0.1

1. Kāyānupassanā

dn22:2.0.1

2.0.2

1.1. Kāyānupassanāānāpānapabba

dn22:2.0.2

2.1

Kathañca pana, bhikkhave, bhikkhu kāye kāyānupassī viharati?

dn22:2.1

2.2

Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.

dn22:2.2

2.3

So satova assasati, satova passasati.

dn22:2.3

2.4

Dīghaṁ vā assasanto ‘dīghaṁ assasāmī’ti pajānāti, dīghaṁ vā passasanto ‘dīghaṁ passasāmī’ti pajānāti.

dn22:2.4

2.5

Rassaṁ vā assasanto ‘rassaṁ assasāmī’ti pajānāti, rassaṁ vā passasanto ‘rassaṁ passasāmī’ti pajānāti.

dn22:2.5

2.6

‘Sabbakāyapaṭisaṁvedī assasissāmī’ti sikkhati, ‘sabbakāyapaṭisaṁvedī passasissāmī’ti sikkhati.

dn22:2.6

2.7

‘Passambhayaṁ kāyasaṅkhāraṁ assasissāmī’ti sikkhati, ‘passambhayaṁ kāyasaṅkhāraṁ passasissāmī’ti sikkhati.

dn22:2.7

2.8

Seyyathāpi, bhikkhave, dakkho bhamakāro vā bhamakārantevāsī vā dīghaṁ vā añchanto ‘dīghaṁ añchāmī’ti pajānāti, rassaṁ vā añchanto ‘rassaṁ añchāmī’ti pajānāti;

dn22:2.8

2.9

evameva kho, bhikkhave, bhikkhu dīghaṁ vā assasanto ‘dīghaṁ assasāmī’ti pajānāti, dīghaṁ vā passasanto ‘dīghaṁ passasāmī’ti pajānāti, rassaṁ vā assasanto ‘rassaṁ assasāmī’ti pajānāti, rassaṁ vā passasanto ‘rassaṁ passasāmī’ti pajānāti.

dn22:2.9

2.10

‘Sabbakāyapaṭisaṁvedī assasissāmī’ti sikkhati, ‘sabbakāyapaṭisaṁvedī passasissāmī’ti sikkhati, ‘passambhayaṁ kāyasaṅkhāraṁ assasissāmī’ti sikkhati, ‘passambhayaṁ kāyasaṅkhāraṁ passasissāmī’ti sikkhati.

dn22:2.10

2.11

Iti ajjhattaṁ vā kāye kāyānupassī viharati, bahiddhā vā kāye kāyānupassī viharati, ajjhattabahiddhā vā kāye kāyānupassī viharati.

dn22:2.11

2.12

Samudayadhammānupassī vā kāyasmiṁ viharati, vayadhammānupassī vā kāyasmiṁ viharati, samudayavayadhammānupassī vā kāyasmiṁ viharati.

dn22:2.12

2.13

‘Atthi kāyo’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati.

dn22:2.13

2.14

Evampi kho, bhikkhave, bhikkhu kāye kāyānupassī viharati.

dn22:2.14

2.15

Ānāpānapabbaṁ niṭṭhitaṁ.

dn22:2.15

3.0

1.2. Kāyānupassanāiriyāpathapabba

dn22:3.0

3.1

Puna caparaṁ, bhikkhave, bhikkhu gacchanto vā ‘gacchāmī’ti pajānāti, ṭhito vā ‘ṭhitomhī’ti pajānāti, nisinno vā ‘nisinnomhī’ti pajānāti, sayāno vā ‘sayānomhī’ti pajānāti,

dn22:3.1

3.2

yathā yathā vā panassa kāyo paṇihito hoti tathā tathā naṁ pajānāti.

dn22:3.2

3.3

Iti ajjhattaṁ vā kāye kāyānupassī viharati, bahiddhā vā kāye kāyānupassī viharati, ajjhattabahiddhā vā kāye kāyānupassī viharati.

dn22:3.3

3.4

Samudayadhammānupassī vā kāyasmiṁ viharati, vayadhammānupassī vā kāyasmiṁ viharati, samudayavayadhammānupassī vā kāyasmiṁ viharati.

dn22:3.4

3.5

‘Atthi kāyo’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati.

dn22:3.5

3.6

Evampi kho, bhikkhave, bhikkhu kāye kāyānupassī viharati.

dn22:3.6

3.7

Iriyāpathapabbaṁ niṭṭhitaṁ.

dn22:3.7

4.0

1.3. Kāyānupassanāsampajānapabba

dn22:4.0

4.1

Puna caparaṁ, bhikkhave, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.

dn22:4.1

4.2

Iti ajjhattaṁ vā …pe…

dn22:4.2

4.3

Evampi kho, bhikkhave, bhikkhu kāye kāyānupassī viharati.

dn22:4.3

4.4

Sampajānapabbaṁ niṭṭhitaṁ.

dn22:4.4

5.0

1.4. Kāyānupassanāpaṭikūlamanasikārapabba

dn22:5.0

5.1

Puna caparaṁ, bhikkhave, bhikkhu imameva kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhati:

dn22:5.1

5.2

‘atthi imasmiṁ kāye kesā lomā nakhā dantā taco, maṁsaṁ nhāru aṭṭhi aṭṭhimiñjaṁ vakkaṁ, hadayaṁ yakanaṁ kilomakaṁ pihakaṁ papphāsaṁ, antaṁ antaguṇaṁ udariyaṁ karīsaṁ, pittaṁ semhaṁ pubbo lohitaṁ sedo medo, assu vasā kheḷo siṅghāṇikā lasikā muttan’ti.

dn22:5.2

5.3

Seyyathāpi, bhikkhave, ubhatomukhā putoḷi pūrā nānāvihitassa dhaññassa, seyyathidaṁ—sālīnaṁ vīhīnaṁ muggānaṁ māsānaṁ tilānaṁ taṇḍulānaṁ. Tamenaṁ cakkhumā puriso muñcitvā paccavekkheyya: ‘ime sālī, ime vīhī ime muggā ime māsā ime tilā ime taṇḍulā’ti.

dn22:5.3

5.4

Evameva kho, bhikkhave, bhikkhu imameva kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhati:

dn22:5.4

5.5

‘atthi imasmiṁ kāye kesā lomā …pe… muttan’ti.

dn22:5.5

5.6

Iti ajjhattaṁ vā …pe…

dn22:5.6

5.7

Evampi kho, bhikkhave, bhikkhu kāye kāyānupassī viharati.

dn22:5.7

5.8

Paṭikūlamanasikārapabbaṁ niṭṭhitaṁ.

dn22:5.8

6.0

1.5. Kāyānupassanādhātumanasikārapabba

dn22:6.0

6.1

Puna caparaṁ, bhikkhave, bhikkhu imameva kāyaṁ yathāṭhitaṁ yathāpaṇihitaṁ dhātuso paccavekkhati:

dn22:6.1

6.2

‘atthi imasmiṁ kāye pathavīdhātu āpodhātu tejodhātu vāyodhātū’ti.

dn22:6.2

6.3

Seyyathāpi, bhikkhave, dakkho goghātako vā goghātakantevāsī vā gāviṁ vadhitvā catumahāpathe bilaso vibhajitvā nisinno assa;

dn22:6.3

6.4

evameva kho, bhikkhave, bhikkhu imameva kāyaṁ yathāṭhitaṁ yathāpaṇihitaṁ dhātuso paccavekkhati:

dn22:6.4

6.5

‘atthi imasmiṁ kāye pathavīdhātu āpodhātu tejodhātu vāyodhātū’ti.

dn22:6.5

6.6

Iti ajjhattaṁ vā kāye kāyānupassī viharati …pe…

dn22:6.6

6.7

Evampi kho, bhikkhave, bhikkhu kāye kāyānupassī viharati.

dn22:6.7

6.8

Dhātumanasikārapabbaṁ niṭṭhitaṁ.

dn22:6.8

7.0

1.6. Kāyānupassanānavasivathikapabba

dn22:7.0

7.1

Puna caparaṁ, bhikkhave, bhikkhu seyyathāpi passeyya sarīraṁ sivathikāya chaḍḍitaṁ ekāhamataṁ vā dvīhamataṁ vā tīhamataṁ vā uddhumātakaṁ vinīlakaṁ vipubbakajātaṁ.

dn22:7.1

7.2

So imameva kāyaṁ upasaṁharati:

dn22:7.2

7.3

‘ayampi kho kāyo evaṁdhammo evaṁbhāvī evaṁanatīto’ti.

dn22:7.3

7.4

Iti ajjhattaṁ vā …pe…

dn22:7.4

7.5

Evampi kho, bhikkhave, bhikkhu kāye kāyānupassī viharati.

dn22:7.5

8.1

Puna caparaṁ, bhikkhave, bhikkhu seyyathāpi passeyya sarīraṁ sivathikāya chaḍḍitaṁ kākehi vā khajjamānaṁ kulalehi vā khajjamānaṁ gijjhehi vā khajjamānaṁ kaṅkehi vā khajjamānaṁ sunakhehi vā khajjamānaṁ byagghehi vā khajjamānaṁ dīpīhi vā khajjamānaṁ siṅgālehi vā khajjamānaṁ vividhehi vā pāṇakajātehi khajjamānaṁ.

dn22:8.1

8.2

So imameva kāyaṁ upasaṁharati:

dn22:8.2

8.3

‘ayampi kho kāyo evaṁdhammo evaṁbhāvī evaṁanatīto’ti.

dn22:8.3

8.4

Iti ajjhattaṁ vā …pe…

dn22:8.4

8.5

Evampi kho, bhikkhave, bhikkhu kāye kāyānupassī viharati.

dn22:8.5

9.1

Puna caparaṁ, bhikkhave, bhikkhu seyyathāpi passeyya sarīraṁ sivathikāya chaḍḍitaṁ aṭṭhikasaṅkhalikaṁ samaṁsalohitaṁ nhārusambandhaṁ …pe…

dn22:9.1

9.2

Aṭṭhikasaṅkhalikaṁ nimaṁsalohitamakkhitaṁ nhārusambandhaṁ …pe…

dn22:9.2

9.3

Aṭṭhikasaṅkhalikaṁ apagatamaṁsalohitaṁ nhārusambandhaṁ …pe…

dn22:9.3

9.4

Aṭṭhikāni apagatasambandhāni disā vidisā vikkhittāni, aññena hatthaṭṭhikaṁ aññena pādaṭṭhikaṁ aññena gopphakaṭṭhikaṁ aññena jaṅghaṭṭhikaṁ aññena ūruṭṭhikaṁ aññena kaṭiṭṭhikaṁ aññena phāsukaṭṭhikaṁ aññena piṭṭhiṭṭhikaṁ aññena khandhaṭṭhikaṁ aññena gīvaṭṭhikaṁ aññena hanukaṭṭhikaṁ aññena dantaṭṭhikaṁ aññena sīsakaṭāhaṁ.

dn22:9.4

9.5

So imameva kāyaṁ upasaṁharati:

dn22:9.5

9.6

‘ayampi kho kāyo evaṁdhammo evaṁbhāvī evaṁanatīto’ti.

dn22:9.6

9.7

Iti ajjhattaṁ vā …pe…

dn22:9.7

9.8

viharati.

dn22:9.8

10.1

Puna caparaṁ, bhikkhave, bhikkhu seyyathāpi passeyya sarīraṁ sivathikāya chaḍḍitaṁ aṭṭhikāni setāni saṅkhavaṇṇapaṭibhāgāni …pe…

dn22:10.1

10.2

Aṭṭhikāni puñjakitāni terovassikāni …pe…

dn22:10.2

10.3

Aṭṭhikāni pūtīni cuṇṇakajātāni.

dn22:10.3

10.4

So imameva kāyaṁ upasaṁharati:

dn22:10.4

10.5

‘ayampi kho kāyo evaṁdhammo evaṁbhāvī evaṁanatīto’ti.

dn22:10.5

10.6

Iti ajjhattaṁ vā kāye kāyānupassī viharati, bahiddhā vā kāye kāyānupassī viharati, ajjhattabahiddhā vā kāye kāyānupassī viharati.

dn22:10.6

10.7

Samudayadhammānupassī vā kāyasmiṁ viharati, vayadhammānupassī vā kāyasmiṁ viharati, samudayavayadhammānupassī vā kāyasmiṁ viharati.

dn22:10.7

10.8

‘Atthi kāyo’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati.

dn22:10.8

10.9

Evampi kho, bhikkhave, bhikkhu kāye kāyānupassī viharati.

dn22:10.9

10.10

Navasivathikapabbaṁ niṭṭhitaṁ.

dn22:10.10

10.11

Cuddasa kāyānupassanā niṭṭhitā.

dn22:10.11

11.0

2. Vedanānupassanā

dn22:11.0

11.1

Kathañca pana, bhikkhave, bhikkhu vedanāsu vedanānupassī viharati?

dn22:11.1

11.2

Idha, bhikkhave, bhikkhu sukhaṁ vā vedanaṁ vedayamāno ‘sukhaṁ vedanaṁ vedayāmī’ti pajānāti.

dn22:11.2

11.3

Dukkhaṁ vā vedanaṁ vedayamāno ‘dukkhaṁ vedanaṁ vedayāmī’ti pajānāti.

dn22:11.3

11.4

Adukkhamasukhaṁ vā vedanaṁ vedayamāno ‘adukkhamasukhaṁ vedanaṁ vedayāmī’ti pajānāti.

dn22:11.4

11.5

Sāmisaṁ vā sukhaṁ vedanaṁ vedayamāno ‘sāmisaṁ sukhaṁ vedanaṁ vedayāmī’ti pajānāti.

dn22:11.5

11.6

Nirāmisaṁ vā sukhaṁ vedanaṁ vedayamāno ‘nirāmisaṁ sukhaṁ vedanaṁ vedayāmī’ti pajānāti.

dn22:11.6

11.7

Sāmisaṁ vā dukkhaṁ vedanaṁ vedayamāno ‘sāmisaṁ dukkhaṁ vedanaṁ vedayāmī’ti pajānāti.

dn22:11.7

11.8

Nirāmisaṁ vā dukkhaṁ vedanaṁ vedayamāno ‘nirāmisaṁ dukkhaṁ vedanaṁ vedayāmī’ti pajānāti.

dn22:11.8

11.9

Sāmisaṁ vā adukkhamasukhaṁ vedanaṁ vedayamāno ‘sāmisaṁ adukkhamasukhaṁ vedanaṁ vedayāmī’ti pajānāti.

dn22:11.9

11.10

Nirāmisaṁ vā adukkhamasukhaṁ vedanaṁ vedayamāno ‘nirāmisaṁ adukkhamasukhaṁ vedanaṁ vedayāmī’ti pajānāti.

dn22:11.10

11.11

Iti ajjhattaṁ vā vedanāsu vedanānupassī viharati, bahiddhā vā vedanāsu vedanānupassī viharati, ajjhattabahiddhā vā vedanāsu vedanānupassī viharati.

dn22:11.11

11.12

Samudayadhammānupassī vā vedanāsu viharati, vayadhammānupassī vā vedanāsu viharati, samudayavayadhammānupassī vā vedanāsu viharati.

dn22:11.12

11.13

‘Atthi vedanā’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati.

dn22:11.13

11.14

Evampi kho, bhikkhave, bhikkhu vedanāsu vedanānupassī viharati.

dn22:11.14

11.15

Vedanānupassanā niṭṭhitā.

dn22:11.15

12.0

3. Cittānupassanā

dn22:12.0

12.1

Kathañca pana, bhikkhave, bhikkhu citte cittānupassī viharati?

dn22:12.1

12.2

Idha, bhikkhave, bhikkhu sarāgaṁ vā cittaṁ ‘sarāgaṁ cittan’ti pajānāti.

dn22:12.2

12.3

Vītarāgaṁ vā cittaṁ ‘vītarāgaṁ cittan’ti pajānāti.

dn22:12.3

12.4

Sadosaṁ vā cittaṁ ‘sadosaṁ cittan’ti pajānāti.

dn22:12.4

12.5

Vītadosaṁ vā cittaṁ ‘vītadosaṁ cittan’ti pajānāti.

dn22:12.5

12.6

Samohaṁ vā cittaṁ ‘samohaṁ cittan’ti pajānāti.

dn22:12.6

12.7

Vītamohaṁ vā cittaṁ ‘vītamohaṁ cittan’ti pajānāti.

dn22:12.7

12.8

Saṅkhittaṁ vā cittaṁ ‘saṅkhittaṁ cittan’ti pajānāti.

dn22:12.8

12.9

Vikkhittaṁ vā cittaṁ ‘vikkhittaṁ cittan’ti pajānāti.

dn22:12.9

12.10

Mahaggataṁ vā cittaṁ ‘mahaggataṁ cittan’ti pajānāti.

dn22:12.10