完整巴利原文 · 稳定分页 当前仅加载第 3 阅读页；保留 Bilara 原生段落标识，每页最多 120 段。
Sokaparidevadukkhadomanassupāyāsadhammānaṁ, bhikkhave, sattānaṁ evaṁ icchā uppajjati ‘aho vata mayaṁ na sokaparidevadukkhadomanassupāyāsadhammā assāma, na ca vata no sokaparidevadukkhadomanassupāyāsadhammā āgaccheyyun’ti.
dn22:18.45Na kho panetaṁ icchāya pattabbaṁ,
dn22:18.46idampi yampicchaṁ na labhati tampi dukkhaṁ.
dn22:18.47Katame ca, bhikkhave, saṅkhittena pañcupādānakkhandhā dukkhā?
dn22:18.48Seyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.
dn22:18.49Ime vuccanti, bhikkhave, saṅkhittena pañcupādānakkhandhā dukkhā.
dn22:18.50Idaṁ vuccati, bhikkhave, dukkhaṁ ariyasaccaṁ.
dn22:18.514.5.2. Samudayasaccaniddesa
dn22:19.0Katamañca, bhikkhave, dukkhasamudayaṁ ariyasaccaṁ?
dn22:19.1Yāyaṁ taṇhā ponobbhavikā nandīrāgasahagatā tatratatrābhinandinī, seyyathidaṁ—
dn22:19.2kāmataṇhā bhavataṇhā vibhavataṇhā.
dn22:19.3Sā kho panesā, bhikkhave, taṇhā kattha uppajjamānā uppajjati, kattha nivisamānā nivisati?
dn22:19.4Yaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.5Kiñca loke piyarūpaṁ sātarūpaṁ?
dn22:19.6Cakkhu loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.7Sotaṁ loke …pe…
dn22:19.8ghānaṁ loke …
dn22:19.9jivhā loke …
dn22:19.10kāyo loke …
dn22:19.11mano loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.12Rūpā loke …
dn22:19.13saddā loke …
dn22:19.14gandhā loke …
dn22:19.15rasā loke …
dn22:19.16phoṭṭhabbā loke …
dn22:19.17dhammā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.18Cakkhuviññāṇaṁ loke …
dn22:19.19sotaviññāṇaṁ loke …
dn22:19.20ghānaviññāṇaṁ loke …
dn22:19.21jivhāviññāṇaṁ loke …
dn22:19.22kāyaviññāṇaṁ loke …
dn22:19.23manoviññāṇaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.24Cakkhusamphasso loke …
dn22:19.25sotasamphasso loke …
dn22:19.26ghānasamphasso loke …
dn22:19.27jivhāsamphasso loke …
dn22:19.28kāyasamphasso loke …
dn22:19.29manosamphasso loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.30Cakkhusamphassajā vedanā loke …
dn22:19.31sotasamphassajā vedanā loke …
dn22:19.32ghānasamphassajā vedanā loke …
dn22:19.33jivhāsamphassajā vedanā loke …
dn22:19.34kāyasamphassajā vedanā loke …
dn22:19.35manosamphassajā vedanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.36Rūpasaññā loke …
dn22:19.37saddasaññā loke …
dn22:19.38gandhasaññā loke …
dn22:19.39rasasaññā loke …
dn22:19.40phoṭṭhabbasaññā loke …
dn22:19.41dhammasaññā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.42Rūpasañcetanā loke …
dn22:19.43saddasañcetanā loke …
dn22:19.44gandhasañcetanā loke …
dn22:19.45rasasañcetanā loke …
dn22:19.46phoṭṭhabbasañcetanā loke …
dn22:19.47dhammasañcetanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.48Rūpataṇhā loke …
dn22:19.49saddataṇhā loke …
dn22:19.50gandhataṇhā loke …
dn22:19.51rasataṇhā loke …
dn22:19.52phoṭṭhabbataṇhā loke …
dn22:19.53dhammataṇhā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.54Rūpavitakko loke …
dn22:19.55saddavitakko loke …
dn22:19.56gandhavitakko loke …
dn22:19.57rasavitakko loke …
dn22:19.58phoṭṭhabbavitakko loke …
dn22:19.59dhammavitakko loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.60Rūpavicāro loke …
dn22:19.61saddavicāro loke …
dn22:19.62gandhavicāro loke …
dn22:19.63rasavicāro loke …
dn22:19.64phoṭṭhabbavicāro loke …
dn22:19.65dhammavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
dn22:19.66Idaṁ vuccati, bhikkhave, dukkhasamudayaṁ ariyasaccaṁ.
dn22:19.674.5.3. Nirodhasaccaniddesa
dn22:20.0Katamañca, bhikkhave, dukkhanirodhaṁ ariyasaccaṁ?
dn22:20.1Yo tassāyeva taṇhāya asesavirāganirodho cāgo paṭinissaggo mutti anālayo.
dn22:20.2Sā kho panesā, bhikkhave, taṇhā kattha pahīyamānā pahīyati, kattha nirujjhamānā nirujjhati?
dn22:20.3Yaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.4Kiñca loke piyarūpaṁ sātarūpaṁ?
dn22:20.5Cakkhu loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.6Sotaṁ loke …pe…
dn22:20.7ghānaṁ loke …
dn22:20.8jivhā loke …
dn22:20.9kāyo loke …
dn22:20.10mano loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.11Rūpā loke …
dn22:20.12saddā loke …
dn22:20.13gandhā loke …
dn22:20.14rasā loke …
dn22:20.15phoṭṭhabbā loke …
dn22:20.16dhammā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.17Cakkhuviññāṇaṁ loke …
dn22:20.18sotaviññāṇaṁ loke …
dn22:20.19ghānaviññāṇaṁ loke …
dn22:20.20jivhāviññāṇaṁ loke …
dn22:20.21kāyaviññāṇaṁ loke …
dn22:20.22manoviññāṇaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.23Cakkhusamphasso loke …
dn22:20.24sotasamphasso loke …
dn22:20.25ghānasamphasso loke …
dn22:20.26jivhāsamphasso loke …
dn22:20.27kāyasamphasso loke …
dn22:20.28manosamphasso loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.29Cakkhusamphassajā vedanā loke …
dn22:20.30sotasamphassajā vedanā loke …
dn22:20.31ghānasamphassajā vedanā loke …
dn22:20.32jivhāsamphassajā vedanā loke …
dn22:20.33kāyasamphassajā vedanā loke …
dn22:20.34manosamphassajā vedanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.35Rūpasaññā loke …
dn22:20.36saddasaññā loke …
dn22:20.37gandhasaññā loke …
dn22:20.38rasasaññā loke …
dn22:20.39phoṭṭhabbasaññā loke …
dn22:20.40dhammasaññā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.41Rūpasañcetanā loke …
dn22:20.42saddasañcetanā loke …
dn22:20.43gandhasañcetanā loke …
dn22:20.44