完整巴利原文 · 稳定分页 当前仅加载第 4 阅读页；保留 Bilara 原生段落标识，每页最多 120 段。
rasasañcetanā loke …
dn22:20.45phoṭṭhabbasañcetanā loke …
dn22:20.46dhammasañcetanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.47Rūpataṇhā loke …
dn22:20.48saddataṇhā loke …
dn22:20.49gandhataṇhā loke …
dn22:20.50rasataṇhā loke …
dn22:20.51phoṭṭhabbataṇhā loke …
dn22:20.52dhammataṇhā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.53Rūpavitakko loke …
dn22:20.54saddavitakko loke …
dn22:20.55gandhavitakko loke …
dn22:20.56rasavitakko loke …
dn22:20.57phoṭṭhabbavitakko loke …
dn22:20.58dhammavitakko loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.59Rūpavicāro loke …
dn22:20.60saddavicāro loke …
dn22:20.61gandhavicāro loke …
dn22:20.62rasavicāro loke …
dn22:20.63phoṭṭhabbavicāro loke …
dn22:20.64dhammavicāro loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
dn22:20.65Idaṁ vuccati, bhikkhave, dukkhanirodhaṁ ariyasaccaṁ.
dn22:20.664.5.4. Maggasaccaniddesa
dn22:21.0Katamañca, bhikkhave, dukkhanirodhagāminī paṭipadā ariyasaccaṁ?
dn22:21.1Ayameva ariyo aṭṭhaṅgiko maggo seyyathidaṁ—
dn22:21.2sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.
dn22:21.3Katamā ca, bhikkhave, sammādiṭṭhi?
dn22:21.4Yaṁ kho, bhikkhave, dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ.
dn22:21.5Ayaṁ vuccati, bhikkhave, sammādiṭṭhi.
dn22:21.6Katamo ca, bhikkhave, sammāsaṅkappo?
dn22:21.7Nekkhammasaṅkappo abyāpādasaṅkappo avihiṁsāsaṅkappo.
dn22:21.8Ayaṁ vuccati, bhikkhave, sammāsaṅkappo.
dn22:21.9Katamā ca, bhikkhave, sammāvācā?
dn22:21.10Musāvādā veramaṇī pisuṇāya vācāya veramaṇī pharusāya vācāya veramaṇī samphappalāpā veramaṇī.
dn22:21.11Ayaṁ vuccati, bhikkhave, sammāvācā.
dn22:21.12Katamo ca, bhikkhave, sammākammanto?
dn22:21.13Pāṇātipātā veramaṇī adinnādānā veramaṇī kāmesumicchācārā veramaṇī.
dn22:21.14Ayaṁ vuccati, bhikkhave, sammākammanto.
dn22:21.15Katamo ca, bhikkhave, sammāājīvo?
dn22:21.16Idha, bhikkhave, ariyasāvako micchāājīvaṁ pahāya sammāājīvena jīvitaṁ kappeti.
dn22:21.17Ayaṁ vuccati, bhikkhave, sammāājīvo.
dn22:21.18Katamo ca, bhikkhave, sammāvāyāmo?
dn22:21.19Idha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;
dn22:21.20uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;
dn22:21.21anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;
dn22:21.22uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
dn22:21.23Ayaṁ vuccati, bhikkhave, sammāvāyāmo.
dn22:21.24Katamā ca, bhikkhave, sammāsati?
dn22:21.25Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ;
dn22:21.26vedanāsu vedanānupassī viharati ātāpī sampajāno satimā vineyya loke abhijjhādomanassaṁ;
dn22:21.27citte cittānupassī viharati ātāpī sampajāno satimā vineyya loke abhijjhādomanassaṁ;
dn22:21.28dhammesu dhammānupassī viharati ātāpī sampajāno satimā vineyya loke abhijjhādomanassaṁ.
dn22:21.29Ayaṁ vuccati, bhikkhave, sammāsati.
dn22:21.30Katamo ca, bhikkhave, sammāsamādhi?
dn22:21.31Idha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.
dn22:21.32Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.
dn22:21.33Pītiyā ca virāgā upekkhako ca viharati, sato ca sampajāno, sukhañca kāyena paṭisaṁvedeti, yaṁ taṁ ariyā ācikkhanti ‘upekkhako satimā sukhavihārī’ti tatiyaṁ jhānaṁ upasampajja viharati.
dn22:21.34Sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.
dn22:21.35Ayaṁ vuccati, bhikkhave, sammāsamādhi.
dn22:21.36Idaṁ vuccati, bhikkhave, dukkhanirodhagāminī paṭipadā ariyasaccaṁ.
dn22:21.37Iti ajjhattaṁ vā dhammesu dhammānupassī viharati, bahiddhā vā dhammesu dhammānupassī viharati, ajjhattabahiddhā vā dhammesu dhammānupassī viharati.
dn22:21.38Samudayadhammānupassī vā dhammesu viharati, vayadhammānupassī vā dhammesu viharati, samudayavayadhammānupassī vā dhammesu viharati.
dn22:21.39‘Atthi dhammā’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati.
dn22:21.40Evampi kho, bhikkhave, bhikkhu dhammesu dhammānupassī viharati catūsu ariyasaccesu.
dn22:21.41Saccapabbaṁ niṭṭhitaṁ.
dn22:21.42Dhammānupassanā niṭṭhitā.
dn22:21.43Yo hi koci, bhikkhave, ime cattāro satipaṭṭhāne evaṁ bhāveyya sattavassāni, tassa dvinnaṁ phalānaṁ aññataraṁ phalaṁ pāṭikaṅkhaṁ
dn22:22.1diṭṭheva dhamme aññā; sati vā upādisese anāgāmitā.
dn22:22.2Tiṭṭhantu, bhikkhave, sattavassāni.
dn22:22.3Yo hi koci, bhikkhave, ime cattāro satipaṭṭhāne evaṁ bhāveyya cha vassāni …pe…
dn22:22.4pañca vassāni …
dn22:22.5cattāri vassāni …
dn22:22.6tīṇi vassāni …
dn22:22.7dve vassāni …
dn22:22.8ekaṁ vassaṁ …
dn22:22.9tiṭṭhatu, bhikkhave, ekaṁ vassaṁ.
dn22:22.10Yo hi koci, bhikkhave, ime cattāro satipaṭṭhāne evaṁ bhāveyya sattamāsāni, tassa dvinnaṁ phalānaṁ aññataraṁ phalaṁ pāṭikaṅkhaṁ
dn22:22.11diṭṭheva dhamme aññā; sati vā upādisese anāgāmitā.
dn22:22.12Tiṭṭhantu, bhikkhave, satta māsāni.
dn22:22.13Yo hi koci, bhikkhave, ime cattāro satipaṭṭhāne evaṁ bhāveyya cha māsāni …pe…
dn22:22.14pañca māsāni …
dn22:22.15cattāri māsāni …
dn22:22.16tīṇi māsāni …
dn22:22.17dve māsāni …
dn22:22.18ekaṁ māsaṁ …
dn22:22.19aḍḍhamāsaṁ …
dn22:22.20tiṭṭhatu, bhikkhave, aḍḍhamāso.
dn22:22.21Yo hi koci, bhikkhave, ime cattāro satipaṭṭhāne evaṁ bhāveyya sattāhaṁ, tassa dvinnaṁ phalānaṁ aññataraṁ phalaṁ pāṭikaṅkhaṁ
dn22:22.22diṭṭheva dhamme aññā; sati vā upādisese anāgāmitāti.
dn22:22.23Ekāyano ayaṁ, bhikkhave, maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya yadidaṁ cattāro satipaṭṭhānāti.
dn22:22.24Iti yaṁ taṁ vuttaṁ, idametaṁ paṭicca vuttan”ti.
dn22:22.25Idamavoca bhagavā.
dn22:22.26Attamanā te bhikkhū bhagavato bhāsitaṁ abhinandunti.
dn22:22.27Mahāsatipaṭṭhānasuttaṁ niṭṭhitaṁ navamaṁ.
dn22:22.28