完整巴利原文 · 稳定分页 当前仅加载第 5 阅读页；保留 Bilara 原生段落标识，每页最多 120 段。
‘Amukaṁ nāma janapadan’ti.
dn23:23.17‘Kacci, bho, purato kantāre mahāmegho abhippavuṭṭho’ti?
dn23:23.18‘Evaṁ, bho, purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca.
dn23:23.19Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṁ sīghaṁ gacchatha, mā yoggāni kilamitthā’ti.
dn23:23.20Atha kho so satthavāho satthike āmantesi:
dn23:23.21‘ayaṁ, bho, puriso evamāha:
dn23:23.22“purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca.
dn23:23.23Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṁ sīghaṁ gacchatha, mā yoggāni kilamitthā”ti.
dn23:23.24Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi satthaṁ payāpethā’ti.
dn23:23.25‘Evaṁ, bho’ti kho te satthikā tassa satthavāhassa paṭissutvā chaḍḍetvā purāṇāni tiṇāni kaṭṭhāni udakāni lahubhārehi sakaṭehi satthaṁ payāpesuṁ.
dn23:23.26Te paṭhamepi satthavāse na addasaṁsu tiṇaṁ vā kaṭṭhaṁ vā udakaṁ vā.
dn23:23.27Dutiyepi satthavāse …
dn23:23.28tatiyepi satthavāse …
dn23:23.29catutthepi satthavāse …
dn23:23.30pañcamepi satthavāse …
dn23:23.31chaṭṭhepi satthavāse …
dn23:23.32sattamepi satthavāse na addasaṁsu tiṇaṁ vā kaṭṭhaṁ vā udakaṁ vā.
dn23:23.33Sabbeva anayabyasanaṁ āpajjiṁsu.
dn23:23.34Ye ca tasmiṁ satthe ahesuṁ manussā vā pasū vā, sabbe so yakkho amanusso bhakkhesi.
dn23:23.35Aṭṭhikāneva sesāni.
dn23:23.36Yadā aññāsi dutiyo satthavāho:
dn23:23.37‘bahunikkhanto kho, bho, dāni so sattho’ti bahuṁ tiṇañca kaṭṭhañca udakañca āropetvā satthaṁ payāpesi.
dn23:23.38Dvīhatīhapayāto kho pana so sattho addasa purisaṁ kāḷaṁ lohitakkhaṁ sannaddhakalāpaṁ kumudamāliṁ allavatthaṁ allakesaṁ kaddamamakkhitehi cakkehi bhadrena rathena paṭipathaṁ āgacchantaṁ, disvā etadavoca:
dn23:23.39‘kuto, bho, āgacchasī’ti?
dn23:23.40‘Amukamhā janapadā’ti.
dn23:23.41‘Kuhiṁ gamissasī’ti?
dn23:23.42‘Amukaṁ nāma janapadan’ti.
dn23:23.43‘Kacci, bho, purato kantāre mahāmegho abhippavuṭṭho’ti?
dn23:23.44‘Evaṁ, bho, purato kantāre mahāmegho abhippavuṭṭho. Āsittodakāni vaṭumāni, bahu tiṇañca kaṭṭhañca udakañca.
dn23:23.45Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṁ sīghaṁ gacchatha, mā yoggāni kilamitthā’ti.
dn23:23.46Atha kho so satthavāho satthike āmantesi:
dn23:23.47‘ayaṁ, bho, puriso evamāha:
dn23:23.48“purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca.
dn23:23.49Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṁ sīghaṁ gacchatha; mā yoggāni kilamitthā”ti.
dn23:23.50Ayaṁ bho puriso neva amhākaṁ mitto, na ñātisālohito, kathaṁ mayaṁ imassa saddhāya gamissāma.
dn23:23.51Na vo chaḍḍetabbāni purāṇāni tiṇāni kaṭṭhāni udakāni, yathābhatena bhaṇḍena satthaṁ payāpetha.
dn23:23.52Na no purāṇaṁ chaḍḍessāmā’ti.
dn23:23.53‘Evaṁ, bho’ti kho te satthikā tassa satthavāhassa paṭissutvā yathābhatena bhaṇḍena satthaṁ payāpesuṁ.
dn23:23.54Te paṭhamepi satthavāse na addasaṁsu tiṇaṁ vā kaṭṭhaṁ vā udakaṁ vā.
dn23:23.55Dutiyepi satthavāse …
dn23:23.56tatiyepi satthavāse …
dn23:23.57catutthepi satthavāse …
dn23:23.58pañcamepi satthavāse …
dn23:23.59chaṭṭhepi satthavāse …
dn23:23.60sattamepi satthavāse na addasaṁsu tiṇaṁ vā kaṭṭhaṁ vā udakaṁ vā.
dn23:23.61Tañca satthaṁ addasaṁsu anayabyasanaṁ āpannaṁ.
dn23:23.62Ye ca tasmiṁ satthepi ahesuṁ manussā vā pasū vā, tesañca aṭṭhikāneva addasaṁsu tena yakkhena amanussena bhakkhitānaṁ.
dn23:23.63Atha kho so satthavāho satthike āmantesi:
dn23:23.64‘ayaṁ kho, bho, sattho anayabyasanaṁ āpanno, yathā taṁ tena bālena satthavāhena pariṇāyakena.
dn23:23.65Tena hi, bho, yānamhākaṁ satthe appasārāni paṇiyāni, tāni chaḍḍetvā, yāni imasmiṁ satthe mahāsārāni paṇiyāni, tāni ādiyathā’ti.
dn23:23.66‘Evaṁ, bho’ti kho te satthikā tassa satthavāhassa paṭissutvā yāni sakasmiṁ satthe appasārāni paṇiyāni, tāni chaḍḍetvā yāni tasmiṁ satthe mahāsārāni paṇiyāni, tāni ādiyitvā sotthinā taṁ kantāraṁ nitthariṁsu, yathā taṁ paṇḍitena satthavāhena pariṇāyakena.
dn23:23.67Evameva kho tvaṁ, rājañña, bālo abyatto anayabyasanaṁ āpajjissasi ayoniso paralokaṁ gavesanto, seyyathāpi so purimo satthavāho.
dn23:23.68Yepi tava sotabbaṁ saddhātabbaṁ maññissanti, tepi anayabyasanaṁ āpajjissanti, seyyathāpi te satthikā.
dn23:23.69Paṭinissajjetaṁ, rājañña, pāpakaṁ diṭṭhigataṁ; paṭinissajjetaṁ, rājañña, pāpakaṁ diṭṭhigataṁ.
dn23:23.70Mā te ahosi dīgharattaṁ ahitāya dukkhāyā”ti.
dn23:23.71“Kiñcāpi bhavaṁ kassapo evamāha, atha kho nevāhaṁ sakkomi idaṁ pāpakaṁ diṭṭhigataṁ paṭinissajjituṁ.
dn23:24.1Rājāpi maṁ pasenadi kosalo jānāti tirorājānopi: ‘pāyāsi rājañño evaṁvādī evaṁdiṭṭhī:
dn23:24.2“itipi natthi paro loko …pe… vipāko”’ti.
dn23:24.3Sacāhaṁ, bho kassapa, idaṁ pāpakaṁ diṭṭhigataṁ paṭinissajjissāmi, bhavissanti me vattāro:
dn23:24.4‘yāva bālo pāyāsi rājañño, abyatto duggahitagāhī’ti.
dn23:24.5Kopenapi naṁ harissāmi, makkhenapi naṁ harissāmi, palāsenapi naṁ harissāmī”ti.
dn23:24.62.12. Gūthabhārikaupamā
dn23:25.0“Tena hi, rājañña, upamaṁ te karissāmi.
dn23:25.1Upamāya m’idhekacce viññū purisā bhāsitassa atthaṁ ājānanti.
dn23:25.2Bhūtapubbaṁ, rājañña, aññataro sūkaraposako puriso sakamhā gāmā aññaṁ gāmaṁ agamāsi.
dn23:25.3Tattha addasa pahūtaṁ sukkhagūthaṁ chaḍḍitaṁ.
dn23:25.4Disvānassa etadahosi:
dn23:25.5‘ayaṁ kho pahūto sukkhagūtho chaḍḍito, mama ca sūkarabhattaṁ;
dn23:25.6yannūnāhaṁ ito sukkhagūthaṁ hareyyan’ti.
dn23:25.7So uttarāsaṅgaṁ pattharitvā pahūtaṁ sukkhagūthaṁ ākiritvā bhaṇḍikaṁ bandhitvā sīse ubbāhetvā agamāsi.
dn23:25.8Tassa antarāmagge mahāakālamegho pāvassi.
dn23:25.9So uggharantaṁ paggharantaṁ yāva agganakhā gūthena makkhito gūthabhāraṁ ādāya agamāsi.
dn23:25.10Tamenaṁ manussā disvā evamāhaṁsu:
dn23:25.11‘kacci no tvaṁ, bhaṇe, ummatto, kacci viceto, kathañhi nāma uggharantaṁ paggharantaṁ yāva agganakhā gūthena makkhito gūthabhāraṁ harissasī’ti.
dn23:25.12‘Tumhe khvettha, bhaṇe, ummattā, tumhe vicetā, tathā hi pana me sūkarabhattan’ti.
dn23:25.13Evameva kho tvaṁ, rājañña, gūthabhārikūpamo maññe paṭibhāsi.
dn23:25.14Paṭinissajjetaṁ, rājañña, pāpakaṁ diṭṭhigataṁ; paṭinissajjetaṁ, rājañña, pāpakaṁ diṭṭhigataṁ.
dn23:25.15Mā te ahosi dīgharattaṁ ahitāya dukkhāyā”ti.
dn23:25.16“Kiñcāpi bhavaṁ kassapo evamāha, atha kho nevāhaṁ sakkomi idaṁ pāpakaṁ diṭṭhigataṁ paṭinissajjituṁ.
dn23:26.1Rājāpi maṁ pasenadi kosalo jānāti tirorājānopi:
dn23:26.2‘pāyāsi rājañño evaṁvādī evaṁdiṭṭhī:
dn23:26.3“itipi natthi paro loko …pe… vipāko”’ti.
dn23:26.4Sacāhaṁ, bho kassapa, idaṁ pāpakaṁ diṭṭhigataṁ paṭinissajjissāmi, bhavissanti me vattāro:
dn23:26.5‘yāva bālo pāyāsi rājañño abyatto duggahitagāhī’ti.
dn23:26.6Kopenapi naṁ harissāmi, makkhenapi naṁ harissāmi, palāsenapi naṁ harissāmī”ti.
dn23:26.72.13. Akkhadhuttakaupamā
dn23:27.0“Tena hi, rājañña, upamaṁ te karissāmi,
dn23:27.1upamāya m’idhekacce viññū purisā bhāsitassa atthaṁ ājānanti.
dn23:27.2Bhūtapubbaṁ, rājañña, dve akkhadhuttā akkhehi dibbiṁsu.
dn23:27.3Eko akkhadhutto āgatāgataṁ kaliṁ gilati.
dn23:27.4Addasā kho dutiyo akkhadhutto taṁ akkhadhuttaṁ āgatāgataṁ kaliṁ gilantaṁ, disvā taṁ akkhadhuttaṁ etadavoca:
dn23:27.5‘tvaṁ kho, samma, ekantikena jināsi, dehi me, samma, akkhe pajohissāmī’ti.
dn23:27.6‘Evaṁ, sammā’ti kho so akkhadhutto tassa akkhadhuttassa akkhe pādāsi.
dn23:27.7Atha kho so akkhadhutto akkhe visena paribhāvetvā taṁ akkhadhuttaṁ etadavoca:
dn23:27.8‘ehi kho, samma, akkhehi dibbissāmā’ti.
dn23:27.9‘Evaṁ, sammā’ti kho so akkhadhutto tassa akkhadhuttassa paccassosi.
dn23:27.10Dutiyampi kho te akkhadhuttā akkhehi dibbiṁsu.
dn23:27.11Dutiyampi kho so akkhadhutto āgatāgataṁ kaliṁ gilati.
dn23:27.12Addasā kho dutiyo akkhadhutto taṁ akkhadhuttaṁ dutiyampi āgatāgataṁ kaliṁ gilantaṁ, disvā taṁ akkhadhuttaṁ etadavoca:
dn23:27.13‘Littaṁ paramena tejasā,
dn23:27.14Gilamakkhaṁ puriso na bujjhati;
dn23:27.15Gila re gila pāpadhuttaka,
dn23:27.16Pacchā te kaṭukaṁ bhavissatī’ti.
dn23:27.17Evameva kho tvaṁ, rājañña, akkhadhuttakūpamo maññe paṭibhāsi.
dn23:27.18Paṭinissajjetaṁ, rājañña, pāpakaṁ diṭṭhigataṁ; paṭinissajjetaṁ, rājañña, pāpakaṁ diṭṭhigataṁ.
dn23:27.19Mā te ahosi dīgharattaṁ ahitāya dukkhāyā”ti.
dn23:27.20“Kiñcāpi bhavaṁ kassapo evamāha, atha kho nevāhaṁ sakkomi idaṁ pāpakaṁ diṭṭhigataṁ paṭinissajjituṁ.
dn23:28.1Rājāpi maṁ pasenadi kosalo jānāti tirorājānopi:
dn23:28.2‘pāyāsi rājañño evaṁvādī evaṁdiṭṭhī:
dn23:28.3“itipi natthi paro loko …pe… vipāko”’ti.
dn23:28.4Sacāhaṁ, bho kassapa, idaṁ pāpakaṁ diṭṭhigataṁ paṭinissajjissāmi, bhavissanti me vattāro:
dn23:28.5‘yāva bālo pāyāsi rājañño abyatto duggahitagāhī’ti.
dn23:28.6Kopenapi naṁ harissāmi, makkhenapi naṁ harissāmi, palāsenapi naṁ harissāmī”ti.
dn23:28.72.14. Sāṇabhārikaupamā
dn23:29.0“Tena hi, rājañña, upamaṁ te karissāmi,
dn23:29.1upamāya m’idhekacce viññū purisā bhāsitassa atthaṁ ājānanti.
dn23:29.2Bhūtapubbaṁ, rājañña, aññataro janapado vuṭṭhāsi.
dn23:29.3Atha kho sahāyako sahāyakaṁ āmantesi:
dn23:29.4‘āyāma, samma, yena so janapado tenupasaṅkamissāma, appeva nāmettha kiñci dhanaṁ adhigaccheyyāmā’ti.
dn23:29.5‘Evaṁ, sammā’ti kho sahāyako sahāyakassa paccassosi.
dn23:29.6