完整巴利原文 · 稳定分页 当前仅加载第 159 阅读页；保留 Bilara 原生段落标识，每页最多 120 段。
Kathāvatthu
kv10.3:0.1Mahāpaṇṇāsaka
kv10.3:0.2Dasamavagga
kv10.3:0.3Pañcaviññāṇasamaṅgissamaggakathā
kv10.3:0.4Pañcaviññāṇasamaṅgissa atthi maggabhāvanāti?
kv10.3:1.1Āmantā.
kv10.3:1.2Nanu pañcaviññāṇā uppannavatthukā uppannārammaṇāti?
kv10.3:1.3Āmantā.
kv10.3:1.4Hañci pañcaviññāṇā uppannavatthukā uppannārammaṇā, no ca vata re vattabbe—
kv10.3:1.5“pañcaviññāṇasamaṅgissa atthi maggabhāvanā”ti.
kv10.3:1.6Nanu pañcaviññāṇā purejātavatthukā purejātārammaṇā ajjhattikavatthukā bāhirārammaṇā asambhinnavatthukā asambhinnārammaṇā nānāvatthukā nānārammaṇā na aññamaññassa gocaravisayaṁ paccanubhonti, na asamannāhārā uppajjanti, na amanasikārā uppajjanti, na abbokiṇṇā uppajjanti, na apubbaṁ acarimaṁ uppajjanti, na aññamaññassa samanantarā uppajjanti, nanu pañcaviññāṇā anābhogāti?
kv10.3:2.1Āmantā.
kv10.3:2.2Hañci pañcaviññāṇā anābhogā, no ca vata re vattabbe—
kv10.3:2.3“pañcaviññāṇasamaṅgissa atthi maggabhāvanā”ti.
kv10.3:2.4Cakkhuviññāṇasamaṅgissa atthi maggabhāvanāti?
kv10.3:3.1Āmantā.
kv10.3:3.2Cakkhuviññāṇaṁ suññataṁ ārabbha uppajjatīti?
kv10.3:3.3Na hevaṁ vattabbe …pe…
kv10.3:3.4cakkhuviññāṇaṁ suññataṁ ārabbha uppajjatīti?
kv10.3:3.5Āmantā.
kv10.3:3.6Cakkhuñca paṭicca suññatañca uppajjati cakkhuviññāṇanti?
kv10.3:3.7Na hevaṁ vattabbe …pe…
kv10.3:3.8cakkhuñca paṭicca suññatañca uppajjati cakkhuviññāṇanti?
kv10.3:3.9Āmantā.
kv10.3:3.10“Cakkhuñca paṭicca suññatañca uppajjati cakkhuviññāṇan”ti—
kv10.3:3.11attheva suttantoti?
kv10.3:3.12Natthi.
kv10.3:3.13“Cakkhuñca paṭicca rūpe ca uppajjati cakkhuviññāṇan”ti—
kv10.3:3.14attheva suttantoti?
kv10.3:3.15Āmantā.
kv10.3:3.16Hañci “cakkhuñca paṭicca rūpe ca uppajjati cakkhuviññāṇan”ti—
kv10.3:3.17attheva suttanto, no ca vata re vattabbe—
kv10.3:3.18“cakkhuñca paṭicca suññatañca uppajjati cakkhuviññāṇan”ti.
kv10.3:3.19Cakkhuviññāṇasamaṅgissa atthi maggabhāvanāti?
kv10.3:4.1Āmantā.
kv10.3:4.2Cakkhuviññāṇaṁ atītānāgataṁ ārabbha uppajjatīti?
kv10.3:4.3Na hevaṁ vattabbe …pe…
kv10.3:4.4cakkhuviññāṇasamaṅgissa atthi maggabhāvanāti?
kv10.3:4.5Āmantā.
kv10.3:4.6Cakkhuviññāṇaṁ phassaṁ ārabbha …
kv10.3:4.7vedanaṁ ārabbha …
kv10.3:4.8saññaṁ ārabbha …
kv10.3:4.9cetanaṁ ārabbha …
kv10.3:4.10cittaṁ ārabbha …
kv10.3:4.11cakkhuṁ ārabbha …pe…
kv10.3:4.12kāyaṁ ārabbha …pe…
kv10.3:4.13saddaṁ ārabbha …pe…
kv10.3:4.14phoṭṭhabbaṁ ārabbha uppajjatīti?
kv10.3:4.15Na hevaṁ vattabbe …pe….
kv10.3:4.16Manoviññāṇasamaṅgissa atthi maggabhāvanā, manoviññāṇaṁ suññataṁ ārabbha uppajjatīti?
kv10.3:5.1Āmantā.
kv10.3:5.2Cakkhuviññāṇasamaṅgissa atthi maggabhāvanā, cakkhuviññāṇaṁ suññataṁ ārabbha uppajjatīti?
kv10.3:5.3Na hevaṁ vattabbe …pe…
kv10.3:5.4manoviññāṇasamaṅgissa atthi maggabhāvanā, manoviññāṇaṁ atītānāgataṁ ārabbha uppajjatīti?
kv10.3:5.5Āmantā.
kv10.3:5.6Cakkhuviññāṇasamaṅgissa atthi maggabhāvanā, cakkhuviññāṇaṁ atītānāgataṁ ārabbha uppajjatīti?
kv10.3:5.7Na hevaṁ vattabbe …pe…
kv10.3:5.8manoviññāṇasamaṅgissa atthi maggabhāvanā, manoviññāṇaṁ phassaṁ ārabbha …
kv10.3:5.9vedanaṁ ārabbha …pe…
kv10.3:5.10phoṭṭhabbaṁ ārabbha uppajjatīti?
kv10.3:5.11Āmantā.
kv10.3:5.12Cakkhuviññāṇasamaṅgissa atthi maggabhāvanā, cakkhuviññāṇaṁ phassaṁ ārabbha …
kv10.3:5.13vedanaṁ ārabbha …pe…
kv10.3:5.14phoṭṭhabbaṁ ārabbha uppajjatīti?
kv10.3:5.15Na hevaṁ vattabbe …pe….
kv10.3:5.16Na vattabbaṁ—
kv10.3:6.1“pañcaviññāṇasamaṅgissa atthi maggabhāvanā”ti?
kv10.3:6.2Āmantā.
kv10.3:6.3Nanu vuttaṁ bhagavatā—
kv10.3:6.4“idha, bhikkhave, bhikkhu cakkhunā rūpaṁ disvā na nimittaggāhī hoti nānubyañjanaggāhī …pe…
kv10.3:6.5sotena saddaṁ sutvā …pe…
kv10.3:6.6ghānena gandhaṁ ghāyitvā …pe…
kv10.3:6.7jivhāya rasaṁ sāyitvā …pe…
kv10.3:6.8kāyena phoṭṭhabbaṁ phusitvā na nimittaggāhī hoti nānubyañjanaggāhī”ti.
kv10.3:6.9Attheva suttantoti?
kv10.3:6.10Āmantā.
kv10.3:6.11Tena hi pañcaviññāṇasamaṅgissa atthi maggabhāvanāti.
kv10.3:6.12Pañcaviññāṇasamaṅgissa maggakathā niṭṭhitā.
kv10.3:6.13