完整巴利原文 · 稳定分页 当前仅加载第 160 阅读页；保留 Bilara 原生段落标识，每页最多 120 段。
Kathāvatthu
kv10.4:0.1Mahāpaṇṇāsaka
kv10.4:0.2Dasamavagga
kv10.4:0.3Pañcaviññāṇākusalāpiakusalāpītikathā
kv10.4:0.4Pañcaviññāṇā kusalāpi akusalāpīti?
kv10.4:1.1Āmantā.
kv10.4:1.2Nanu pañcaviññāṇā uppannavatthukā uppannārammaṇāti?
kv10.4:1.3Āmantā.
kv10.4:1.4Hañci pañcaviññāṇā uppannavatthukā uppannārammaṇā, no ca vata re vattabbe—
kv10.4:1.5“pañcaviññāṇā kusalāpi akusalāpī”ti.
kv10.4:1.6Nanu pañcaviññāṇā purejātavatthukā purejātārammaṇā ajjhattikavatthukā bāhirārammaṇā asambhinnavatthukā asambhinnārammaṇā nānāvatthukā nānārammaṇā na aññamaññassa gocaravisayaṁ paccanubhonti, na asamannāhārā uppajjanti, na amanasikārā uppajjanti, na abbokiṇṇā uppajjanti, na apubbaṁ acarimaṁ uppajjanti, na aññamaññassa samanantarā uppajjanti, nanu pañcaviññāṇā anābhogāti?
kv10.4:1.7Āmantā.
kv10.4:1.8Hañci pañcaviññāṇā anābhogā, no ca vata re vattabbe—
kv10.4:1.9“pañcaviññāṇā kusalāpi akusalāpī”ti.
kv10.4:1.10Cakkhuviññāṇaṁ kusalanti?
kv10.4:2.1Āmantā.
kv10.4:2.2Cakkhuviññāṇaṁ suññataṁ ārabbha uppajjatīti?
kv10.4:2.3Na hevaṁ vattabbe …pe…
kv10.4:2.4cakkhuviññāṇaṁ suññataṁ ārabbha uppajjatīti?
kv10.4:2.5Āmantā.
kv10.4:2.6Cakkhuñca paṭicca suññatañca uppajjati cakkhuviññāṇanti?
kv10.4:2.7Na hevaṁ vattabbe.
kv10.4:2.8Cakkhuñca paṭicca suññatañca uppajjati cakkhuviññāṇanti?
kv10.4:2.9Āmantā.
kv10.4:2.10“Cakkhuñca paṭicca suññatañca uppajjati cakkhuviññāṇan”ti—
kv10.4:2.11attheva suttantoti?
kv10.4:2.12Natthi.
kv10.4:2.13“Cakkhuñca paṭicca rūpe ca uppajjati cakkhuviññāṇan”ti—
kv10.4:2.14attheva suttantoti?
kv10.4:2.15Āmantā.
kv10.4:2.16Hañci “cakkhuñca paṭicca rūpe ca uppajjati cakkhuviññāṇan”ti—
kv10.4:2.17attheva suttanto, no ca vata re vattabbe—
kv10.4:2.18“cakkhuñca paṭicca suññatañca uppajjati cakkhuviññāṇan”ti.
kv10.4:2.19Cakkhuviññāṇaṁ kusalampi akusalampīti?
kv10.4:3.1Āmantā.
kv10.4:3.2Cakkhuviññāṇaṁ atītānāgataṁ ārabbha uppajjatīti?
kv10.4:3.3Na hevaṁ vattabbe …pe….
kv10.4:3.4Cakkhuviññāṇaṁ kusalampi akusalampīti?
kv10.4:3.5Āmantā.
kv10.4:3.6Cakkhuviññāṇaṁ phassaṁ ārabbha …pe…
kv10.4:3.7cittaṁ ārabbha … cakkhuṁ ārabbha …pe…
kv10.4:3.8kāyaṁ ārabbha … saddaṁ ārabbha …pe…
kv10.4:3.9phoṭṭhabbaṁ ārabbha uppajjatīti?
kv10.4:3.10Na hevaṁ vattabbe …pe….
kv10.4:3.11Manoviññāṇaṁ kusalampi akusalampi, manoviññāṇaṁ suññataṁ ārabbha uppajjatīti?
kv10.4:4.1Āmantā.
kv10.4:4.2Cakkhuviññāṇaṁ kusalampi akusalampi, cakkhuviññāṇaṁ suññataṁ ārabbha uppajjatīti?
kv10.4:4.3Na hevaṁ vattabbe …pe…
kv10.4:4.4manoviññāṇaṁ kusalampi akusalampi, manoviññāṇaṁ atītānāgataṁ ārabbha uppajjatīti?
kv10.4:4.5Āmantā.
kv10.4:4.6Cakkhuviññāṇaṁ kusalampi akusalampi, cakkhuviññāṇaṁ atītānāgataṁ ārabbha uppajjatīti?
kv10.4:4.7Na hevaṁ vattabbe …pe…
kv10.4:4.8manoviññāṇaṁ kusalampi akusalampi, manoviññāṇaṁ phassaṁ ārabbha …pe…
kv10.4:4.9cittaṁ ārabbha …pe…
kv10.4:4.10kāyaṁ ārabbha … saddaṁ ārabbha …pe…
kv10.4:4.11phoṭṭhabbaṁ ārabbha uppajjatīti?
kv10.4:4.12Āmantā.
kv10.4:4.13Cakkhuviññāṇaṁ kusalampi akusalampi, cakkhuviññāṇaṁ phassaṁ ārabbha …pe…
kv10.4:4.14phoṭṭhabbaṁ ārabbha uppajjatīti?
kv10.4:4.15Na hevaṁ vattabbe …pe….
kv10.4:4.16Na vattabbaṁ—
kv10.4:5.1“pañcaviññāṇā kusalāpi akusalāpī”ti?
kv10.4:5.2Āmantā.
kv10.4:5.3Nanu vuttaṁ bhagavatā—
kv10.4:5.4“idha, bhikkhave, bhikkhu cakkhunā rūpaṁ disvā nimittaggāhī hoti …pe…
kv10.4:5.5na nimittaggāhī hoti …pe…
kv10.4:5.6sotena saddaṁ sutvā …pe…
kv10.4:5.7kāyena phoṭṭhabbaṁ phusitvā nimittaggāhī hoti …pe…
kv10.4:5.8na nimittaggāhī hotī”ti.
kv10.4:5.9Attheva suttantoti?
kv10.4:5.10Āmantā.
kv10.4:5.11Tena hi pañcaviññāṇā kusalāpi akusalāpīti.
kv10.4:5.12Pañcaviññāṇā kusalāpi akusalāpītikathā niṭṭhitā.
kv10.4:5.13