完整巴利原文 · 稳定分页 当前仅加载第 174 阅读页；保留 Bilara 原生段落标识，每页最多 120 段。
Kathāvatthu
kv11.5:0.1Mahāpaṇṇāsaka
kv11.5:0.2Ekādasamavagga
kv11.5:0.3Iddhibalakathā
kv11.5:0.4Iddhibalena samannāgato kappaṁ tiṭṭheyyāti?
kv11.5:1.1Āmantā.
kv11.5:1.2Iddhimayiko so āyu, iddhimayikā sā gati, iddhimayiko so attabhāvappaṭilābhoti?
kv11.5:1.3Na hevaṁ vattabbe …pe….
kv11.5:1.4Iddhibalena samannāgato kappaṁ tiṭṭheyyāti?
kv11.5:2.1Āmantā.
kv11.5:2.2Atītaṁ kappaṁ tiṭṭheyya, anāgataṁ kappaṁ tiṭṭheyyāti?
kv11.5:2.3Na hevaṁ vattabbe …pe…
kv11.5:2.4iddhibalena samannāgato kappaṁ tiṭṭheyyāti?
kv11.5:2.5Āmantā.
kv11.5:2.6Dve kappe tiṭṭheyya, tayo kappe tiṭṭheyya, cattāro kappe tiṭṭheyyāti?
kv11.5:2.7Na hevaṁ vattabbe …pe…
kv11.5:2.8iddhibalena samannāgato kappaṁ tiṭṭheyyāti?
kv11.5:2.9Āmantā.
kv11.5:2.10Sati jīvite jīvitāvasese tiṭṭheyya, asati jīvite jīvitāvasese tiṭṭheyyāti?
kv11.5:2.11Sati jīvite jīvitāvasese tiṭṭheyyāti.
kv11.5:2.12Hañci sati jīvite jīvitāvasese tiṭṭheyya, no ca vata re vattabbe—
kv11.5:2.13“iddhibalena samannāgato kappaṁ tiṭṭheyyā”ti.
kv11.5:2.14Asati jīvite jīvitāvasese tiṭṭheyyāti, mato tiṭṭheyya, kālaṅkato tiṭṭheyyāti?
kv11.5:2.15Na hevaṁ vattabbe …pe….
kv11.5:2.16Iddhibalena samannāgato kappaṁ tiṭṭheyyāti?
kv11.5:3.1Āmantā.
kv11.5:3.2Uppanno phasso mā nirujjhīti labbhā iddhiyā paggahetunti?
kv11.5:3.3Na hevaṁ vattabbe …pe…
kv11.5:3.4uppannā vedanā …pe…
kv11.5:3.5uppannā saññā …pe…
kv11.5:3.6uppannā cetanā …pe…
kv11.5:3.7uppannaṁ cittaṁ …
kv11.5:3.8uppannā saddhā …
kv11.5:3.9uppannaṁ vīriyaṁ …
kv11.5:3.10uppannā sati …
kv11.5:3.11uppanno samādhi …pe…
kv11.5:3.12uppannā paññā mā nirujjhīti labbhā iddhiyā paggahetunti?
kv11.5:3.13Na hevaṁ vattabbe …pe….
kv11.5:3.14Iddhibalena samannāgato kappaṁ tiṭṭheyyāti?
kv11.5:4.1Āmantā.
kv11.5:4.2Rūpaṁ niccaṁ hotūti labbhā iddhiyā paggahetunti?
kv11.5:4.3Na hevaṁ vattabbe …pe…
kv11.5:4.4vedanā …pe…
kv11.5:4.5saññā …
kv11.5:4.6saṅkhārā …
kv11.5:4.7viññāṇaṁ niccaṁ hotūti labbhā iddhiyā paggahetunti?
kv11.5:4.8Na hevaṁ vattabbe …pe….
kv11.5:4.9Iddhibalena samannāgato kappaṁ tiṭṭheyyāti?
kv11.5:5.1Āmantā.
kv11.5:5.2Jātidhammā sattā mā jāyiṁsūti labbhā iddhiyā paggahetunti?
kv11.5:5.3Na hevaṁ vattabbe …pe…
kv11.5:5.4jarādhammā sattā mā jīriṁsūti …pe…
kv11.5:5.5byādhidhammā sattā mā byādhiyiṁsūti …pe…
kv11.5:5.6maraṇadhammā sattā mā mīyiṁsūti labbhā iddhiyā paggahetunti?
kv11.5:5.7Na hevaṁ vattabbe …pe….
kv11.5:5.8Na vattabbaṁ—
kv11.5:6.1“iddhibalena samannāgato kappaṁ tiṭṭheyyā”ti?
kv11.5:6.2Āmantā.
kv11.5:6.3Nanu vuttaṁ bhagavatā—
kv11.5:6.4“yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṁ vā tiṭṭheyya kappāvasesaṁ vā”ti.
kv11.5:6.5Attheva suttantoti?
kv11.5:6.6Āmantā.
kv11.5:6.7Tena hi iddhibalena samannāgato kappaṁ tiṭṭheyyāti.
kv11.5:6.8Iddhibalena samannāgato kappaṁ tiṭṭheyyāti?
kv11.5:7.1Āmantā.
kv11.5:7.2Nanu vuttaṁ bhagavatā—
kv11.5:7.3“catunnaṁ, bhikkhave, dhammānaṁ natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṁ.
kv11.5:7.4Katamesaṁ catunnaṁ?
kv11.5:7.5‘Jarādhammo mā jīrī’ti natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṁ.
kv11.5:7.6‘Byādhidhammo mā byādhiyī’ti …pe…
kv11.5:7.7‘maraṇadhammo mā mīyī’ti …pe…
kv11.5:7.8yāni kho pana tāni pubbe katāni pāpakāni kammāni saṅkilesikāni ponobbhavikāni sadarāni dukkhavipākāni āyatiṁ jātijarāmaraṇiyāni, ‘tesaṁ vipāko mā nibbattī’ti natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṁ.
kv11.5:7.9Imesaṁ kho, bhikkhave, catunnaṁ dhammānaṁ natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmin”ti.
kv11.5:7.10Attheva suttantoti?
kv11.5:7.11Āmantā.
kv11.5:7.12Tena hi na vattabbaṁ—
kv11.5:7.13“iddhibalena samannāgato kappaṁ tiṭṭheyyā”ti.
kv11.5:7.14Iddhibalakathā niṭṭhitā.
kv11.5:7.15