完整巴利原文 · 稳定分页 当前仅加载第 175 阅读页；保留 Bilara 原生段落标识，每页最多 120 段。
Kathāvatthu
kv11.6:0.1Mahāpaṇṇāsaka
kv11.6:0.2Ekādasamavagga
kv11.6:0.3Samādhikathā
kv11.6:0.4Cittasantati samādhīti?
kv11.6:1.1Āmantā.
kv11.6:1.2Atītā cittasantati samādhīti?
kv11.6:1.3Na hevaṁ vattabbe …pe…
kv11.6:1.4cittasantati samādhīti?
kv11.6:1.5Āmantā.
kv11.6:1.6Anāgatā cittasantati samādhīti?
kv11.6:1.7Na hevaṁ vattabbe …pe…
kv11.6:1.8cittasantati samādhīti?
kv11.6:1.9Āmantā.
kv11.6:1.10Nanu atītaṁ niruddhaṁ anāgataṁ ajātanti?
kv11.6:1.11Āmantā.
kv11.6:1.12Hañci atītaṁ niruddhaṁ anāgataṁ ajātaṁ, no ca vata re vattabbe—
kv11.6:1.13“cittasantati samādhī”ti.
kv11.6:1.14Ekacittakkhaṇiko samādhīti?
kv11.6:2.1Āmantā.
kv11.6:2.2Cakkhuviññāṇasamaṅgī samāpannoti?
kv11.6:2.3Na hevaṁ vattabbe …pe…
kv11.6:2.4sotaviññāṇasamaṅgī …pe…
kv11.6:2.5ghānaviññāṇasamaṅgī …
kv11.6:2.6jivhāviññāṇasamaṅgī …
kv11.6:2.7kāyaviññāṇasamaṅgī …pe…
kv11.6:2.8akusalacittasamaṅgī …pe…
kv11.6:2.9rāgasahagatacittasamaṅgī …pe…
kv11.6:2.10dosasahagatacittasamaṅgī …pe…
kv11.6:2.11mohasahagatacittasamaṅgī …pe…
kv11.6:2.12anottappasahagatacittasamaṅgī samāpannoti?
kv11.6:2.13Na hevaṁ vattabbe …pe….
kv11.6:2.14Cittasantati samādhīti?
kv11.6:3.1Āmantā.
kv11.6:3.2Akusalacittasantati samādhīti?
kv11.6:3.3Na hevaṁ vattabbe …pe…
kv11.6:3.4rāgasahagatā …pe…
kv11.6:3.5dosasahagatā …pe…
kv11.6:3.6mohasahagatā …pe…
kv11.6:3.7anottappasahagatā cittasantati samādhīti?
kv11.6:3.8Na hevaṁ vattabbe …pe….
kv11.6:3.9Na vattabbaṁ—
kv11.6:4.1“cittasantati samādhī”ti?
kv11.6:4.2Āmantā.
kv11.6:4.3Nanu vuttaṁ bhagavatā—
kv11.6:4.4“ahaṁ kho, āvuso nigaṇṭhā, pahomi aniñjamāno kāyena, abhāsamāno vācaṁ, satta rattindivāni ekantasukhaṁ paṭisaṁvedī viharitun”ti.
kv11.6:4.5Attheva suttantoti?
kv11.6:4.6Āmantā.
kv11.6:4.7Tena hi cittasantati samādhīti.
kv11.6:4.8Samādhikathā niṭṭhitā.
kv11.6:4.9