完整巴利原文 · 稳定分页 当前仅加载第 254 阅读页；保留 Bilara 原生段落标识，每页最多 120 段。
Kathāvatthu
kv19.7:0.1Mahāpaṇṇāsaka
kv19.7:0.2Ekūnavīsatimavagga
kv19.7:0.3Accantaniyāmakathā
kv19.7:0.4Atthi puthujjanassa accantaniyāmatāti?
kv19.7:1.1Āmantā.
kv19.7:1.2Mātughātako accantaniyato, pitughātako …pe…
kv19.7:1.3arahantaghātako …pe…
kv19.7:1.4ruhiruppādako …pe…
kv19.7:1.5saṅghabhedako accantaniyatoti?
kv19.7:1.6Na hevaṁ vattabbe …pe….
kv19.7:1.7Atthi puthujjanassa accantaniyāmatāti?
kv19.7:2.1Āmantā.
kv19.7:2.2Accantaniyatassa puggalassa vicikicchā uppajjeyyāti?
kv19.7:2.3Āmantā.
kv19.7:2.4Hañci accantaniyatassa puggalassa vicikicchā uppajjeyya, no ca vata re vattabbe—
kv19.7:2.5“atthi puthujjanassa accantaniyāmatā”ti.
kv19.7:2.6Accantaniyatassa puggalassa vicikicchā nuppajjeyyāti?
kv19.7:3.1Āmantā.
kv19.7:3.2Pahīnāti?
kv19.7:3.3Na hevaṁ vattabbe …pe…
kv19.7:3.4pahīnāti?
kv19.7:3.5Āmantā.
kv19.7:3.6Sotāpattimaggenāti?
kv19.7:3.7Na hevaṁ vattabbe …pe…
kv19.7:3.8sakadāgāmimaggena …pe…
kv19.7:3.9anāgāmimaggena …pe…
kv19.7:3.10arahattamaggenāti?
kv19.7:3.11Na hevaṁ vattabbe …pe….
kv19.7:3.12Katamena maggenāti?
kv19.7:4.1Akusalena maggenāti.
kv19.7:4.2Akusalo maggo niyyāniko khayagāmī bodhagāmī anāsavo …pe… asaṅkilesikoti?
kv19.7:4.3Na hevaṁ vattabbe …pe…
kv19.7:4.4nanu akusalo maggo aniyyāniko …pe…
kv19.7:4.5saṅkilesikoti?
kv19.7:4.6Āmantā.
kv19.7:4.7Hañci akusalo maggo aniyyāniko …pe…
kv19.7:4.8saṅkilesiko, no ca vata re vattabbe—
kv19.7:4.9“accantaniyatassa puggalassa vicikicchā akusalena maggena pahīnā”ti.
kv19.7:4.10Sassatadiṭṭhiyā niyatassa puggalassa ucchedadiṭṭhi uppajjeyyāti?
kv19.7:5.1Āmantā.
kv19.7:5.2Hañci sassatadiṭṭhiyā niyatassa puggalassa ucchedadiṭṭhi uppajjeyya, no ca vata re vattabbe—
kv19.7:5.3“atthi puthujjanassa accantaniyāmatā”ti.
kv19.7:5.4Sassatadiṭṭhiyā niyatassa puggalassa ucchedadiṭṭhi nuppajjeyyāti?
kv19.7:6.1Āmantā.
kv19.7:6.2Pahīnāti?
kv19.7:6.3Na hevaṁ vattabbe …pe…
kv19.7:6.4pahīnāti?
kv19.7:6.5Āmantā.
kv19.7:6.6Sotāpattimaggenāti?
kv19.7:6.7Na hevaṁ vattabbe …pe…
kv19.7:6.8sakadāgāmimaggena …pe…
kv19.7:6.9anāgāmimaggena …pe…
kv19.7:6.10arahattamaggenāti?
kv19.7:6.11Na hevaṁ vattabbe …pe….
kv19.7:6.12Katamena maggenāti?
kv19.7:7.1Akusalena maggena.
kv19.7:7.2Akusalo maggo …pe… no ca vata re vattabbe—
kv19.7:7.3“sassatadiṭṭhiyā niyatassa puggalassa ucchedadiṭṭhi akusalena maggena pahīnā”ti.
kv19.7:7.4Ucchedadiṭṭhiyā niyatassa puggalassa sassatadiṭṭhi uppajjeyyāti?
kv19.7:8.1Āmantā.
kv19.7:8.2Hañci ucchedadiṭṭhiyā niyatassa puggalassa sassatadiṭṭhi uppajjeyya, no ca vata re vattabbe—
kv19.7:8.3“atthi puthujjanassa accantaniyāmatā”ti.
kv19.7:8.4Ucchedadiṭṭhiyā niyatassa puggalassa sassatadiṭṭhi nuppajjeyyāti?
kv19.7:9.1Āmantā.
kv19.7:9.2Pahīnāti?
kv19.7:9.3Na hevaṁ vattabbe …pe…
kv19.7:9.4pahīnāti?
kv19.7:9.5Āmantā.
kv19.7:9.6Sotāpattimaggenāti?
kv19.7:9.7Na hevaṁ vattabbe …pe…
kv19.7:9.8sakadāgāmimaggena …pe…
kv19.7:9.9anāgāmimaggena …pe…
kv19.7:9.10arahattamaggenāti?
kv19.7:9.11Na hevaṁ vattabbe …pe….
kv19.7:9.12Katamena maggenāti?
kv19.7:10.1Akusalena maggenāti.
kv19.7:10.2Akusalo maggo …pe… no ca vata re vattabbe—
kv19.7:10.3“ucchedadiṭṭhiyā niyatassa puggalassa sassatadiṭṭhi akusalena maggena pahīnā”ti.
kv19.7:10.4Na vattabbaṁ—
kv19.7:11.1“atthi puthujjanassa accantaniyāmatā”ti?
kv19.7:11.2Āmantā.
kv19.7:11.3Nanu vuttaṁ bhagavatā—
kv19.7:11.4“idha, bhikkhave, ekacco puggalo samannāgato hoti ekantakāḷakehi akusalehi dhammehi, so sakiṁ nimuggo nimuggova hotī”ti.
kv19.7:11.5Attheva suttantoti?
kv19.7:11.6Āmantā.
kv19.7:11.7Tena hi atthi puthujjanassa accantaniyāmatāti.
kv19.7:11.8Vuttaṁ bhagavatā—
kv19.7:12.1“idha, bhikkhave, ekacco puggalo samannāgato hoti ekantakāḷakehi akusalehi dhammehi, so sakiṁ nimuggo nimuggova hotī”ti katvā tena ca kāraṇena atthi puthujjanassa accantaniyāmatāti?
kv19.7:12.2Āmantā.
kv19.7:12.3Vuttaṁ bhagavatā—
kv19.7:12.4“idha, bhikkhave, ekacco puggalo ummujjitvā nimujjatī”ti.
kv19.7:12.5Attheva suttantoti?
kv19.7:12.6Āmantā.
kv19.7:12.7Sabbakālaṁ ummujjitvā nimujjatīti?
kv19.7:12.8Na hevaṁ vattabbe …pe….
kv19.7:12.9Vuttaṁ bhagavatā—
kv19.7:13.1“idha, bhikkhave, ekacco puggalo samannāgato hoti ekantakāḷakehi akusalehi dhammehi, so sakiṁ nimuggo nimuggova hotī”ti—
kv19.7:13.2katvā tena ca kāraṇena atthi puthujjanassa accantaniyāmatāti?
kv19.7:13.3Āmantā.
kv19.7:13.4Vuttaṁ bhagavatā—
kv19.7:13.5“idha, bhikkhave, ekacco puggalo ummujjitvā ṭhito hoti, ummujjitvā vipassati viloketi, ummujjitvā patarati, ummujjitvā patigādhappatto hotī”ti.
kv19.7:13.6Attheva suttantoti?
kv19.7:13.7Āmantā.
kv19.7:13.8Sabbakālaṁ ummujjitvā patigādhappatto hotīti?
kv19.7:13.9Na hevaṁ vattabbe …pe….
kv19.7:13.10Accantaniyāmakathā niṭṭhitā.
kv19.7:13.11