完整巴利原文 · 稳定分页 当前仅加载第 255 阅读页；保留 Bilara 原生段落标识，每页最多 120 段。
Kathāvatthu
kv19.8:0.1Mahāpaṇṇāsaka
kv19.8:0.2Ekūnavīsatimavagga
kv19.8:0.3Indriyakathā
kv19.8:0.4Natthi lokiyaṁ saddhindriyanti?
kv19.8:1.1Āmantā.
kv19.8:1.2Natthi lokiyā saddhāti?
kv19.8:1.3Na hevaṁ vattabbe …pe…
kv19.8:1.4natthi lokiyaṁ vīriyindriyaṁ …pe…
kv19.8:1.5satindriyaṁ …pe…
kv19.8:1.6samādhindriyaṁ …pe…
kv19.8:1.7paññindriyanti?
kv19.8:1.8Āmantā.
kv19.8:1.9Natthi lokiyā paññāti?
kv19.8:1.10Na hevaṁ vattabbe …pe….
kv19.8:1.11Atthi lokiyā saddhāti?
kv19.8:2.1Āmantā.
kv19.8:2.2Atthi lokiyaṁ saddhindriyanti?
kv19.8:2.3Na hevaṁ vattabbe …pe…
kv19.8:2.4atthi lokiyaṁ vīriyaṁ …pe…
kv19.8:2.5sati …pe…
kv19.8:2.6samādhi …pe…
kv19.8:2.7paññāti?
kv19.8:2.8Āmantā.
kv19.8:2.9Atthi lokiyaṁ paññindriyanti?
kv19.8:2.10Na hevaṁ vattabbe …pe….
kv19.8:2.11Atthi lokiyo mano, atthi lokiyaṁ manindriyanti?
kv19.8:3.1Āmantā.
kv19.8:3.2Atthi lokiyā saddhā, atthi lokiyaṁ saddhindriyanti?
kv19.8:3.3Na hevaṁ vattabbe …pe…
kv19.8:3.4atthi lokiyo mano, atthi lokiyaṁ manindriyanti?
kv19.8:3.5Āmantā.
kv19.8:3.6Atthi lokiyā paññā, atthi lokiyaṁ paññindriyanti?
kv19.8:3.7Na hevaṁ vattabbe …pe….
kv19.8:3.8Atthi lokiyaṁ somanassaṁ, atthi lokiyaṁ somanassindriyaṁ …pe…
kv19.8:4.1atthi lokiyaṁ jīvitaṁ, atthi lokiyaṁ jīvitindriyanti?
kv19.8:4.2Āmantā.
kv19.8:4.3Atthi lokiyā saddhā, atthi lokiyaṁ saddhindriyanti?
kv19.8:4.4Na hevaṁ vattabbe …pe…
kv19.8:4.5atthi lokiyaṁ jīvitaṁ, atthi lokiyaṁ jīvitindriyanti?
kv19.8:4.6Āmantā.
kv19.8:4.7Atthi lokiyā paññā, atthi lokiyaṁ paññindriyanti?
kv19.8:4.8Na hevaṁ vattabbe …pe….
kv19.8:4.9Atthi lokiyā saddhā, natthi lokiyaṁ saddhindriyanti?
kv19.8:5.1Āmantā.
kv19.8:5.2Atthi lokiyo mano, natthi lokiyaṁ manindriyanti?
kv19.8:5.3Na hevaṁ vattabbe …pe…
kv19.8:5.4atthi lokiyā paññā, natthi lokiyaṁ paññindriyanti?
kv19.8:5.5Āmantā.
kv19.8:5.6Atthi lokiyo mano, natthi lokiyaṁ manindriyanti?
kv19.8:5.7Na hevaṁ vattabbe …pe….
kv19.8:5.8Atthi lokiyā saddhā, natthi lokiyaṁ saddhindriyanti?
kv19.8:6.1Āmantā.
kv19.8:6.2Atthi lokiyaṁ somanassaṁ, natthi lokiyaṁ somanassindriyanti …
kv19.8:6.3atthi lokiyaṁ jīvitaṁ, natthi lokiyaṁ jīvitindriyanti?
kv19.8:6.4Na hevaṁ vattabbe …pe…
kv19.8:6.5atthi lokiyā paññā, natthi lokiyaṁ paññindriyanti?
kv19.8:6.6Āmantā.
kv19.8:6.7Atthi lokiyo mano, natthi lokiyaṁ manindriyanti …pe…
kv19.8:6.8atthi lokiyaṁ jīvitaṁ, natthi lokiyaṁ jīvitindriyanti?
kv19.8:6.9Na hevaṁ vattabbe …pe….
kv19.8:6.10Atthi lokuttarā saddhā, atthi lokuttaraṁ saddhindriyanti?
kv19.8:7.1Āmantā.
kv19.8:7.2Atthi lokiyā saddhā, atthi lokiyaṁ saddhindriyanti?
kv19.8:7.3Na hevaṁ vattabbe …pe…
kv19.8:7.4atthi lokuttaraṁ vīriyaṁ …pe…
kv19.8:7.5atthi lokuttarā paññā, atthi lokuttaraṁ paññindriyanti?
kv19.8:7.6Āmantā.
kv19.8:7.7Atthi lokiyā paññā, atthi lokiyaṁ paññindriyanti?
kv19.8:7.8Na hevaṁ vattabbe …pe….
kv19.8:7.9Atthi lokiyā saddhā, natthi lokiyaṁ saddhindriyanti?
kv19.8:8.1Āmantā.
kv19.8:8.2Atthi lokuttarā saddhā, natthi lokuttaraṁ saddhindriyanti?
kv19.8:8.3Na hevaṁ vattabbe …pe…
kv19.8:8.4atthi lokiyaṁ vīriyaṁ …pe…
kv19.8:8.5atthi lokiyā paññā, natthi lokiyaṁ paññindriyanti?
kv19.8:8.6Āmantā.
kv19.8:8.7Atthi lokuttarā paññā, natthi lokuttaraṁ paññindriyanti?
kv19.8:8.8Na hevaṁ vattabbe …pe….
kv19.8:8.9Natthi lokiyāni pañcindriyānīti?
kv19.8:9.1Āmantā.
kv19.8:9.2Nanu vuttaṁ bhagavatā—
kv19.8:9.3“addasaṁ kho ahaṁ, bhikkhave, buddhacakkhunā lokaṁ volokento satte apparajakkhe mahārajakkhe, tikkhindriye mudindriye, svākāre, suviññāpaye, appekacce paralokavajjabhayadassāvino viharante”ti.
kv19.8:9.4Attheva suttantoti?
kv19.8:9.5Āmantā.
kv19.8:9.6Tena hi atthi lokiyāni pañcindriyānīti.
kv19.8:9.7Indriyakathā niṭṭhitā.
kv19.8:9.8Ekūnavīsatimo vaggo.
kv19.8:9.9Tassuddānaṁ
kv19.8:9.10Atīte kilese jahati anāgate kilese jahati paccuppanne kilese jahati,
kv19.8:10.1suññatā saṅkhārakkhandhapariyāpannā,
kv19.8:10.2sāmaññaphalaṁ asaṅkhataṁ,
kv19.8:10.3patti asaṅkhatā,
kv19.8:10.4sabbadhammānaṁ tathatā asaṅkhatā,
kv19.8:10.5nibbānadhātu kusalā,
kv19.8:10.6atthi puthujjanassa accantaniyāmatā,
kv19.8:10.7natthi lokiyāni pañcindriyānīti.
kv19.8:10.8