完整巴利原文 · 稳定分页 当前仅加载第 256 阅读页；保留 Bilara 原生段落标识，每页最多 120 段。
Kathāvatthu
kv20.1:0.1Niggahapaṇṇāsaka
kv20.1:0.2Vīsatimavagga
kv20.1:0.3Asañciccakathā
kv20.1:0.4Asañcicca mātaraṁ jīvitā voropetvā ānantariko hotīti?
kv20.1:1.1Āmantā.
kv20.1:1.2Asañcicca pāṇaṁ hantvā pāṇātipātī hotīti?
kv20.1:1.3Na hevaṁ vattabbe …pe…
kv20.1:1.4asañcicca mātaraṁ jīvitā voropetvā ānantariko hotīti?
kv20.1:1.5Āmantā.
kv20.1:1.6Asañcicca adinnaṁ ādiyitvā …pe…
kv20.1:1.7musā bhaṇitvā musāvādī hotīti?
kv20.1:1.8Na hevaṁ vattabbe …pe….
kv20.1:1.9Asañcicca pāṇaṁ hantvā pāṇātipātī na hotīti?
kv20.1:2.1Āmantā.
kv20.1:2.2Asañcicca mātaraṁ jīvitā voropetvā ānantariko na hotīti?
kv20.1:2.3Na hevaṁ vattabbe …pe…
kv20.1:2.4asañcicca adinnaṁ ādiyitvā …pe…
kv20.1:2.5musā bhaṇitvā musāvādī na hotīti?
kv20.1:2.6Āmantā.
kv20.1:2.7Asañcicca mātaraṁ jīvitā voropetvā ānantariko na hotīti?
kv20.1:2.8Na hevaṁ vattabbe …pe….
kv20.1:2.9Asañcicca mātaraṁ jīvitā voropetvā ānantariko hotīti?
kv20.1:3.1Āmantā.
kv20.1:3.2“Asañcicca mātaraṁ jīvitā voropetvā ānantariko hotī”ti—
kv20.1:3.3attheva suttantoti?
kv20.1:3.4Natthi.
kv20.1:3.5“Sañcicca mātaraṁ jīvitā voropetvā ānantariko hotī”ti—
kv20.1:3.6attheva suttantoti?
kv20.1:3.7Āmantā.
kv20.1:3.8Hañci “sañcicca mātaraṁ jīvitā voropetvā ānantariko hotī”ti—
kv20.1:3.9attheva suttanto, no ca vata re vattabbe—
kv20.1:3.10“asañcicca mātaraṁ jīvitā voropetvā ānantariko hotī”ti.
kv20.1:3.11Na vattabbaṁ—
kv20.1:4.1“mātughātako ānantariko”ti?
kv20.1:4.2Āmantā.
kv20.1:4.3Nanu mātā jīvitā voropitāti?
kv20.1:4.4Āmantā.
kv20.1:4.5Hañci mātā jīvitā voropitā, tena vata re vattabbe—
kv20.1:4.6“mātughātako ānantariko”ti.
kv20.1:4.7Na vattabbaṁ—
kv20.1:5.1“pitughātako ānantariko”ti?
kv20.1:5.2Āmantā.
kv20.1:5.3Nanu pitā jīvitā voropitoti?
kv20.1:5.4Āmantā.
kv20.1:5.5Hañci pitā jīvitā voropito, tena vata re vattabbe—
kv20.1:5.6“pitughātako ānantariko”ti.
kv20.1:5.7Na vattabbaṁ—
kv20.1:6.1“arahantaghātako ānantariko”ti?
kv20.1:6.2Āmantā.
kv20.1:6.3Nanu arahā jīvitā voropitoti?
kv20.1:6.4Āmantā.
kv20.1:6.5Hañci arahā jīvitā voropito, tena vata re vattabbe—
kv20.1:6.6“arahantaghātako ānantariko”ti.
kv20.1:6.7Na vattabbaṁ—
kv20.1:7.1“ruhiruppādako ānantariko”ti?
kv20.1:7.2Āmantā.
kv20.1:7.3Nanu tathāgatassa lohitaṁ uppāditanti?
kv20.1:7.4Āmantā.
kv20.1:7.5Hañci tathāgatassa lohitaṁ uppāditaṁ, tena vata re vattabbe—
kv20.1:7.6“ruhiruppādako ānantariko”ti.
kv20.1:7.7Saṅghabhedako ānantarikoti?
kv20.1:8.1Āmantā.
kv20.1:8.2Sabbe saṅghabhedakā ānantarikāti?
kv20.1:8.3Na hevaṁ vattabbe …pe…
kv20.1:8.4sabbe saṅghabhedakā ānantarikāti?
kv20.1:8.5Āmantā.
kv20.1:8.6Dhammasaññī saṅghabhedako ānantarikoti?
kv20.1:8.7Na hevaṁ vattabbe …pe….
kv20.1:8.8Dhammasaññī saṅghabhedako ānantarikoti?
kv20.1:9.1Āmantā.
kv20.1:9.2Nanu vuttaṁ bhagavatā—
kv20.1:9.3“atthupāli, saṅghabhedako āpāyiko nerayiko kappaṭṭho atekiccho;
kv20.1:9.4atthupāli, saṅghabhedako na āpāyiko na nerayiko na kappaṭṭho na atekiccho”ti.
kv20.1:9.5Attheva suttantoti?
kv20.1:9.6Āmantā.
kv20.1:9.7Tena hi na vattabbaṁ—
kv20.1:9.8“dhammasaññī saṅghabhedako ānantariko”ti.
kv20.1:9.9Na vattabbaṁ—
kv20.1:10.1“dhammasaññī saṅghabhedako ānantariko”ti?
kv20.1:10.2Āmantā.
kv20.1:10.3Nanu vuttaṁ bhagavatā—
kv20.1:10.4“Āpāyiko nerayiko,
kv20.1:11.1Kappaṭṭho saṅghabhedako;
kv20.1:11.2Vaggarato adhammaṭṭho,
kv20.1:11.3Yogakkhemā padhaṁsati;
kv20.1:11.4Saṅghaṁ samaggaṁ bhetvāna,
kv20.1:11.5Kappaṁ nirayamhi paccatī”ti.
kv20.1:11.6Attheva suttantoti?
kv20.1:12.1Āmantā.
kv20.1:12.2Tena hi saṅghabhedako ānantarikoti.
kv20.1:12.3Asañciccakathā niṭṭhitā.
kv20.1:12.4