完整巴利原文 · 稳定分页 当前仅加载第 276 阅读页；保留 Bilara 原生段落标识，每页最多 120 段。
Kathāvatthu
kv22.7:0.1Mahāpaṇṇāsaka
kv22.7:0.2Bāvīsatimavagga
kv22.7:0.3Āsevanapaccayakathā
kv22.7:0.4Natthi kāci āsevanapaccayatāti?
kv22.7:1.1Āmantā.
kv22.7:1.2Nanu vuttaṁ bhagavatā—
kv22.7:1.3“pāṇātipāto, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko, yo sabbalahuso pāṇātipātassa vipāko manussabhūtassa appāyukasaṁvattaniko hotī”ti.
kv22.7:1.4Attheva suttantoti?
kv22.7:1.5Āmantā.
kv22.7:1.6Tena hi atthi kāci āsevanapaccayatāti.
kv22.7:1.7Natthi kāci āsevanapaccayatāti?
kv22.7:2.1Āmantā.
kv22.7:2.2Nanu vuttaṁ bhagavatā—
kv22.7:2.3“adinnādānaṁ, bhikkhave, āsevitaṁ bhāvitaṁ bahulīkataṁ nirayasaṁvattanikaṁ tiracchānayonisaṁvattanikaṁ pettivisayasaṁvattanikaṁ, yo sabbalahuso adinnādānassa vipāko manussabhūtassa bhogabyasanasaṁvattaniko hoti …pe…
kv22.7:2.4yo sabbalahuso kāmesumicchācārassa vipāko manussabhūtassa sapattaverasaṁvattaniko hoti …pe…
kv22.7:2.5yo sabbalahuso musāvādassa vipāko manussabhūtassa abbhūtabbhakkhānasaṁvattaniko hoti …pe…
kv22.7:2.6yo sabbalahuso pisuṇāya vācāya vipāko manussabhūtassa mittehi bhedanasaṁvattaniko hoti …pe…
kv22.7:2.7yo sabbalahuso pharusāya vācāya vipāko manussabhūtassa amanāpasaddasaṁvattaniko hoti …pe…
kv22.7:2.8yo sabbalahuso samphappalāpassa vipāko manussabhūtassa anādeyyavācāsaṁvattaniko hoti, surāmerayapānaṁ, bhikkhave, āsevitaṁ …pe…
kv22.7:2.9yo sabbalahuso surāmerayapānassa vipāko manussabhūtassa ummattakasaṁvattaniko hotī”ti.
kv22.7:2.10Attheva suttantoti?
kv22.7:2.11Āmantā.
kv22.7:2.12Tena hi atthi kāci āsevanapaccayatāti.
kv22.7:2.13Natthi kāci āsevanapaccayatāti?
kv22.7:3.1Āmantā.
kv22.7:3.2Nanu vuttaṁ bhagavatā—
kv22.7:3.3“micchādiṭṭhi, bhikkhave, āsevitā bhāvitā bahulīkatā nirayasaṁvattanikā tiracchānayonisaṁvattanikā pettivisayasaṁvattanikā”ti.
kv22.7:3.4Attheva suttantoti?
kv22.7:3.5Āmantā.
kv22.7:3.6Tena hi atthi kāci āsevanapaccayatāti.
kv22.7:3.7Natthi kāci āsevanapaccayatāti?
kv22.7:4.1Āmantā.
kv22.7:4.2Nanu vuttaṁ bhagavatā—
kv22.7:4.3“micchāsaṅkappo …pe…
kv22.7:4.4micchāsamādhi, bhikkhave, āsevito bhāvito …pe… pettivisayasaṁvattaniko”ti.
kv22.7:4.5Attheva suttantoti?
kv22.7:4.6Āmantā.
kv22.7:4.7Tena hi atthi kāci āsevanapaccayatāti.
kv22.7:4.8Natthi kāci āsevanapaccayatāti?
kv22.7:5.1Āmantā.
kv22.7:5.2Nanu vuttaṁ bhagavatā—
kv22.7:5.3“sammādiṭṭhi, bhikkhave, āsevitā bhāvitā bahulīkatā amatogadhā hoti amataparāyanā amatapariyosānā”ti.
kv22.7:5.4Attheva suttantoti?
kv22.7:5.5Āmantā.
kv22.7:5.6Tena hi atthi kāci āsevanapaccayatāti.
kv22.7:5.7Natthi kāci āsevanapaccayatāti?
kv22.7:6.1Āmantā.
kv22.7:6.2Nanu vuttaṁ bhagavatā—
kv22.7:6.3“sammāsaṅkappo, bhikkhave, āsevito bhāvito bahulīkato …pe…
kv22.7:6.4sammāsamādhi, bhikkhave, āsevito bhāvito bahulīkato amatogadho hoti amataparāyano amatapariyosāno”ti.
kv22.7:6.5Attheva suttantoti?
kv22.7:6.6Āmantā.
kv22.7:6.7Tena hi atthi kāci āsevanapaccayatāti.
kv22.7:6.8Āsevanapaccayakathā niṭṭhitā.
kv22.7:6.9