完整巴利原文 · 稳定分页 当前仅加载第 277 阅读页；保留 Bilara 原生段落标识，每页最多 120 段。
Kathāvatthu
kv22.8:0.1Mahāpaṇṇāsaka
kv22.8:0.2Bāvīsatimavagga
kv22.8:0.3Khaṇikakathā
kv22.8:0.4Ekacittakkhaṇikā sabbe dhammāti?
kv22.8:1.1Āmantā.
kv22.8:1.2Citte mahāpathavī saṇṭhāti, mahāsamuddo saṇṭhāti, sinerupabbatarājā saṇṭhāti, āpo saṇṭhāti, tejo saṇṭhāti, vāyo saṇṭhāti, tiṇakaṭṭhavanappatayo saṇṭhahantīti?
kv22.8:1.3Na hevaṁ vattabbe …pe….
kv22.8:1.4Ekacittakkhaṇikā sabbe dhammāti?
kv22.8:2.1Āmantā.
kv22.8:2.2Cakkhāyatanaṁ cakkhuviññāṇena sahajātanti?
kv22.8:2.3Na hevaṁ vattabbe …pe…
kv22.8:2.4cakkhāyatanaṁ cakkhuviññāṇena sahajātanti?
kv22.8:2.5Āmantā.
kv22.8:2.6Nanu āyasmā sāriputto etadavoca—
kv22.8:2.7“ajjhattikañceva, āvuso, cakkhuṁ aparibhinnaṁ hoti, bāhirā ca rūpā na āpāthaṁ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti.
kv22.8:2.8Ajjhattikañceva, āvuso, cakkhuṁ aparibhinnaṁ hoti, bāhirā ca rūpā āpāthaṁ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti.
kv22.8:2.9Yato ca kho, āvuso, ajjhattikañceva cakkhuṁ aparibhinnaṁ hoti, bāhirā ca rūpā āpāthaṁ āgacchanti, tajjo ca samannāhāro hoti, evaṁ tajjassa viññāṇabhāgassa pātubhāvo hotī”ti.
kv22.8:2.10Attheva suttantoti?
kv22.8:2.11Āmantā.
kv22.8:2.12Tena hi na vattabbaṁ—
kv22.8:2.13“cakkhāyatanaṁ cakkhuviññāṇena sahajātan”ti.
kv22.8:2.14(…)
kv22.8:2.15Sotāyatanaṁ …pe…
kv22.8:3.1ghānāyatanaṁ …pe…
kv22.8:3.2jivhāyatanaṁ …pe…
kv22.8:3.3kāyāyatanaṁ kāyaviññāṇena sahajātanti?
kv22.8:3.4Na hevaṁ vattabbe …pe…
kv22.8:3.5kāyāyatanaṁ kāyaviññāṇena sahajātanti?
kv22.8:3.6Āmantā.
kv22.8:3.7Nanu āyasmā sāriputto etadavoca—
kv22.8:3.8“ajjhattiko ceva, āvuso, kāyo aparibhinno hoti, bāhirā ca phoṭṭhabbā na āpāthaṁ āgacchanti, no ca …pe…
kv22.8:3.9ajjhattiko ceva, āvuso, kāyo aparibhinno hoti, bāhirā ca phoṭṭhabbā āpāthaṁ āgacchanti, no ca …pe…
kv22.8:3.10yato ca kho, āvuso, ajjhattiko ceva kāyo aparibhinno hoti, bāhirā ca phoṭṭhabbā āpāthaṁ āgacchanti, tajjo ca samannāhāro hoti, evaṁ tajjassa viññāṇabhāgassa pātubhāvo hotī”ti.
kv22.8:3.11Attheva suttantoti?
kv22.8:3.12Āmantā.
kv22.8:3.13Tena hi na vattabbaṁ—
kv22.8:3.14“kāyāyatanaṁ kāyaviññāṇena sahajātan”ti.
kv22.8:3.15Na vattabbaṁ—
kv22.8:4.1“ekacittakkhaṇikā sabbe dhammā”ti?
kv22.8:4.2Āmantā.
kv22.8:4.3Sabbe dhammā niccā dhuvā sassatā avipariṇāmadhammāti?
kv22.8:4.4Na hevaṁ vattabbe.
kv22.8:4.5Tena hi ekacittakkhaṇikā sabbe dhammāti.
kv22.8:4.6Khaṇikakathā niṭṭhitā.
kv22.8:4.7Bāvīsatimo vaggo.
kv22.8:4.8Tassuddānaṁ
kv22.8:4.9Atthi kiñci saṁyojanaṁ appahāya parinibbānaṁ,
kv22.8:5.1arahā kusalacitto parinibbāyati,
kv22.8:5.2arahā āneñje ṭhito parinibbāyati,
kv22.8:5.3atthi gabbhaseyyāya dhammābhisamayo,
kv22.8:5.4atthi gabbhaseyyāya arahattappatti,
kv22.8:5.5atthi supinagatassa dhammābhisamayo,
kv22.8:5.6atthi supinagatassa arahattappatti,
kv22.8:5.7sabbaṁ supinagatassa cittaṁ abyākataṁ,
kv22.8:5.8natthi kāci āsevanapaccayatā,
kv22.8:5.9ekacittakkhaṇikā sabbe dhammāti.
kv22.8:5.10