完整藏文原文 · 德格版页 当前仅加载第 39 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྟེང་དང་། ཕྱོགས་མཚམས་ཀྱི་ཕྱོགས་རེ་རེར་ཡང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་གི་བྱེ་མ་སྙེད་དག་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེའི་འོད་ཀྱིས་རྟག་ཏུ་ཁྱབ་སྟེ། སངས་རྒྱས་བཅོམ་ལྡན་འདས་རྣམས་ཀྱི་སྔོན་གྱི་སྨོན་ལམ་གྱིས་
D49.039.0251a01.01བྱིན་གྱི་རླབས་ཀྱིས་འོད་འདོམ་གང་བ་དང་། འདོམ་དོ་པ་དང་། གསུམ་པ་དང་། བཞི་པ་དང་། ལྔ་པ་དང་། བཅུ་པ་དང་། ཉི་ཤུ་པ་དང་། སུམ་ཅུ་པ་དང་། བཞི་བཅུ་པ་དང་། ལྔ་བཅུ་པ་དང་། འོད་དཔག་ཚད་བཅུ་པ་དང་། འོད་དཔག་ཚད་བརྒྱ་པ་དང་། འོད་དཔག་ཚད་སྟོང་པ་དང་། འོད་དཔག་ཚད་བརྒྱ་སྟོང་པ་ནས་
D49.039.0251a02.01འོད་དཔག་ཚད་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མའི་འོད་ཀྱིས་འཇིག་རྟེན་གྱི་ཁམས་ཀྱི་བར་དུ་ཁྱབ་པར་གྱུར་ཏེ་གནས་པ་ནི་མ་གཏོགས་སོ། །ཀུན་དགའ་བོ་དཔེ་གང་གིས་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེའི་འོད་ཀྱི་ཚད་གཟུང་བའི་དཔེ་གཞག་པ་མེད་དེ། ཀུན་དགའ་བོ་རྣམ་གྲངས་དེས་
D49.039.0251a03.01ན་དེ་བཞིན་གཤེགས་པ་དེ་འོད་དཔག་མེད་ཅེས་བྱ་སྟེ། འོད་དཔག་ཏུ་མེད་པ་དང་། སྣང་བ་དཔག་ཏུ་མེད་པ་དང་། འོད་ཐུག་པ་མེད་པ་དང་། འོད་ཆགས་པ་མེད་པ་དང་། འོད་ཐོགས་པ་མེད་པ་དང་། འོད་རྟག་ཏུ་གཏོང་བ་དང་། ལྷའི་ནོར་བུའི་འོད་དང་། ཐོགས་པ་མེད་པའི་འོད་ཟེར་གྱི་རྒྱལ་པོའི་འོད་དང་།
D49.039.0251a04.01ཆགས་པར་འགྱུར་བའི་འོད་དང་། དགའ་བར་འགྱུར་བའི་འོད་དང་། མཆོག་ཏུ་དགའ་བར་འགྱུར་བའི་འོད་དང་། ཚིམ་པར་འགྱུར་བའི་འོད་དང་། ལྟ་བར་འགྱུར་བའི་འོད་དང་། འབྲེལ་བར་འགྱུར་བའི་འོད་དང་། བསམ་གྱིས་མི་ཁྱབ་པའི་འོད་དང་། མཚུངས་པ་
D49.039.0251a05.01མེད་པའི་འོད་དང་། མིའི་དབང་པོ་དང་ལྷའི་དབང་པོ་ཟིལ་གྱིས་གནོན་པའི་འོད་དང་། ཉི་མ་དང་ཟླ་བ་ཟིལ་གྱིས་གནོན་ཅིང་མོག་མོག་པོར་བྱེད་པའི་འོད་དང་། འཇིག་རྟེན་སྐྱོང་བ་དང་། བརྒྱ་བྱིན་དང་། ཚངས་པ་དང་། གནས་གཙང་མ་པ་དང་། དབང་ཕྱུག་ཆེན་པོ་དང་། ལྷ་ཐམས་ཅད་ཟིལ་གྱིས་
D49.039.0251a06.01གནོན་ཅིང་མོག་མོག་པོར་བྱེད་པའི་འོད་དང་། མདོར་བསྡུ་ན་འོད་ཐམས་ཅད་ཀྱི་ཕ་རོལ་ཏུ་ཕྱིན་པ་ཞེས་བྱའོ། །དེའི་འོད་ནི་དེ་ནི་དྲི་མ་མེད་པ། ཤིན་ཏུ་རྒྱས་པ་ལུས་ལ་བདེ་བསྐྱེད་པ། སེམས་དགའ་བར་བྱེད་པ་ལྷ་དང་། ལྷ་མ་ཡིན་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་།
D49.039.0251a07.01