完整藏文原文 · 德格版页 当前仅加载第 39 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོའི་སྒྲ་དང་། མི་སྐྱེ་བའི་ཆོས་ལ་བཟོད་པ་དང་། དབང་བསྐུར་བའི་ས་རབ་ཏུ་ཐོབ་པའི་སྒྲ་དག་ཐོས་སོ། །དེས་སྒྲ་རྣམ་པ་དེ་ལྟ་བུ་ཐོས་ནས་དགའ་བ་དང་། མཆོག་ཏུ་དགའ་བ་རྒྱ་ཆེན་པོ་ཐོབ་བོ། །
D49.039.0256a01.01དབེན་པ་དང་ལྡན་པ་དང་། འདོད་ཆགས་དང་བྲལ་བ་དང་ལྡན་པ་དང་། ཞི་བ་དང་ལྡན་པ་དང་། འགོག་པ་དང་ལྡན་པ་དང་། ཆོས་དང་ལྡན་པ་དང་། བྱང་ཆུབ་ཡོངས་སུ་འགྲུབ་པའི་དགེ་བའི་རྩ་བ་དང་ལྡན་པའི་སྒྲ་འབྱུང་ངོ་། །ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་ན་མི་དགེ་བའི་མིང་ཡོང་མེད་
D49.039.0256a02.01དོ། །སྒྲིབ་པའི་སྒྲ་ཡོང་མེད་དོ། །ངན་སོང་ངན་འགྲོ་རྣམ་པར་ལྟུང་བའི་སྒྲ་ཡང་ཡོང་མེད་དོ། །སྡུག་བསྔལ་གྱི་སྒྲ་ཡང་ཡོང་མེད་དོ། །ཀུན་དགའ་བོ་དེ་ན་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བའི་སྒྲ་ཡང་མེད་ན་སྡུག་བསྔལ་དང་སྡུག་བསྔལ་གྱི་སྒྲ་ཡང་ལྟ་ག་ལ་ཡོད། ཀུན་དགའ་བོ་
D49.039.0256a03.01མདོར་བསྡུ་ན་རྣམ་གྲངས་འདིས་འཇིག་རྟེན་གྱི་ཁམས་བདེ་བ་ཅན་ཞེས་བྱ་སྟེ། རྒྱས་པར་ནི་མ་ཡིན་ནོ། །ཀུན་དགའ་བོ་རྒྱས་པར་བྱས་ན་བསྐལ་པའམ་བསྐལ་པ་ལས་ལྷག་པ་ཟད་ཟད་དུ་འཇིག་རྟེན་གྱི་ཁམས་བདེ་བ་ཅན་གྱི་བདེ་བའི་རྒྱུ་ཡོངས་སུ་བརྗོད་ཀྱང་བདེ་བའི་རྒྱུ་དེ་དག་གི་མཐའ་རྟོགས་པར་མི་
D49.039.0256a04.01ནུས་སོ། །ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་དེར་སེམས་ཅན་གང་དག་སྐྱེས་པ་དང་། སྐྱེ་བ་དང་། སྐྱེ་བར་འགྱུར་བ་དེ་དག་ཐམས་ཅད་ཀྱང་གཟུགས་དང་། ཁ་དོག་དང་། སྟོབས་དང་། མཐུ་དང་། ཆུ་ཞེང་དང་། དབང་དང་། བསོད་ནམས་བསགས་པ་དང་། མངོན་པར་ཤེས་པ་
D49.039.0256a05.01དག་དང་། གོས་དང་། རྒྱན་དང་། སྐྱེད་མོས་ཚལ་དང་། གཞལ་མེད་ཁང་དང་། ཁང་པ་བརྩེགས་པ་ཡོངས་སུ་སྤྱད་པ་རྣམ་པ་དེ་ལྟ་བུ་དག་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཡོངས་སུ་སྤྱད་པ་རྣམ་པ་དེ་ལྟ་བུ་དག་དང་། ལོངས་སྤྱོད་དང་། ཡོངས་སུ་སྤྱད་པ་རྣམ་པ་
D49.039.0256a06.01དེ་ལྟ་བུ་ཐམས་ཅད་དང་ལྡན་ཏེ། དཔེར་ན་གཞན་འཕྲུལ་དབང་བྱེད་ཀྱི་ལྷ་རྣམས་དང་འདྲའོ། །ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་གྱི་སེམས་ཅན་དག་ཁམ་གྱིས་ཟ་བ་རགས་པའི་ཁ་ཟས་མི་ཟའི། ཁ་ཟས་རྣམ་པ་ཇི་ལྟ་བུ་འདོད་པ་རྣམ་པ་དེ་ལྟ་བུ་འབྱོར་བ་ཉིད་དུ་ཤེས་ཏེ། ལུས་ཚིམ་
D49.039.0256a07.01