完整藏文原文 · 德格版页 当前仅加载第 39 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་བྱེ་བ་བརྒྱ་སྟོང་ཕྲག་འདི་སྙེད་ཅིག་ཅེས་བྱ་བ་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་འདི་སྙེད་ཅིག་གོ་ཞེས་བྱ་བའི་བར་དུ་ཚེའི་ཚད་རྟོགས་པར་སླ་བ་མ་ཡིན་ནོ། །ཀུན་དགའ་བོ་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེའི་སྐུ་ཚེའི་ཚད་དེ་ལྟར་དཔག་ཏུ་མེད་དེ། དེའི་ཕྱིར་དེ་
D49.039.0252b01.01བཞིན་གཤེགས་པ་དེ་ཚེ་དཔག་མེད་ཅེས་བྱའོ། །ཀུན་དགའ་བོ་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཇི་ལྟར་ད་ལྟར་འཇིག་རྟེན་གྱི་ཁམས་འདི་ན་བསྐལ་པའི་གྲངས་དང་། བསྐལ་པའི་བགྲང་བའི་
D49.039.0252b02.01བརྡར་བཏགས་པ་དེ་ལྟ་བུའི་བསྐལ་པ་བཅུ་ལོན་ནོ། །ཀུན་དགའ་བོ་བཅོམ་ལྡན་འདས་འོད་དཔག་མེད་ཀྱི་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ནི་འབྱོར་བ་མོད་པ། བདེ་བ་ལོ་ལེགས་པ། ཉམས་དགའ་བ། ལྷ་དང་མི་མང་པོས་གང་བའོ། །ཀུན་དགའ་བོ་འཇིག་རྟེན་གྱི་ཁམས་དེ་ན་སེམས་ཅན་
D49.039.0252b03.01དམྱལ་བ་མེད་དོ། །དུད་འགྲོའི་སྐྱེ་གནས་མེད་དོ། །{ཡི་དགས་,ཡི་དྭགས་}ཀྱི་ཡུལ་མེད་དོ། །ལྷ་མ་ཡིན་གྱི་རིས་མེད་དོ། །མི་ཁོམ་པར་སྐྱེ་བ་མེད་དོ། །འཇིག་རྟེན་གྱི་ཁམས་བདེ་བ་ཅན་ན་སྣང་བའི་རིན་པོ་ཆེ་གང་ཡིན་པ་དེ་དག་ནི་འཇིག་རྟེན་ན་མི་སྤྱོད་དོ། །ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་དེ་ནི་སྤོས་
D49.039.0252b04.01སྣ་ཚོགས་དྲི་རབ་ཏུ་ཞིམ་པའི་ངད་ལྡང་བའོ། །མེ་ཏོག་དང་འབྲས་བུ་སྣ་ཚོགས་འབྱོར་པའོ། །རིན་པོ་ཆེའི་ཤིང་ལྗོན་པས་ལེགས་པར་བརྒྱན་པའོ། །དེ་བཞིན་གཤེགས་པས་སྤྲུལ་པའི་བྱ་རྣམ་པ་སྣ་ཚོགས་སྒྲ་ཡིད་དུ་འོང་བ་ཅན་གྱི་ཚོགས་ཀྱིས་སྟེན་པའོ། །ཀུན་དགའ་བོ་རིན་པོ་ཆེའི་ཤིང་ལྗོན་པ་
D49.039.0252b05.01དེ་དག་ནི་ཁ་དོག་ཐ་དད་པ། ཁ་དོག་དུ་མ་པ། ཁ་དོག་བརྒྱ་སྟོང་ཕྲག་དུ་མ་ཡོད་པའོ། །ཀུན་དགའ་བོ་དེ་ན་རིན་པོ་ཆེའི་ཤིང་ལྗོན་པ་གསེར་གྱི་ཁ་དོག་ལྟ་བུ་དང་། གསེར་གྱི་རང་བཞིན་དག་ཡོད་དོ། །དངུལ་གྱི་ཁ་དོག་ལྟ་བུ་དང་དངུལ་གྱི་རང་བཞིན་དག་ཡོད་དོ། །བཻ་དཱུརྱའི་ཁ་དོག་ལྟ་བུ་དང་བཻ་དཱུརྱའི་རང་
D49.039.0252b06.01བཞིན་དག་ཡོད་དོ། །ཤེལ་གྱི་ཁ་དོག་ལྟ་བུ་དང་ཤེལ་གྱི་རང་བཞིན་དག་ཡོད་དོ། །སྤུག་གི་ཁ་དོག་ལྟ་བུ་དང་སྤུག་གི་རང་བཞིན་དག་ཡོད་དོ། །མུ་ཏིག་དམར་པོའི་ཁ་དོག་ལྟ་བུ་དང་མུ་ཏིག་དམར་པོའི་རང་བཞིན་དག་ཡོད་དོ། །རྡོའི་སྙིང་པོའི་ཁ་དོག་ལྟ་བུ་དང་རྡོའི་སྙིང་པོའི་རང་བཞིན་དག་
D49.039.0252b07.01