完整藏文原文 · 德格版页 当前仅加载第 40 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་འམ། འདུས་བྱས་ཞེས་བྱ་བ་འམ། འདུས་མ་བྱས་ཞེས་བྱ་བར་སྒྲོ་འདོགས་པར་མི་བྱེད་དོ། །དེ་ནི་སྒྲོ་འདོགས་པར་མི་བྱེད་པ་ཉིད་ཀྱིས་ཀྱང་རློམ་སེམས་སུ་མི་བྱེད། རྟོག་པར་མི་བྱེད། རྣམ་པར་རྟོག་པར་མི་བྱེད་དེ། ཡང་དག་པར་རྗེས་སུ་མི་མཐོང་ངོ་། །དེས་ནི་
D52.040.0146b01.01ཆོས་ཐམས་ཅད་སྒྲོ་བཏགས་པ་མེད་པར་མཉམ་པ་ཉིད་ཀྱིས་མཉམ་ཞིང་ནམ་མཁའ་ལྟར་མཉམ་པ་ཉིད་དུ་རྟོག་པ་ཡིན་ནོ། །བཙུན་པ་ཀུན་དགའ་བོ་གང་དེ་ལྟར་མོས་པའི་དགེ་སློང་ནི་ཡང་དག་པར་ཤིན་ཏུ་རྣམ་པར་གྲོལ་བ་ཞེས་བྱ་སྟེ། དེ་ལྟར་ན་ལྷག་པའི་ང་རྒྱལ་མེད་པ་ཡིན་ནོ། །
D52.040.0146b02.01དེ་ལས་དགོངས་ནས་བཅོམ་ལྡན་འདས་ཀྱིས་འདི་སྐད་དུ་ཇི་ལྟར་ནམ་མཁའ་ལག་མཐིལ་ལ་མི་ཆགས་པ་ལྟར་དགེ་སློང་གི་ཆོས་ཀྱང་དེ་བཞིན་ནོ་ཞེས་གསུངས་སོ། །བསྟན་པ་འདི་བཤད་པ་ན་དགེ་སློང་ཉིས་བརྒྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་
D52.040.0146b03.01ནས་ལྷའི་བུ་རིན་ཆེན་མཆོག་གིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལྷག་པའི་ང་རྒྱལ་མེད་པ་ཡང་དག་པའི་ཤེས་པ་བརྡ་སྤྲོད་པར་བྱེད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་
D52.040.0146b04.01སེམས་དཔའ་ཐམས་ཅད་མཁྱེན་པ་ཉིད་ཀྱི་སེམས་མི་མཉམ་པ་དང་མཉམ་པའི་སེམས་འཇིག་རྟེན་གསུམ་པོ་ཐམས་ཅད་ལས་ཁྱད་པར་དུ་འཕགས་པའི་སེམས་ཉན་ཐོས་དང་རང་སངས་རྒྱས་ཐམས་ཅད་ལས་ཡང་དག་པར་འདས་པའི་སེམས་དེ་ནང་ན་གནས་པར་ཡང་མི་མཐོང་། ཕྱི་
D52.040.0146b05.01རོལ་ན་ཡང་མ་ཡིན། གཉི་ག་མེད་པར་ཡང་མ་ཡིན། ཕྱི་རོལ་གྱི་ཡུལ་ལ་རྒྱུ་ཞིང་གནས་པར་ཡང་མི་མཐོང་ལ་དགེ་བའི་རྩ་བ་བསགས་པར་བྱ་བ་དང་། སེམས་ཅན་ཡོངས་སུ་སྨིན་པར་བྱ་བ་དང་། དམ་པའི་ཆོས་ཡོངས་སུ་གཟུང་བའི་ཕྱིར་ཡང་རྒྱུ་ཞིང་ཐམས་ཅད་མཁྱེན་པ་ཉིད་
D52.040.0146b06.01ཀྱི་སེམས་དེ་ཡང་སེམས་ཅན་གཞན་རྣམས་དང་། གང་ཟག་གཞན་དག་ལ་རྗོད་པར་བྱེད་ལ་སེམས་དེ་ཡང་ཡང་དག་པའི་མཐའ་ངོ་བོ་ཉིད་དུ་རྟོགས་པར་གྱུར་ཏེ། དྲིས་ན་སེམས་ཀྱི་ངོ་བོ་ཉིད་ཀྱིས་སེམས་ཅན་ཐམས་ཅད་ཀྱི་ངོ་བོ་ཉིད་རྟོགས་ཤིང་སེམས་ཅན་ཐམས་ཅད་ཀྱི་ངོ་བོ་ཉིད་ཀྱིས་
D52.040.0146b07.01