完整藏文原文 · 德格版页 当前仅加载第 40 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་ཅན་དང་། གནས་བརྟན་ཤ་ར་དྭ་ཏིའི་བུ་གཉིས་སངས་རྒྱས་ཀྱི་གཟུགས་དང་། སྐུའི་མཚན་གྱིས་བརྒྱན་པར་བྱིན་གྱིས་བརླབས་སོ། །དེ་ནས་འཇམ་དཔལ་གཞོན་ནུར་གྱུར་པས་བྱིན་གྱིས་བརླབས་དེ་ཕྱིར་བསྡུས་སོ། །དེ་ནས་གནས་བརྟན་ཤ་ར་དྭ་ཏིའི་བུ་དང་། བདུད་
D52.040.0162b01.01སྡིག་ཅན་ཡང་རང་རང་གི་གཟུགས་ཀྱི་མཚན་དང་ལྡན་པར་གྱུར་ཏོ། །དེ་ནས་དེའི་ཚེ་ཕྱོགས་བཞིའི་སངས་རྒྱས་ཀྱི་ཞིང་ཐ་དད་པ་དག་ནས་བྱང་ཆུབ་སེམས་དཔའ་སྟོང་ཕྲག་མང་པོ་དག་ལྷགས་ཤིང་འདུས་ཏེ་དེ་དག་ནམ་མཁའ་ལས་བབས་ནས་བཅོམ་ལྡན་འདས་ག་ལ་བར་དོང་སྟེ་ཕྱིན་
D52.040.0162b02.01པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་པར་གྱུར་ཏོ། །ཕྱོགས་གཅིག་ཏུ་འཁོད་ནས་ཀྱང་བཅོམ་ལྡན་འདས་ལ་བྱང་ཆུབ་སེམས་དཔའ་དེ་དག་གིས་འདི་སྐད་ཅེས་གསོལ་
D52.040.0162b03.01ཏོ། །བཅོམ་ལྡན་འདས་བདག་ཅག་ནི་ཆོས་ཀྱི་དབྱིངས་ཀྱི་རང་བཞིན་དབྱེར་མ་མཆིས་པར་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་དམ་པའི་ཆོས་ཡོངས་སུ་གཟུང་བའི་སླད་དུ་འདིར་མཆིས་ལགས་ཏེ། བཅོམ་ལྡན་འདས་བདག་ཅག་གིས་ཆོས་ཀྱི་རྣམ་གྲངས་འདི་གཟུང་བར་
D52.040.0162b04.01བགྱི། བཅང་བར་བགྱི། བཀླག་པར་བགྱི། ཀུན་ཆུབ་པར་བགྱི་ཞིང་དམ་པའི་ཆོས་ཡོངས་སུ་གཟུང་བའི་སླད་དུ་གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བགྱིའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །
D52.040.0162b05.01བཅོམ་ལྡན་འདས་བྱང་ཆུབ་སེམས་དཔའ་འདི་དག་གང་ནས་འདིར་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་འདི་དག་ནི་སངས་རྒྱས་ཀྱི་ཞིང་ཐ་དད་པ་དག་ནས་འདུས་པ་སྟེ། འཇམ་དཔལ་གཞོན་ནུར་གྱུར་པས་ཡོངས་
D52.040.0162b06.01སུ་སྨིན་པར་བྱས་ཤིང་ཆོས་ཀྱི་དབྱིངས་ཀྱི་རང་བཞིན་དབྱེར་མེད་པར་བསྟན་པའི་ཆོས་ཀྱི་རྣམ་གྲངས་འདི་ཉིད་ཀྱིས་ཡོངས་སུ་སྨིན་པར་བྱས་པ་དག་ཡིན་པས། འདི་དག་ནི་ཆོས་ཀྱི་རྣམ་གྲངས་འདི་ལ་བྱས་པ་གཟོ་བ་དང་། བྱས་པ་ཚོར་བའི་ཕྱིར་དེ་བཞིན་གཤེགས་པ་ལ་བལྟ་
D52.040.0162b07.01