完整藏文原文 · 德格版页 当前仅加载第 40 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་དེ་ནི་བྱང་ཆུབ་སེམས་དཔའི་ཡང་དག་པའི་ཤེས་པ་བརྡ་སྤྲོད་པ་བརྩོན་འགྲུས་ཀྱིས་ཡོངས་སུ་དག་པ་ཡིན་ནོ། །ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་མཉམ་ཞིང་བྱེ་བྲག་མེད་པར་གྱུར་པར་བསམ་གཏན་བྱེད་དེ། བསམ་
D52.040.0148a01.01གཏན་དེ་ལ་སེམས་གནས་པར་འཇོག་ཅིང་གནས་དེ་ལ་ཡང་རྣམ་པར་ཤེས་པ་གནས་པར་མི་བྱེད་པ་དང་། དེས་རྣམ་པར་ཤེས་པ་མི་གནས་ཤིང་སེམས་མཉམ་པ་ཉིད་ཀྱིས་བསམ་གཏན་མཉམ་པ་ཉིད་དུ་རྟོགས་པ་དང་། བསམ་གཏན་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དུ་རྟོགས་པ་
D52.040.0148a02.01དང་། བྱང་ཆུབ་མཉམ་པ་ཉིད་ཀྱིས་སེམས་ཅན་ཐམས་ཅད་མཉམ་པ་ཉིད་དུ་རྟོགས་པ་དང་། སེམས་ཅན་ཐམས་ཅད་མཉམ་པ་ཉིད་ཀྱིས་ཆོས་ཐམས་ཅད་མཉམ་པ་ཉིད་དུ་རྗེས་སུ་རྟོགས་པས་དེ་ལྟར་ཆོས་ཐམས་ཅད་མཉམ་པ་ཞེས་བྱ་བར་རིག་ལ་དྲིས་ན་རང་བཞིན་ཇི་ལྟ་བ་བཞིན་དུ་
D52.040.0148a03.01མཉམ་པ་ཉིད་ཀྱིས་ཆོས་ཐམས་ཅད་མཉམ་པ་ཉིད་དུ་བརྡ་སྤྲོད་པར་བྱེད་དོ། །ལྷའི་བུ་དེ་ནི་བྱང་ཆུབ་སེམས་དཔའི་ཡང་དག་པའི་ཤེས་པ་བརྡ་སྤྲོད་པ་བསམ་གཏན་གྱིས་ཡོངས་སུ་དག་པ་ཡིན་ནོ། །ལྷའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་ཤེས་རབ་ཀྱི་མིག་གིས་རྣམ་པར་
D52.040.0148a04.01སྦྱངས་པའི་ཡེ་ཤེས་ཀྱིས་ཆོས་ཐམས་ཅད་མཐོང་སྟེ། ཇི་ལྟར་ཆོས་གང་ཡང་ཡང་དག་པར་རྗེས་སུ་མི་མཐོང་བ་དེ་ལྟར་མཐོང་ཞིང་གང་གི་ཚེ་ཆོས་གང་ཡང་ཡང་དག་པར་རྗེས་སུ་མི་མཐོང་བ་དེའི་ཚེ་ཅི་ཡང་མ་ཡིན་པར་འགྱུར་རོ། །དེ་ཅི་ཡང་མ་ཡིན་པའི་ཤེས་པ་ཐོབ་པས་མི་
D52.040.0148a05.01རྒྱུ། རབ་ཏུ་མི་རྒྱུ། རྣམ་པར་མི་རྒྱུའོ། །དེས་རྒྱུ་བ་དང་། རབ་ཏུ་རྒྱུ་བ་དང་། རྣམ་པར་རྒྱུ་བ་ཐམས་ཅད་ཡང་དག་པར་རྒྱུན་བཅད་པས་མི་འཁོར་རོ། །རྣམ་པར་མི་འཁོར་རོ། །དེ་ཅིའི་ཕྱིར་ཞེ་ན། དེས་གང་གིས་འཁོར་བར་འགྱུར་བའི་རབ་ཏུ་རྒྱུ་བ་དེ་འདི་ལྟ་སྟེ། འདོད་པ་དང་།
D52.040.0148a06.01ཆགས་པ་དང་། སྨོན་པའི་རྒྱུན་བཅད་པའི་ཕྱིར་ཏེ། དེ་འདོད་པའི་དོན་དུ་གཉེར་བ་ཐམས་ཅད་མེད་པར་སེམས་ཅན་ཡོངས་སུ་སྨིན་པར་བྱ་བ་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་བསྡུ་བ་དང་། དམ་པའི་ཆོས་ཡོངས་སུ་གཟུང་བ་དང་། དཀོན་མཆོག་གསུམ་
D52.040.0148a07.01