完整藏文原文 · 德格版页 当前仅加载第 41 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། ཕ་མའི་མི་གཙང་བ་དང་། འདས་པའི་ལས་ལ་བརྟེན་ནས་ལུས་ལེན་པར་བྱེད་ཀྱང་འདི་ལྟར་ལས་དེ་དང་། ཕ་མའི་རྐྱེན་རྣམས་ཀྱིས་སོ་སོ་ནས་རང་སྐྱེད་པར་མི་བྱེད་ཀྱི། འདུས་པའི་མཐུ་སྟོབས་ཀྱིས་ལུས་ལེན་པར་བྱེད་པས། འདི་ལྟ་སྟེ་དཔེར་ན། སྣོད་ཀྱི་ནང་དུ་ཞོས་བཀང་ནས་སྐྱེས་
D58.041.0238b01.01བུའི་རྩོལ་བ་དང་། ཐག་པ་ལ་སོགས་པ་ལ་བརྟེན་ཏེ་མར་འབྱུང་བ་ཡང་རྐྱེན་རྣམས་ལས་དམིགས་པར་མི་འགྱུར་མོད་ཀྱི་འོན་ཀྱང་འདུས་པའི་མཐུ་ལས་མར་འབྱུང་བར་འགྱུར་བ་དེ་བཞིན་དུ་མེར་མེར་པོའི་ལུས་ཀྱང་དེ་བཞིན་ཏེ། འདི་ལྟར་རྒྱུ་དང་རྐྱེན་གྱི་མཐུས་མངལ་དུ་ལུས་མངོན་པར་འགྲུབ་པར་འགྱུར་
D58.041.0238b02.01རོ། །དགའ་བོ་འདི་ལྟ་སྟེ་དཔེར་ན་རྩྭ་སྔོན་པོ་དང་། བ་ལང་གི་ལྕི་བ་དང་། རྒྱ་ཤུག་དང་ཞོ་ལ་བརྟེན་ནས་སོ་སོ་ནས་སྲིན་བུ་སྐྱེ་བར་འགྱུར་བ་རེ་རེའི་ནང་དུ་སྲིན་བུ་མི་དམིགས་ཀྱང་རྒྱུ་དང་རྐྱེན་གྱི་སྟོབས་ཀྱིས་སྲིན་བུ་སྐྱེ་བར་འགྱུར་ཏེ། སྲིན་བུ་དེ་དག་སྐྱེས་པ་ན་སོ་སོ་ནས་རྟེན་ཇི་ལྟ་བ་བཞིན་དུ་ཁ་
D58.041.0238b03.01དོག་སྔོན་པོ་དང་། སེར་པོ་དང་། དམར་པོ་དང་། དཀར་པོར་འགྱུར་རོ། །དེ་བཞིན་དུ་ཕ་མའི་མི་གཙང་བ་ལས་ལུས་འདི་སྐྱེ་བ་ཡང་རྐྱེན་རྣམས་ཀྱི་ནང་དུ་བཙལ་ན་དམིགས་པར་མི་འགྱུར་མོད་ཀྱི། འོན་ཀྱང་རྐྱེན་འདུས་པའི་མཐུ་དང་མ་ཕྲད་པར་ཡང་ལུས་ཡང་དག་པར་ལེན་པར་ཡང་མི་འགྱུར་རོ། །
D58.041.0238b04.01ལུས་འདི་སྐྱེས་ན་ཕ་མའི་འབྱུང་བ་ཆེན་པོ་བཞི་དང་ངོ་བོ་ཉིད་ཐ་མི་དད་པར་གྱུར་ཏེ། འདི་ལྟ་སྟེ། སའི་ཁམས་ཀྱིས་ནི་སྲ་བའི་བྱ་བ་བྱེད་དོ། །ཆུའི་ཁམས་ཀྱིས་ནི་གཤེར་བའི་བྱ་བ་བྱེད་དོ། །མེའི་ཁམས་ཀྱིས་ནི་དྲོ་བའི་བྱ་བ་བྱེད་དོ། །རླུང་གི་ཁམས་ཀྱིས་ནི་ཡང་ཞིང་གཡོ་བའི་བྱ་བ་བྱེད་དེ། མེར་མེར་པོའི་
D58.041.0238b05.01ལུས་དེ་དག་གལ་ཏེ་སའི་ཁམས་འབའ་ཞིག་དང་ལྡན་ལ་ཆུའི་ཁམས་མེད་པར་གྱུར་ན་ནི་འདི་ལྟ་སྟེ། དཔེར་ན་ཕྱེ་དང་ཐལ་བ་སྐམ་པོ་བཅངས་པ་བཞིན་དུ་འདུར་མི་བཏུབ་པར་འགྱུར་རོ། །གལ་ཏེ་ཆུའི་ཁམས་འབའ་ཞིག་དང་ལྡན་ལ་སའི་ཁམས་མེད་པར་གྱུར་ན་ནི་འདི་ལྟ་སྟེ། དཔེར་ན་འབྲུ་མར་རམ་
D58.041.0238b06.01ཆུའི་རང་བཞིན་ནི་སྣུམ་ཞིང་གཤེར་བས་སྲ་བ་མེད་པ་བཞིན་དུ་བོ་ཞིང་གྱེས་པར་འགྱུར་རོ། །གལ་ཏེ་ས་དང་ཆུའི་ཁམས་འབའ་ཞིག་དང་ལྡན་ལ་མེའི་ཁམས་མེད་པར་གྱུར་ན་ནི་འདི་ལྟ་སྟེ་དཔེར་ན། དབྱར་ཚ་བའི་དུས་སུ་ཤའི་གོང་བུ་གྲིབ་མ་ལ་བཞག་པ་ཉི་མའི་འོད་ཀྱིས་མ་ཕོག་པ་བཞིན་དུ་རུལ་ཞིང་
D58.041.0238b07.01