完整藏文原文 · 德格版页 当前仅加载第 41 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་པར་འགྱུར་བས་མཁས་པ་སུ་ཞིག་འཁོར་བའི་རྒྱ་མཚོ་འདིར་དེ་ལ་རྗེས་སུ་ཆགས་པར་བྱེད། གཞན་ཡང་དགའ་བོ་ལུས་འདི་ཡང་དག་པ་བླངས་པ་ལ་སྡུག་བསྔལ་རྣམ་པ་གཉིས་ཡོད་དེ། གཉིས་གང་ཞེ་ན། ནད་མང་པོ་རྣམས་ལུས་ལ་འདུས་པ་གང་ཡིན་པ་དེ་ནི་ནང་གི་སྡུག་བསྔལ་ཞེས་བྱའོ། །
D58.041.0246b01.01མི་དང་མི་མ་ཡིན་པས་རྣམ་པར་འཚེ་བ་གང་ཡིན་པ་དེ་ནི་ཕྱི་རོལ་གྱི་སྡུག་བསྔལ་ཞེས་བྱའོ། །དེ་ལ་ནད་མང་པོ་ལུས་ལ་འདུས་པ་ཞེས་བྱ་བ་ཇི་ལྟ་བུ་ཞེ་ན། འདི་ལྟ་སྟེ། མིག་དང་། རྣ་བ་དང་། སྣ་དང་། ལྕེ་དང་། ལྐོག་མ་དང་། སོ་དང་། བྲང་དང་། ལྟོ་བ་དང་། ལག་པ་དང་། རྐང་པ་རྣམས་ན་བར་
D58.041.0246b02.01གྱུར་པ་དང་། གཞན་ཡང་རླུང་ན་བ་དང་། མཆིལ་སྣ་བས་དང་། སྨྱོས་པ་དང་། ཁོང་རྡེ་དང་། དབུགས་མི་བདེ་བ་དང་། གློ་བ་ན་བ་དང་། གཅི་བའི་ལམ་རྩུབ་པ་དང་། གཡན་པ་དང་། མཛེ་དང་། འབྲས་དང་། ཐོར་བུ་དང་། ཤུ་བ་དང་། འབྲུམ་བུ་དང་། རྐང་བམ་དང་། གཞན་ཡང་ནད་རྣམ་པ་
D58.041.0246b03.01སྣ་ཚོགས་ལུས་ལ་འདུས་པ་གང་ཡིན་པའོ། །གཞན་ཡང་མཁྲིས་པའི་ནད་བརྒྱ་རྩ་གཅིག་དང་། རླུང་ནད་བརྒྱ་རྩ་གཅིག་དང་། བད་ཀན་གྱི་ནད་བརྒྱ་རྩ་གཅིག་དང་། རླུང་དང་མཁྲིས་པ་དང་། བད་ཀན་འདུས་པ་ལས་བྱུང་བའི་ནད་བརྒྱ་རྩ་གཅིག་སྟེ། དེ་ལྟར་ནད་བཞི་བརྒྱ་རྩ་བཞི་དག་གིས་ལུས་
D58.041.0246b04.01ཉོན་མོངས་པ་གང་ཡིན་པ་དེ་ནི་ནང་གི་སྡུག་བསྔལ་ཞེས་བྱའོ། །གཞན་ཡང་ཕྱི་རོལ་གྱི་སྡུག་བསྔལ་གྱིས་ལུས་འདི་ལ་གནོད་པར་བྱེད་པ་འདི་ལྟ་སྟེ། བཙོན་ར་དམ་པོར་བཅུག་པ་དང་། ལྕག་གིས་གཞུས་པ་དང་། བཙོན་རར་བཅུག་པ་དང་། བཅིངས་པའི་སྡུག་བསྔལ་གང་ཡིན་པ་དང་། གཞན་
D58.041.0246b05.01ཡང་རྣ་བ་བཅད་པ་དང་། སྣ་བཅད་པ་དང་། ལག་པ་དང་། རྐང་པ་གཏུབས་པ་དང་། མགོ་བཅད་པ་དང་། ལྷ་རྣམས་ཀྱིས་མ་བསྲུངས་པས་མི་མ་ཡིན་པའི་གདོན་མ་རུངས་པ་རྣམས་དང་། གནོད་སྦྱིན་དང་། སྲིན་པོ་རྣམས་ཀྱིས་གླགས་རྙེད་པར་འགྱུར་བ་གང་ཡིན་པ་དང་། གཞན་
D58.041.0246b06.01ཡང་སྦྲང་བུ་མཆུ་{རིངས་,རིང་}དང་། ཤ་སྦྲང་ལ་སོགས་པའི་སྲིན་བུ་གདུག་པ་རྣམས་ཀྱིས་ཟོས་པ་དང་། གྲང་བ་དང་། ཚ་བ་དང་། བཀྲེས་པ་དང་། སྐོམ་པ་དང་། རླུང་དང་། ཆར་པ་ཉེ་བར་གནས་པར་གྱུར་པའི་སྡུག་བསྔལ་རྣམ་པ་སྣ་ཚོགས་ཀྱིས་ལུས་ཉོན་མོངས་པར་བྱེད་དེ། མིར་གྱུར་པ་
D58.041.0246b07.01