完整藏文原文 · 德格版页 当前仅加载第 41 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་བཞིར་གཏོར་བར་གྱུར་ན་ཉི་མ་དང་ཟླ་བའི་དཀྱིལ་འཁོར་ཤིན་ཏུ་གསལ་བར་གྱུར་པ་དེ་བཞིན་དུ་འདི་ལྟར་ལས་ཀྱི་རླུང་གི་དབང་གིས་དབང་པོ་རྣམས་བུས་པས་ཆེས་ཤིན་ཏུ་གསལ་ཞིང་ཡོངས་སུ་དག་པར་བྱེད་པ་ཡང་དེ་བཞིན་དུ་རིག་པར་བྱའོ། །ཞག་བདུན་ཕྲག་བཅུ་དགུ་པ་ལ་མའི་མངལ་ན་
D58.041.0242a01.01གནས་པའི་ཚེ་ཡང་ལས་ཀྱི་རླུང་གི་སྟོབས་ཀྱིས་མིག་དང་། རྣ་བ་དང་། སྣ་དང་། ལྕེའི་དབང་པོ་བཞི་པོ་དག་ཡོངས་སུ་སྨིན་པར་བྱེད་དོ། །དང་པོ་མངལ་དུ་འཇུག་པའི་ཚེ་ནི་དབང་པོ་གསུམ་དང་ལྡན་ཏེ། ལུས་ཀྱི་དབང་པོ་དང་། སྲོག་གི་དབང་པོ་དང་། ཡིད་ཀྱི་དབང་པོ་སྟེ། དེ་ལྟར་དབང་པོ་རྣམས་
D58.041.0242a02.01ཡོངས་སུ་རྫོགས་པར་བྱེད་དོ། །ཞག་བདུན་ཕྲག་ཉི་ཤུ་པ་ལ་མའི་མངལ་ན་གནས་པའི་ཚེ་ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཤིན་ཏུ་སྲ་བ་ཞེས་བྱ་སྟེ། རླུང་དེའི་སྟོབས་ཀྱིས་དེའི་ལུས་ལས་རུས་པ་སྣ་ཚོགས་སྐྱེད་པར་བྱེད་དེ། རྐང་པ་གཡོན་པ་ལ་བརྟེན་ཏེ་རུས་པ་ཉི་ཤུ་སྐྱེད་དོ། །
D58.041.0242a03.01རྐང་པ་གཡས་པ་ལ་བརྟེན་ཏེ་རུས་པ་ཉི་ཤུ་སྐྱེད་དོ། །གཞན་ཡང་རྐང་པའི་རྟིང་པའི་རུས་པ་བཞི་དང་། རྗེ་ངར་གྱི་རུས་པ་གཉིས་དང་། ལྷ་ངའི་རུས་པ་གཉིས་དང་། བརླའི་རུས་པ་གཉིས་དང་། རྐེད་པ་དང་། དཔྱིའི་རུས་པ་གསུམ་གསུམ་དང་། སྒལ་ཚིགས་ཀྱི་རུས་པ་{བཅྭ་,བཅོ་}བརྒྱད་དང་། རྩིབ་མའི་
D58.041.0242a04.01རུས་པ་ཉི་ཤུ་རྩ་བཞི་དང་། བྲང་གི་རུས་པ་སུམ་ཅུ་དང་། ལག་པ་གཡས་གཡོན་རེ་རེ་ལ་རུས་པ་ཉི་ཤུ་ཉི་ཤུ་ཚ་དང་། ལག་ངར་གྱི་རུས་པ་བཞི་དང་། དཔུང་པའི་རུས་པ་གཉིས་དང་། འགྲམ་པའི་རུས་པ་གཉིས་དང་། མགོ་བོའི་རུས་པ་བཞི་དང་། སོའི་རྩ་བའི་རུས་པ་སུམ་ཅུ་རྩ་གཉིས་ཀྱང་སྐྱེད་པར་
D58.041.0242a05.01བྱེད་དོ། །འདི་ལྟ་སྟེ། དཔེར་ན་གཟུགས་མཁན་ནམ། གཟུགས་མཁན་གྱི་སློབ་མ་མཁས་པས་སྔར་ཤིང་སྲ་བ་བླངས་ཏེ་ཕྱིས་སྲད་བུས་བཅིངས་ནས་གཟུགས་རྣམས་བྱས་པ་ལ་འཇིམ་པ་མ་བསྐུས་མོད་ཀྱི། འོན་ཀྱང་དེའི་ཚེ་རུས་པའི་མཚན་ཉིད་ཅེས་བརྗོད་པ་དེ་བཞིན་དུ་ལས་ཀྱི་རླུང་གི་
D58.041.0242a06.01སྟོབས་ཀྱིས་རུས་པ་རྣམས་བསྐྱེད་པའི་དུས་ཀྱི་ཚེ་ཡང་དེ་བཞིན་ཏེ། དེ་ལྟ་བས་ན་ཞག་བདུན་པོ་དེ་དག་ཏུ་རུས་པ་ཕྲ་མོ་མ་གཏོགས་པ་རུས་པ་ཆེན་པོ་བསྐྱེད་པའི་གྲངས་ནི་ཉིས་བརྒྱ་ཡོད་པར་རིག་པར་བྱའོ། །ཞག་བདུན་ཕྲག་ཉི་ཤུ་གཅིག་པ་ལ་མའི་མངལ་ན་གནས་པའི་ཚེ་ཡང་ལས་
D58.041.0242a07.01