完整藏文原文 · 德格版页 当前仅加载第 42 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
དཔས་དམ་པའི་ཆོས་སྤོང་བའི་གང་ཟག་བསྟེན་པར་མི་བྱ་བ་དང་། ཡུལ་འཁོར་སྐྱོང་བྱང་ཆུབ་སེམས་དཔས་ཟང་ཟིང་ལ་བརྐམ་པའི་གང་ཟག་བསྟེན་པར་མི་བྱ་བ་སྟེ། ཡུལ་འཁོར་སྐྱོང་གང་ཟག་བཞི་པོ་དེ་དག་ནི་བྱང་ཆུབ་སེམས་དཔས་བསྟེན་པར་མི་བྱ་བའོ། །དེ་ནས་
D62.042.0236a01.01བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་སྡིག་པའི་བཤེས་གཉེན་རྣམ་སྤོང་ཞིང་། །གང་དག་དགེ་བའི་བཤེས་གཉེན་སྟེན་བྱེད་པ། །དེ་དག་རྟག་ཏུ་བྱང་ཆུབ་ལམ་ལ་འཕེལ། །དཔེར་ན་མཁའ་ལས་ཟླ་བ་ཡར་ངོ་བཞིན། །དམིགས་
D62.042.0236a02.01པར་ལྟ་ལ་རྟག་ཏུ་ཞེན་པ་དང་། །བདག་དང་སྲོག་དང་གསོ་བར་ཞེན་པ་དག །དེ་དག་དུག་ཕྱིས་བཞིན་དུ་རྟག་ཏུ་སྤོང་། །གང་དག་སངས་རྒྱས་ཡེ་ཤེས་དོན་མི་གཉེར། །གང་དག་མི་མཆོག་རྣམས་ཀྱི་ཞི་བའི་ཆོས། །འདོད་ཆགས་བྲལ་བ་བདུད་རྩི་འཐུང་སྤོང་བ། །དེ་དག་དཔེར་ན་ངན་
D62.042.0236a03.01སྐྱུགས་རྫབ་བཞིན་སྤོང་། །གང་ཞིག་བྱང་ཆུབ་དམ་པ་འཚང་རྒྱར་འདོད། །ཟང་ཟིང་དག་དང་ཆོས་གོས་ལྷུང་བཟེད་ཆགས། །རྟག་ཏུ་ཁྱིམ་ལ་འདྲིས་པར་བྱེད་བརྩོན་པ། །དེ་དག་རྣམས་དང་འདྲིས་པར་མི་བྱ་སྟེ། །དེ་དག་མེ་ཡི་འོབས་བཞིན་སྤང་བར་བྱ། །གང་ཞིག་བདུད་ནི་གདུལ་བར་
D62.042.0236a04.01བྱ་བ་དང་། །འཁོར་ལོ་དམ་པ་བླ་མེད་བསྐོར་བ་དང་། །དེ་ལྟར་སེམས་ཅན་དོན་ཡང་བྱེད་འདོད་པ། །དེས་ནི་སྡིག་པའི་བཤེས་གཉེན་སྤང་བར་བྱ། །གང་ཞིག་བྱང་ཆུབ་དམ་པ་འཚང་རྒྱར་འདོད། །དེ་ཡིས་རྙེད་དང་སྡུག་དང་མི་སྡུག་དང་། །གྲགས་དང་མཚང་འདྲུ་ཕྲག་དོག་ང་སྤངས་
D62.042.0236a05.01ཏེ། །སངས་རྒྱས་ཡེ་ཤེས་རྟག་ཏུ་བཙལ་བར་བྱ། །ཡུལ་འཁོར་སྐྱོང་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྡུག་བསྔལ་རྣམ་པར་སྨིན་པའི་ཆོས་ཏེ། བཞི་གང་ཞེ་ན། ཡུལ་འཁོར་སྐྱོང་ཤེས་པས་མངོན་པར་རློམ་སེམས་སུ་བྱེད་པ་བྱང་ཆུབ་སེམས་དཔའ་རྣམས་ཀྱི་
D62.042.0236a06.01སྡུག་བསྔལ་རྣམ་པར་སྨིན་པའི་ཆོས་དང་། ཡུལ་འཁོར་སྐྱོང་ཕྲག་དོག་དང་སེར་སྣ་དང་ལྡན་པའི་སེམས་བྱང་ཆུབ་སེམས་དཔའ་རྣམས་ཀྱི་སྡུག་བསྔལ་རྣམ་པར་སྨིན་པའི་ཆོས་དང་། ཡུལ་འཁོར་སྐྱོང་མ་མོས་པ་བྱང་ཆུབ་སེམས་དཔའ་རྣམས་ཀྱི་སྡུག་བསྔལ་རྣམ་པར་སྨིན་པའི་ཆོས་དང་། ཡུལ་
D62.042.0236a07.01