完整藏文原文 · 德格版页 当前仅加载第 42 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
དང་འཐུན་པ་ཞུས་ན་ཚིམ་བྱེད་པ། །ཆོས་ཀྱི་དབང་ཕྱུག་དེ་ཡི་གསུང་གི་ཡོན་ཏན་འདི། །སྟོན་པའི་མགུལ་མཛེས་དུང་དང་འདྲ་ཞིང་དཔུང་མགོ་ཟླུམ། །དབྱུག་པ་ལྟ་བུར་ཕྱག་རིང་དེ་ཡི་བདུན་ཡང་མཐོ། །ཕྱག་མཛེས་སྣ་ཚོགས་སོར་མོ་རྣམས་ནི་རིང་ཞིང་
D62.042.0250a01.01ཟླུམ། །རྒྱལ་བ་དེ་ཡི་སྐུ་ནི་བཙོ་མའི་གསེར་གྱི་མདོག །བ་སྤུ་གཡས་སུ་འཁྱིལ་ཅིང་གྱེན་དུ་རེ་རེ་སྐྱེས། །ལྟེ་བ་མཐའ་དག་ཟབ་ཅིང་གསང་སྦུབས་རྟ་ཡི་འདྲ། །རང་བྱུང་ཨེ་ནྱའི་བྱིན་པ་གླང་པོའི་སྣ་འདྲའི་བརླ། །ཞབས་མཐིལ་མཛེས་པར་བྲིས་པ་བཀྲ་ཤིས་འཁོར་ལོའི་མཚན། །གླང་
D62.042.0250a02.01པོའི་དབང་པོའི་འགྲོས་སྟོབས་སེང་གེའི་རྩལ་གྱི་སྟོབས། །ཁྱུ་མཆོག་བསྒྱིངས་པའི་སྟོབས་ཅན་དབང་པོའི་མཆོད་སྡོང་རྒྱས། །མཁའ་ལས་མེ་ཏོག་ཆར་བབ་མེ་ཏོག་གདུགས་སུ་གྱུར། །གཤེགས་པའི་རྗེས་འགྲོ་འདི་དག་དེ་ཡི་རྨད་བྱུང་ཆོས། །རྒྱལ་བ་རྙེད་དང་མ་རྙེད་བདེ་དང་སྡུག་
D62.042.0250a03.01བསྔལ་དང་། །གྲགས་དང་མ་གྲགས་དེ་བཞིན་བསྟོད་དང་སྨད་པ་ཡིས། །པད་མ་ཆུ་ལྟར་ཐམས་ཅད་དུ་ཡང་གོས་པ་མེད། །མི་ཡི་སེང་གེ་དེ་འདྲ་མཚུངས་པའི་སེམས་ཅན་མེད། །ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་གྱིས་སངས་རྒྱས་ཀྱི་བསྔགས་
D62.042.0250a04.01པ་ཐོས་ཤིང་ཆོས་དང་དགེ་འདུན་གྱི་བསྔགས་པ་ཐོས་ནས་ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་པར་གྱུར་ཏོ། །ཡུལ་འཁོར་སྐྱོང་དེ་ནས་རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་
D62.042.0250a05.01དེ་ཅི་འདྲ་བ་དང་། དེའི་དགེ་འདུན་ཕུན་སུམ་ཚོགས་པ་ཅི་འདྲ་བ་དང་། དེས་མངོན་སུམ་དུ་བྱས་པའི་ཆོས་ཅི་འདྲ་བ་དང་། དེའི་སློབ་མ་ཕུན་སུམ་ཚོགས་པ་ཅི་འདྲ་བ་དང་། ཇི་ལྟར་འཁོར་བ་ཡ་ང་བ་དང་ཕྲད་པ་དང་། བྱས་པ་མི་གཟོ་བ་དང་། ཇི་ལྟར་འཁོར་བ་ན་བྱིས་པ་སོ་སོའི་
D62.042.0250a06.01སྐྱེ་བོ་དག་བྱས་པ་མི་གཟོ་བ་དང་། ཇི་ལྟར་འཇིག་ཚོགས་ལ་ལྟ་བ་ཡ་ང་བ་དང་། ཇི་ལྟར་ཁྱིམ་གྱི་གནས་ཉེས་དམིགས་མང་བ་དང་། ཇི་ལྟར་འདོད་པ་དག་ཉེས་པ་མང་བ་དང་། ཇི་ལྟར་མཁས་པ་རྣམས་ཀྱིས་བག་མེད་པ་དམད་པ་དང་། ཇི་ལྟར་མ་རིག་པའི་མུན་ནག་རྨོངས་པ་
D62.042.0250a07.01